مجتمع رجيم - حل مجرب ومضمون لتأخر الدورة الشهرية

السلام عليكم ورحمة الله وبركاته يا حبيبات ريجيم

اسمحولي النهاردة اكلمكم عن موضوع هو محرج شوية وكنت مترددة اني اكتبه ولكن الي شجعني ان المنتدي مافيهوش غير الاخوات بس

من زمان وانا دورتي الشهرية غير منتظمة وماعرفش ده ايه سببه و انا في الاعدادي جاتلي وكانت غير منتظمة ماما قالت انه ده امر طبيعي بالنسبة للبنات الحديثات العهد في الدورة الشهرية
ولكن مع مرور الوقت ودخولي للمرحلة الثانوية لقيتها برضه لسة غير منتظمة ووصل تطور الامر لانها تتاخر حتي تلات واربع شهور مرة وحدة
اتضطريت الجأ للطبيب المعالج لامي من زمان ولما كشف عليا قالي مافيش اي سبب مؤدي لتاخرها وفي الحالة دي الموضوع طبيعي متعلق بطبيعة الجسم نفسه
يعني له اسباب كتير زي العصبية المستمرة وزيادة الوزن و لخبطة الهرمونات و في ناس اصلا لازم تكون ملخبطة عندهم قبل الزواج وتنتظم بعد الزواج من تلقاء نفسها
ده غير العامل الوراثي
واللي اكتشفته ان الموضوع ده وراثي فعلا لكل بنات العيلة من ناحية والدي وممكن بجانب ده كمان يكون زيادة الوزن هي السبب خصوصا واني لما كنت بعمل دايت واقلل وزني كانت بترجع تنزل بصورة طبيعية

ولاني مابحبش اللعب في الهرمونات رفضت اتناول الحبوب اللي كتبهالي لان ماينفعش اني اخدها في سني وحالتي الاجتماعية دي باعتباري لسة انسة ولم يسبق لي الزواج وده يشكل خطورة كبيرة

وكمان خالتى كانت تتعاطي الحبوب دي واصيبت والعياذ بالله بسرطان الثدي بسبب تلخبط الهرمونات بالبرشام ده

فضلت ادور وادور واسال اهل الخبرة وابحث علي النت خصوصا لما حصل معايا الموضوع ده تاني دلوقتي واتاخرت عن ميعادها اسبوعين كاملين بعد ما كانت بتنزل عادي جدا

ولقيت الحل

مشروب دافيء وطبيعي يقوي ويسرع نزول الدورة الشهرية خلال اسبوع او اقل حسب استعداد الجسم وفنفس الوقت يقضي علي شحوم البطن تماما

يتكون من :

ملعقتين قرفة مطحونة + ملعقة جنزبيل او يمكن تناول القرفة بدون الجنزبيل مع اللبن

والحمد لله نزلت النهاردة بعد تناولها لمدة اربعة ايام بمعدل كوبين في اليوم

يارب بالفايدة لكل الحبيبات :000003254: