مجتمع رجيم - الفتوشيني بالصور

السلام عليكم ورحمة الله وبركاته ...

الفوتوشيني طبق لذيذ جدا ..ومعتمد عندنا في البيت ...حبيت اليوم أوريكم طريقتي السهلة لعمل الفتوشيني بالخطوات ..

صورة للتشويق في البداية...

http://www.hawahome.com/vb/nupload/23438_1193983.jpg

http://www.kawakb.com/gal/3/c2bar.gif

المقادير والطريقة :

اولاً ..ذوبي صدور الدجاج وقطعيها مربعات وسط ....وممكن يكون بدل الدجاج الروبيان الوسط ....بالروبيان تطلع الذ ..

بعدين قطعي بصلة وسط الى جوانج مع فصين ثوم....

حطي ملعقة زبدة في المقلاة مع شوية زيت عشان ماتنحرق الزبدة .....وهنا انتبهي معايا..

اول شي حطي البصل والثوم وشوحيهم على النار اللين مايذبلو ...وشيليهم في صحن على جنب ..حاولي تاخذي بس البصل والثوم وتخلي الزبدة... .اوكي

حطي قطع الدجاج في نفس المقلاة وعلى باقي الزبدة ...وحركي اللين تستوي قطع الدجاج طبعا انتبهي لا تنحرق.

لا تنسي تحطي الملح والفلفل ...وانا احط شوية كمون وكزبرة مطحونة ...احب طعمها في الأكل.

بعد ماتستوي قطع الدجاج خليها على جنب .

جيبي قدر واسلقي فيه الفوتوشيني ((المكرونة الشرائط)) مع ملح وزيت ..

في قدر ثاني حطي كريمة الخفق ((احلى شي المراعي)) علبة كاملة وخليها على نار هادئة ..

طيب اللحين نرجع للبصل والثوم جيبي الخلاط ..وحطي فية البصل والثوم ..مع قليل من كريمة الخفق عشان تنخلط تمام...,اخليهم زين ...لغاية ما عاد يبان أثر للبصل ...وأضيفيهم على كريمة الخفق .

اللحين اضبطي الكريمة بالملح والبهارات اللي تعجبك ...انا هنا احط بودرة مرقة الدجاج...وبصراحة عندي افضل من الماجي لأنه مافيها دهن .وخليها اللين تغلي .

أتاكدي انه الفوتوشيني استوت ...صفيها من الموية ...وخليها على جنب.

اللحين اخر خطوة اضيفي قطع الدجاج على الكريمة وحركي .....ثم اضيفي الفوتوشيني وحركي شويه بس واطفي النار .......وقدميها على طوووول واستمتعي بألذ فوتوشيني ..وبنفس طريقة المطاعم.

واللحين اترككم مع الصور ..

http://www.kawakb.com/gal/3/c2bar.gif

هنا شوحت البصل وخليته على جنب

http://www.hawahome.com/vb/nupload/23438_1193984471.jpg

هنا شوحت الدجاج ......امم بس انا احب اكثر البهارات..

http://www.hawahome.com/vb/nupload/23438_1193984495.jpg

هنا خليت كريمة الخفق تغلي مع البهارات .

http://www.hawahome.com/vb/nupload/23438_1193984547.jpg

هاذي بودرة مرقة الدجاج اللي معتمدتها في اغلب الطبخات.

http://www.hawahome.com/vb/nupload/23438_1193984710.jpg

هنا سلقت المكرونة

http://www.hawahome.com/vb/nupload/23438_1193984621.jpg

فرمت البصل في البزبز......وبعدين اضفته على الكريمة

http://www.hawahome.com/vb/nupload/23438_1193984785.jpg

صفيت المكرونة

http://www.hawahome.com/vb/nupload/23438_1193984855.jpg

أضفت قطع الدجاج على الكريمة .

http://www.hawahome.com/vb/nupload/23438_1193984885.jpg

اضفت الفوتوشيني على الكريمة وحركتها حركة خفيفة ..

http://www.hawahome.com/vb/nupload/23438_1193984926.jpg

وهذا الشكل النهائي

http://www.hawahome.com/vb/nupload/23438_1193985004.jpg

http://www.hawahome.com/vb/nupload/23438_1193985851.jpg

بالصحة والعافية

منقول