رد: خطبني واحد قصييييير
 

السلام عليكم اولا فرق الطول مش كتير قوى وثانيا انتى قولتى انه فيه مواصفات كتير حلوه تتمناها اى بنت ولو حاجه وحده منها وثالثا لو بيحبك وانتى متأكده من كده اوعى تبصى للشكل والله انا متزوجه راجل واطول منى بكتير ومقبول شكلا بس مفيش راحه واتمنى ساعات لو يبقى حتى قرد والاقى منه لحظات حب واهتمام سيبك من الشكل يابنت الحلال واتأكدى من حبه وعلى الاقل هتعرفى تدلعى عليه مش تبقى مع واحد مغرور بشكله ويمرر عيشتك بدلعه الزايد عليكى والثقه المبالغه اللى تخليكى عايشه فى نار من غيرتك وشكوكك اتوكلى على الله واعملى صلاه استخاره واللى فيه الخير ربنا يقدمهولك