|
بنات منو تشاركني ؟ محتاجة تشجيع السلام عليكم ورحمة الله و بركاته طولي 1.51 وزني 63 محتاجة أنقص 8 كيلو لحد ما أوصل لـ 55 .. ومعروف أن اللي وزنها كثير مرتفع تنقص بسرعة لكن لما توصل لآخر الكيلوات الوزن يثبت وما يتزحزح :( هذا اللي صاير معاي الحين .. محتاجة تشجيع ومحتاجة صديقة أبدي معاها ونتنافس للوصول للوزن المثالي happy |
اهههههههههههههههههههههههه هاتي همك تحطو على همي نفس مشكلتي انا كان وزني من حوالي سنتين 80 كيلو نزل يتخفيف والله ما حرمت نفسي من شئ طبعا مع المشي رمضان الي فات وصل وزني 60 ونزل اخر رمضان لحد ما صار 58 بس تعرفي عيد وطلعات رجع وزني زاد 3 كيلو وكنت انزل كيلو ويرد وزني يطلعه اليوم وزني ثابت وانا ما اعرف وش اسوي معه شو رايك تبدي معي الريجيم الي اسوي الصبح كاس نسكافه مع حبة فواكه الغداء 2 قطع صدور دجاج مشوي مع شوربة عدس او شوربة دجاج مع سلطه و2 قطع خبز اسمر او نصف علبة تونا مع سلطه وبيضه مسلوقه و2 قطع خبز اسمر او خضار مطبوخه مع لبن وخيار و2 قطع خبز اسمر العشاء بيضه مسلوقه مع لبن وسلطه او صحن فواكه مع لبن وممكن تاكلي قطعه وحده من الخبز الظهر وتخلي وحده للعشاء ممكن شرب كل المشروبات لايت من كولا او عصير او لبن او لبن مع فواكه او دانيت او اي نوع مشروب بس اهم شي يكون ليت انا لي اسبوع ماشيه عليه وحاسه نفسي اخف ما رح اوزن نفسي غير ليوم السبت اذا تحبي انا رح اكون جنبك |
يا هلا حبيبتي :) لي الشرف يا قلبي نتشارك .. وما شاء الله عليج وصلتي لوزن حلو حسافة يخترب شوفي بيني وبيج أنا ما ودي أمشي على نظام معين .. يعني كل وجبة بوقتها أشوف شنو آكل لأني ملييت من شي إسمه رجيم ونظام غذائي .. من كنت بالمراهقة وأنا أسوي رجيم لأن بعايلتنا نمتن من كوب الماي .. على قولة خالتي لو نتثاوب نزيد كيلو ههههههههههههههههههههه بس حبيبتي قوليلي كم وزنك الحالي وطولك والوزن اللي تبين توصلين له ؟ |
أهااااا توني أنتبه لشريط الوزن .. ماشاء الله نفس الشي بالضبط smiling ودي أمسك نفسي ما أشوف الميزان الفترة القادمة .. لحد ما أشوف فرق واضح ويمكن أنتظر لبعد الدورة يعني تقريباً بعد 10 أيام :) بناااااااات منو بعد تبي اتشاركنا أنا وقلب زوجها وحبيبها ؟؟؟؟ |
هلا بوردتنا الجديده موجود فريق لنفس وزنك سجلي معهم وانشاالله بتنبسطين لانك بتلقين اخواتك موجودات تحياتي,,,,,,,,,,,,,,:):):) |
هلا حبيبتي بنت أبوها :) والله دخلت الموضوع وسجلت معاهم بس ما لقيت أحد يشاركني :( أنا ودي نكون كلنا مع بعض وقلب زوجها فيها الخير والبركة بعد ما قصرت |
| الساعة الآن 07:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0