مجتمع رجيم

مجتمع رجيم (https://forum.rjeem.com/)
-   الاطباق المتنوعة (https://forum.rjeem.com/f7.html)
-   -   أسرار الطبخ الصحى {لعين التسنيم} (https://forum.rjeem.com/t31540.html)

عين التسنيم 12-20-2008 07:21 PM

أسرار الطبخ الصحى {لعين التسنيم}
 
http://www.arabsyscard.com/pic/bsm/60.gif

حبياتى وردات مجتمع رجيم
--------------------


لدى بعض الأسرار التى اتبعها فى مطبخى لينتج عنها أكلات صحية
لاتسبب السمنة
وأيضاً مناسبة لاستعمالها اثناء الحمية الغذائية لخفض الوزن
ولا أخفيها عليكم حبيباتى لتعم الفائدة
-----------------
هل وانتى عاملة رجيم متقدريش تاكلى محشى؟
لا......... طبعا تقدرى بس لو عملتيه بطريقة أم تسنيم
-انتبهو ورداتى اللى بيخلى المحشى مضر فى الرجيم سببين
1- الدهون...ودى باديكى انك تقلليها بقليل من الزيت
2-النشويات الموجودة فى الارز...ودى ممكن تقلليه لو اتبعتى الآتى:
-البصل يقطع لا يفرم
-الطماطم تقطع لا تعصر
-يتم تقطيع كمية من الخضار المراد حشوه وتضاف لخلطة الحشو
(قلب الكوسة بعد تقويرها او تفريغها ممكن يضاف للحشوة-قطع من الكرنب المسلوق المقطع ممكن تضاف للحشوة-قطع من الفلفل او الباذنجان)
*وبكدة تقدرى تقللى كمية الارز فى المحشى ويكون صحى ومفيد لان كل الحاجات دى بتاخد حيز فى الحشوة من الارز:icon6:
ولا ايه رأيك؟
الأرز الصيادية او ارز السمك؟
واحنا عاملين رجيم لازم ناكل الارز مسلوق طيب مع السمك نعمل ايه
-قطعى البصل وعليه رشة ملح وحمريه فى الفرن وبعدين ضيفى الماء واسلقى الارز وتمتعى بطعم السمك الصيادية:grin:
الارز بالخلطة؟
تقدرى تاكلى رز بالخلطة وانتى عاملة رجيم
انا بحمر معلقة صغيرة سكر ثم اضافة الماء ومعلقة قرفة وقليل من الزيت وممكن الاستغناء عنه
وبعد ما تسوى الارز لو حابة تضيفى لوز ممكن تحمصيه فى الفرن بدل من التحمير فى الزيت وبيكون طعمه احلى على ضمانتى:wacko:
شوربة لسان العصفور؟
لو عندك شوربة دسمة ممكن تضعيها فى الثلاجة حتى تبرد وبعدين
انزعى الوجه الدسم منها.....حتبقى صحية جداااااااااا
-لسان العصفور ممكن تحمصيها بدل انك تحمريها فى السمن
-تضعيها فى مقلاة على النار مباشرة حتى يحمر لونها وضفيها للشوربة المنزوعة الدسم وبالهنا والشفا:kiss:
الحمام المحشى بالارز
ممكن تستعملى الارز البنى بدل الارز العادى
ودا للى مش بيحب الفريك
وبيتعمل بنفس طريقة الفريك:w00t:
الباشاميل الدايت
يذاب الدقيق مباشرة فى حليب خالى الدسم
يوضع على النار حتى النضج
واستعمليه فى عديد من الاكلات بدون تحمير
-فى المكرونة بالباشميل ممكن تضيفى على الوجه للتحمير
رشة سميت او دقيق سيمولينا بدل الجبة المودزريلا او صفار البيض لتقليل السعرات الحرارية
المسقعة
يشوى الباذنجان بدل القلى وكذلك الكوسة
البطاطس المحمرة
تقطع بقشارة البطاطس اشكال هلالية ) ) وتوضع فى ماء به ملعقة زيت
وبيكون شكلها زى الشبسى بس مش طرنشات لا ...مقوس شبه الهلال)(
ومتحطيش ملح لان الملح حيخليها تلين واحنا عايزنها متماسكة علشان تنشف من جميع الجهات لانها لو ترنشات او صوابع حتلصق عى الاناء لانها من غير زيت ونصفيها من الماء
ثم توضع فى الفرن او الميكرويف لغاية ما تحمر واوعى تاكلى صوابعك وراه:tongue:
اخيرا وليس بآخر اوصيكى باستعمال الفرن افضل من شعلة البوتوجاز
حتى لاتضطرى لاستعمال الزيوت
***سأوفيكم لاحقاً بباقى اسرار أم تسنيم الصحية***
http://www.arabsyscard.com/pic/bsm/61.gif

