مجتمع رجيم - نداء الى سارة هند

السلام عليكم اختي ام عبد الغني
اسمحيلي والله لم اتلقى اي تنبيه باسائل
المهم راح اجاوبك من شوية معلومات تعلمتها من اخت في الله من منتدى اخر والحمد لله لما بحثت وتعمقت وجدت كلامها فيها من الصواب الكتير
اولا هي تستعمل mon menu لحساب كم سعرة في الطبق او الحلو
وتانيا تعلمت انو لما المعجنات تنطبخ راح تحسبي لكل 100 غ معجنات مطبوخة 110 كالوري بالتقريب اي نوع كان ارز ماقرون كسكسي قبل ما ندهنوهم يعني نغليوهم او نفورهم غير بالماء
تم لكل ملعقة اكل زيت حوالي 100 كالوري لكل ملعقة اكل او 10 غ من الماررين حوالي 60 كالوري
البروتين ينحسب حسب حجم البيض كل قطعة لحم بحجم البيض فيها 80 كالوري
الخضر كلها سعراتها منخفضة ماعطا البطاطا حبة بحجم مندرينة حوالي 80 كالوري والبزلاء نصف كوب حوالي 80 كالوري
ناتي للبقوليات
كل كوب بقوليات مطبوخ خوالي 180 كالوري
الفواكه
بحجم الدبزة فيها 100 كالوري بالتقريب
يعني حبة جينة او تفاح او زوج كيوي او بنانة متوسطة او اي فاكهة لما يوصل حجمها دبزة اليد نحسبها 100 كالوري
الحليب ومشتقاته
كوب حليب خالي الدسم حوالي 100 كالوري
كوب حليب نصف دسم او تاع الساشيات فيه 120 كالوري
علبة ياغورت معطر 150 كالوري
فلان او كريم ديسار علبة قد الدانات حوالي 180 كالوري
حبة فورماج متلت 40 كالوري
100 غ فورماج كما شاف حوالي 220 كالوري
100 غ gruyere حوالي 400 كالوري
كل ما كان الفورماج يابس كل مازاد قيمة غذائية
الكامومبار متلت 1/8 علبة خوالي 180 كالوري
اما الحلويلت
كل 100 غ كرواسون 400 كالوري
كل 100 غ بريوش 450 كالوري
كل 100 غ حلويات جافة كما الكابع واالكروكي والغريبية 450 كالوري
حلويات معسلة كما البقلاوة والدزيريات و المشكلة والمشوك معسل الخ 500 كالوري
100 غ بسبوسة 500 كالوري
100 غ قلب اللوز والزلابية 550 كالوري

المكسرات كل 100 غ فيها حوالي 550 كالوري الى 600 كالوري خاصة الجوز هو الي مرتفع في السعرات
الشيكولاطة كل 100 غ فيها حوالي 550 كالوري حتى 600
وفي الاخير ممكن في العلبة تقراي خلفها تصيبي قيمتها الغذائية في 100 غ
وانتي اوزني شعال كليتي وديري عملية تلاتية وتصيبي قيمة واش كليتي
ايضا فيما يخص الخبز طويل او مطلوع
100 غ 275 كالوري
100 غ خبز مبسس او متقبة 350 كالوري
واي سؤال ان شاء الله اطرحيه هنا و ان شاء الله افيدكي

*