مجتمع رجيم - شحن طفلك

[FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial]http://www.7lwthom.net/up/uploads/148667140051.gif[/FT][/FT][/FT][/FT][/FT][/FT][/FT][/FT][/FT][/FT]

اشحن_طفلك
خلي_بالك_معايا_وانتبهي :

متستسلميش لجملة أنا مبعرفش أعمل كده و مبحبش أحضنهم أو مش بقدر لأنك بتعمليلهم كم رهيب من الحاجات في اليوم

ممكن تكوني مش حباها بتكوني مش قادرة و بتقومي تعملي أصناف أكل ,تتابعي هدومهم و تحمي و تلبسي لأن بتحسي أن دي واجبات عليكي

طيب إيه أهم طفل داق أكلات كتير و لبس أشيك لبس ولاا طفل نفسيته سوية بيعرف يفكر كويس و مرتاح ؟

لو مش حساه أعمليه كواجب لو مبتعرفيش تحضني إبتسمي و روحي أحضني ولادك حتي لو مش حاسة الحضن .

-معظم اللي بيبقي عنده المشكلة دي بتبقي مامته علي اد ما هي ضحت و عملت كتير علشان ولادها بس مكانتش بتحضنهم

فالبنت لما بقت أم أتكرر الوضع طيب هل إنت حابة تورثي المشكلة طب لحد إمتي ؟ و هتفضل بنتك جواها بتتمني إنك تكوني عودتيها علي ده .

-عدم الإشباع العاطفي بيخلي الطفل متعطش ياخده من أي مكان و ده هنجني ثماره أكتر في المراهقة و هتكون سيئة.

-مينفعش نعوض الحب بالهدايا و الفسح و الحاجات الحلوة أبدا .

-خدعوك فقالوا الطفل الحنين هو بس اللي محتاج عاطفة ,العنيد و الحركي و غيرهم في أمس الحاجة للإحتياجات دي .

-أنا مكنتش أعرف إن ده مهم و لما عرفت جيت أحضن إبني حسيته بيبعد و مش عايز أحضنه أعمل إيه ؟

أطفال كتير جدا لما بتفتقد حاجة أوي فترة كبيرة أول ما بتتعرض للحاجة دي بتتوتر و يصعب عليها نفسها فمهم نمشي الموضوع واحدة واحدة

يعني نلعب أكتر لعب فيها تلامس
نزغزغ بعض,اطبطب ,احضن حضن سريع وسط لعب

مش الطفل يلاقيني داخلة عليه فجأة و واخداه في حضني بقوة هيتخض .

-إياكي ثم إياكي و التفرقة في الحاجات دي بين ولادك مينفعش الأصغر أو الأهدي يتمييز عن التاني ده هيعمل مشاكل لا حصري لها

و هيخلي إبنك الشقي ده شقاوته توصل لمرحلة صعب السيطرة عليها و ممكن يأذي أخوه .

-لما إبنك يقربلك ركزي هو بيقرب ليه و إنت بتقولي إيه بلاش:الجو حر ,بلاش لازقة ,مبحبش كده ...)

-كتير أوي تقصيرنا في النقط دي بيخليهم غصب عنهم يتبعوا نفس الإسلوب معانا لما نعجز و نحتاج طبطبة .

الشاحن ده نعمه من عند ربنا حاجات ليها مفعول سحري مع أي طفل لازم نستغلها

طول ما فيك روح أدي أولادك إحتياجاتهم أي كان سنهم
ربي راجل بيعرف يحس
ربي أم بتقدر تحتوي
شبعي أولادك حب وحنيه
تم_بحمد_الله

[FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial] http://www.7lwthom.net/up/uploads/1486671400552.gif[/FT][/FT][/FT][/FT][/FT][/FT][/FT][/FT][/FT][/FT]