مجتمع رجيم
1 2  3 

مجتمع رجيم (https://forum.rjeem.com/)
-   أطباقنا الخاصة للرجيم (https://forum.rjeem.com/f129.html)
-   -   اكلاتي الدايت -1 (https://forum.rjeem.com/t157577.html)

مروة محمد فتحي 09-09-2014 10:13 AM

اكلاتي الدايت -1
 
السلام عليكم
حبيباتي الغاليات ده اول موضوع ليا في المنتدي ويارب جميعا في خير حال
انا حقولكم افكاري لاكلات الدايت ويارب تعجبكم
بما اني من مصر حتكلم عن الاكلات المحببه لينا هنا
1- المحشي : (حبيب الملايين وعدو الموازين )
بما ان الملفوف او الكرنب حارق جدا للدهون لكن مشكلتنا الاساسيه في خلطه المحشي والمرقه فانا ريحت نفسي وعالجت الموقف
خليت خلطه المحشي اللي جوه عباره عن :
( كوب واحد صغير رز - بصل - طماطم كتير متقطعه خرط - عروق الكرنب اللي باقيه متقطعه صغير - نص كوب لحمه مفرومه متعصجه بنقطه زيت - خضرة محشي - نعناع - جنزبيل معلقه وتوابل - معلقتين زيت ويستحسن زيتون- طبعا مفيش مرقه نهائي انتي حتبشري طماطم علي الوش وتسقيه بميه بملح وتسويه عادي جدا والله طعمه تحفه وحيشبعك جداااااااااااااااااااا


2-الكبدة الاسكندراني:
بما اني بعشقها ومش بحب لا المشويه ولا المحمرة بحط في الطاسه التيفال مسحه زيت واجيب ربع كبده وفلفل اخضر كتيررررررررررررررررررر واتبلها بملح وكمون ولمون وخل والتوم طبعا واكل بالشوكه مع سلطه خضرا وربع رغيف والله العظيم الفلفل بيشبع جدا لانه كله الياف ومفيد للدايت قوي وكمان محرمتش نفسي .


3-اي خضار مطبوخ عندك بتاكليه ازاي .
لما يكون عندي اي خضار مطبوخ ونفسي فيه بشوح لنفسي الاتي
( معلقتين مفروم او شريحه ستيك صغيرة او قطعه صغيرة من صدر الدجاج متقطعه بنقطه زيت )
واصفي لنفسي من التسبيكه الخضار الموجود ومطبوخ اصلا اخد كوب صغير
واشوح لنفسي 2 حبه فلفل رومي الوان او اخضر بعد مااقسمه بالطول واضيف الخضار واللحمه او الفراخ واكل بالشوكه بدون اي رز مع سلطه خضرا بجد طعمه الذ بكتير وتبقي اكلتي اللي نفسك فيه عادي.


4-المكرونه :
خلونا نتفق علي حاجه رغم عشقنا للمكرونه لكن مشكلتنا معاها انها اصلا مش بتشبع يعني بالبلدي لو بتاكلي مكرونه كده بدون اضافات وكميه صغيرة حتكوني هفتانه طيب مااحنا ممكن ناكلها في شكل سلطه احسن ونبقي محرمناش نفسنا وشبعنا
وكمان بعملها بصلصه طماطم عشان متحسيش انها بيضا زي بتاعه العيانين لا عادي سبكي الطماطم برضه بدون زيت والله بتبقي عادي وابقي زودي الزيت في الاخر لافراد الاسرة بعد ماتخدي نص كوب ليكي وتضيفيه لكوب صغير مكرونه وتضيفي ليها اللحمه مقطعه او الفراخ ومكونات السلطه وبالف هنا وشفا
كذلك البشاميل كلنا عارفين طريقتها ونبقي مخسرناش حاجه وناخد نص كف ايدينا ونحمد ربنا ونشتري نفسنا .

باذن الله الموضوع متجدد ويارب يكون عجبكم واوعدكم ححاول المره الجايه يكون التنفيذ بصور

اشوفكم علي خير

الحجية ام حسام 09-09-2014 10:21 AM

رد: اكلاتي الدايت -1
 
شكرا جزيلا على المعلومات

مروة محمد فتحي 09-09-2014 10:25 AM

رد: اكلاتي الدايت -1
 

اقتباس : المشاركة التي أضيفت بواسطة الحجية ام حسام:
شكرا جزيلا على المعلومات
العفو اختي ام حسام نورتي ولكي تحياتي


Coeur de Rjeem 09-09-2014 10:41 AM

رد: اكلاتي الدايت -1
 
راااااااااائع حبيبتي
طيب في انتظار انك تصوري اطباقك و تنزليها هنا حبوبتي :00000245:

مروة محمد فتحي 09-09-2014 10:42 AM

رد: اكلاتي الدايت -1
 

اقتباس : المشاركة التي أضيفت بواسطة Rjeem ❤ Nehla:
راااااااااائع حبيبتي
طيب في انتظار انك تصوري اطباقك و تنزليها هنا حبوبتي :00000245:
باذن الله اختي الغاليه :0000210:


Coeur de Rjeem 09-09-2014 10:45 AM

رد: اكلاتي الدايت -1
 
تسلمي يا رب


الساعة الآن 09:41 AM.
1 2  3 

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0