مجتمع رجيم - تبييض الجسم والإبط والوجه والركب والاكواع بخلطة واحدة

السلام عليكم ورحمة الله وبركاته...
حبايبي لا تتعبوا نفسكم وتسووا خلطة للوجه وخلطة لتحت العين وخلطة للرجل وخلطة لكوع....إلخ سووا خلطة وحده وحتشوفوا البياض.. بسم الله نبدا

1)جيبي ثلاث ملاعق سدر (كبيرة) وملعقة كبيرة ماء ورد وملعقتين كبيرة حليب بودرة وماء مغلي للخلط حطيهم كلهم على بعض واخلطيهم الين ما يسير الخليط عجينة سايلة تقريبا
2)ثلاث ملاعق ملح خشن بس اطحنوه عشان ما يجرح بشرة اجسامكم وحطوا عليه زيت زيتون الين يسير عجينة لينة

النقطة الاهم:
3) ادخلي الحمام وانتي بكرامة وخدي دش دافي يعني لا تتليفي ولا شي بس الموية الدافيه تبلل كل جسمك طبعا لازم تكوني شلتي كل المكياج قبل الحمام وبعدين جيبي خلطة السدر وافركي جسمك كلو حتى وجهك لاتخافوا اللي بشرتها حساسه راح يفيدها انا بشرتي حساسة جدا جدا جدا ومانفع معايا غير هادي الخلطة وبس بعد ما تفركي جسمك كلو الاكواع والركب والأرداف ولا تخلي جزء في جسمك الا وانتي داهنتو بالسدر غسليه بالموية ولا تخلي اثر للسدر في جسمك وبعدها خدي خلطة الملح وافركي جسمك كلو وحتى الإبط بس افركيه بشويش عشان لا يسوود من كثر الفرك وبس وبعدها غسلي بالموية واتليفي بصابونة دوف وبعدين ادهني جسمك كلو بزيت اللوز وخاصة المناطق الغامقه بس لا تحطو في الإبط لأنو زيت وممكن يطلعلك حبوب وبكدا خلصنا وبعدها راح تشوفو لون وجهكم وجسمكم احمر بس ان شاء الله اللون الاحمر راح يقلب بلون ابيض مع الإستمرار

ملاحظة هامه جدا جدا جدا للي تبغى باطها ابيض وانا مجربتها ولي ثلاث اسابيع استخدمو ولقيت مفعول يجنن سرت البس بلايز كت وبكل ثقة استخدمي مزيل عرق بيزلين تلاقوه في الصيدليات وهو الافضل لأنو مو معطر لأنو العطر هوا اللي يسمر الإبط والاهم من هادا انا وزميلتي مجربينو واعطانا نتيجه من ثالث اسبوع بس اهم شي تسوو المراحل السابقه وحتشوفوا ادعولي ربي يسهللي اموري .