|
مين هيشجعنى يلا لغاية يوم 30 ؟؟ السلام عليكم يا احباب الله انا اسمى ياسمين وانا عضوة جديدة وكنت حابة اشاركوا يومياتى فى الريجيم لحد يوم 30/5 ان شاء الله عايزة بس احكى حكايتى الاول :icon10: انا طول عمرى مقلبظة وكده وبحب الاكل جدا وبحب اقف فى المطبخ واعمل حلويات وكده بس بقالى سنتين تقريبا وزنى زايد اوى تقريبا من 80 ل 85 وانا طولى 158 سم اوزعة يعنى :grin: انا دلوقتى عندى 20 سنة ونفسى غير من نفسى بقى لان بجد تغيير وزنى وجسمى ده هيشجعنى جدا انى اغير حاجات تانية فى شخصيتى وكل ده بإذن ربنا ان شاء الله بس انا ارادتى ضعيفة شوية وحابة حد يشجعنى فانا هكتب ان شاء الله كل يوم عن تفصيل يومى وعملت ايه وكده لغاية يوم 30 لانى هبدأ امتحانات يوم 30 ادعولى بقى انا بس فى شوية حاجات اساسية هاخدها اثناء الدايت وهى كالاتى : اولا انا بستخدم سكر دايت اسمه سليمر وده تقريبا احسن انواع السكر الدايت الغير مضر لان الباقى تقريبا يحتوى على مادة تسبب هشاشة العظام وده كلام الصيدلى ودى صورة السكر [IMG] ثانيا انا بستخدم بردو فيتامين اسمه فيتامين هـ وده مفيد جدل للجلد والشعر عشان ميتأثروش بالدايت ودى صورته [IMG] ثالثا بشرب شاى اسمه رويال رجيم مفيد بردو عشان الامساك اثناء الريجيم غير انه بيساعد مع الدايت بردو وفى عملية نقص الوزن ودى صورته [IMG] كل الحاجات دى من الصيدلية طبعا :grin: واخيرا واهم حاجة هى (((((((((((((( الميه))))))))))))) المية طبعا مهمة جدا ولازم نشرب ميه على قد ما نقدر عشان دى كمان من الحاجات اللى بتساعد على اخفاء الخطوط البيضاء من الجسم ده كل اللى كنت عايزة اقوله وانا هبدأ ان شاء الله من النهاردة بس هنام بقى واقوم ان شاء الله واقولكم على اللى هاكله بالظبط :grin: تشجييييييييع بقى ربنا يخليكوا وياريت لو حد يبدأ معايا :smiling:[/IMG][/IMG][/IMG] انا هعدل فى الموضوع بقى هنا كل يوم عشان يكون اسهل لو حد عايز يقرا ميدورش كتير فى التعليقات :smiling: يوم 16/5 **انا لسه صاحية اهو من شوية وفطارى كان عبارة عن كوباية نسكافيه 2×1 وعليها كيس سكر دايت ومملتش الكوباية اوى وربع رغيف فى جبنة قريش وبرشامة من الفيتامين (ده بيتاخد مرة واحدة فى اليوم انا بخده بعد الفطار ) وكمان نص ساعة كده هبتدى اشرب ميه بقى وهحط جمبى ازازة كبيرة .. والله يا جماعة الميه اصلا نص الريجيم والنص التانى دايت ورياضة بس انا مشكلتى دلوقتى انى مش هعرف اروح جيم او انزل امشى فى تراك انا هيبقى اخرى ايروبيكس فى البيت عشان مذاكرتى وامتحاناتى فربنا يوفقنى بقى :icon10: ** دلوقتى تقريبا عدى ساعتين على الفطار فقومت كلت واحدة خيار وشاربة تقريبا نص لتر ميه ** فات ساعتين كمان يا حبايبى اهو كان وقت الغدا المفروض فقومت عملت بيضتين وعليهم بصلة صغيرة وفلفل رومى وبقدونس وفلفل وبابريكا وبهارات عامة ومعاهم ربع رغيف وشاربة لغاية دلوقتى تقريبا لتر ونص ميه :laugh: ** اخر وجبة فى اليوم خلاص الحمد لله .. انا مكلتش بين الغدا والعشا مكنش ليا نفس واتعشيت دلوقتى على طول .. كلت ثمرة كانتلوب وهوقف اكل خلاص دلوقتى .. هو المفروض مناكلش بعد 8 وهحاول بقى اشرب ميه كتيرررررررررر .. اشوفكوا بكرة ان شاء الله :laugh::laugh: |
رد: مين هيشجعنى يلا لغاية يوم 30 ؟؟ ربنا معاكى ياعسل بلاش رويال شاى خطر عالجسم انا موقفاه .. سمعت انه ليعود الجسم على االحمام بيه من غيره مش هاتعرفي تعملى حمام غير انه بينزل المايه بالجسم .. وقفيه فورا وربنا معاكى |
رد: مين هيشجعنى يلا لغاية يوم 30 ؟؟ عزيزتي منورة المنتدى بيتك الثاني رجيم بين خواتك ماشاء الله عليكي لساتك بيببي صغيرة و نزولك يكون سريع |
رد: مين هيشجعنى يلا لغاية يوم 30 ؟؟ الله يوفقك و اهم من مل اللي ذكرتيه الرياضة ثم الرياضة و الله يوفقك و تكوني ست العرايس |
رد: مين هيشجعنى يلا لغاية يوم 30 ؟؟ الله يوفقك حبيبتي |
رد: مين هيشجعنى يلا لغاية يوم 30 ؟؟ شكرا يا ربنا يخليكوا وخلاص ان شاء الله هوقف الشاى :00003265: |
| الساعة الآن 01:01 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0