noga sief 12-20-2008 07:26 PM

رد: أسرار الطبخ الصحى {لعين التسنيم}
 
واااااااااااااااااااااو جميييييييييييييلة جدا جدا
بس انا بسأل عن البطاطس المحمرة ازاى احطها فى ماء وتطلع محمرة ممكن توضحيها حبيبتى
وفى انتظار باقى الاسرار
تسلم ايديكى يا قممممممممممممممممممممممممممممممر:kiss:

عين التسنيم 12-20-2008 07:43 PM

رد: أسرار الطبخ الصحى {لعين التسنيم}
 

اقتباس : المشاركة التي أضيفت بواسطة noga sief:
واااااااااااااااااااااو جميييييييييييييلة جدا جدا


بس انا بسأل عن البطاطس المحمرة ازاى احطها فى ماء وتطلع محمرة ممكن توضحيها حبيبتى
وفى انتظار باقى الاسرار

تسلم ايديكى يا قممممممممممممممممممممممممممممممر:kiss:

يسلملى مرور يا روح قلبى

بالنسبة للبطاطس طبعا بنصفيها من الميا حبيبتى قبل ما نضعها بالميكرويف
بس المقصود ان تظل البطاطس واخدة الشكل الهلالى وهى داخلى الفرن او الميكرويف عشان تنشف من جميع النواحى
وكمان نسيت اقول اننا ما نضيفش ملح لمية البطاطس لان الملح بيخليها تطرى
ومتطلعش مظبوطة
وابقى جربيها وقوليلى النتيجة:wacko::grin:

noga sief 12-20-2008 07:48 PM

رد: أسرار الطبخ الصحى {لعين التسنيم}
 
لو كان شكلها هلالى هتكون كبيرة انا باقطعها صوابع رفيعة فى الكيتشن مشين ينفع ولا لازم يعنى يكون شكلها هلالى فى انتظار ردك

عين التسنيم 12-20-2008 08:29 PM

رد: أسرار الطبخ الصحى {لعين التسنيم}
 

اقتباس : المشاركة التي أضيفت بواسطة noga sief:
لو كان شكلها هلالى هتكون كبيرة انا باقطعها صوابع رفيعة فى الكيتشن مشين ينفع ولا لازم يعنى يكون شكلها هلالى فى انتظار ردك

لا يا نوجا متنسيش اننا مبنستعملش زيت لو اتقطعت صوابع حتى لو صغيرة حتلصق
الا لو اتعملت على شبكة الشوى
اما لو هلالية الشكل ما بتلصقش لانها بتكون مرفوعة شوية من الاناء اللى بتستعمليه )(
عموما انا ححاول انزلهالك مصورة ان شاء الله:kiss:


white rose 11-10-2009 10:23 PM

رد: أسرار الطبخ الصحى {لعين التسنيم}
 
يسلمووووووووو الايادي المبدعه يا غاليه

عن جد رووووعه

http://upload.all-patch.org/images/342839wkjdmq4.gif

بانتظار باقي الاسرار


الساعة الآن 03:10 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0