|
كيفية القضاء على البق هلا ............ والله اليوم وانا اتصفح قسمي المفضل لقيت عضوه الله يجزاها خير كاتبه معلومات عن حشره البق فحبيت اكتب لكم طريقتي اللي الحمد لله قدرت اقضي عليه من حوالي سبعه سنين ولله الحمد ماراح اتكلم عنها كلام علمي لانه موجود مو ضوع الاخت بارك الله فيها فيه معلومات عنها بس اهم شي تعرفي انه البق تعيش على دم الانسان يعني تمص الدم والاهم من هالشي انها مستحيل تطلع بالنهار ماتطلع الا باليل والانوار مقفله /COLOR] .............................. .............. المهم انا عانيت من هالحشره كنت سافرت اربعه شهور بعدها رجعت نظفت البيت وكل شي حتى اني نظفت مرتبه السرير ورفعتها كلها ونفضتها من الغبره وكل شي تمااام والحمد لله وبدلت شراشف السرير بعدها باسبوع القلى جسمي كله بقع حمرااا كبيره مع حكه في اليل المهم احترت ياربي من وين هالشي الدكتوره تقول المرض اسمه ارتيكاريا حشريه جلست افكر من وين الحشره المهم ويوم انا كنت تعبانه ومسدوحه على السرير وقافله اللمبه وفيه ضو ءخفيف من الصاله وكنت فاتحه كتاب ادرس عندي اختبار خخخخخخخخخ لا تستغربون اي قاعده ادرس وانا مقفله اللمبه لاني كنت تعباانه بتوحم ومو قادره اجلس فقررت ازاكر بهالطريقه المهم وانا بقرا في الكتاب واشوف حشره غريبه على الصفحه المفتوحه واقفل الكتاب بقوه بعد مافتحته القى الصفحه كلها دم ركضت افتح النور الله لايوريكم والله يابنات شافطه دم حسبي الله عليها عرفت انها اكيد من خشب السريرارفع الخشب مافي شي اناظر في المرتبه زي الفل مافيها شي ادور ادور مافي اليوم اللي بعده كشفت اللحاف وخليت المرتبه بدون شرشف وقفلت اللمبه بعد فتره القى وحده طلعت جيت بقتلها عارفين وش سوت اتخبت بين ثنيه كانت موجوده في المرتبه المهم فتحت الثنيه لقيت امم وخلايق المشكله انه حتى لما فتحت الثنيه لانها ضيقه لقيتها داااخله مره داخلها كانها لاصقه ماقدرت اطلعهم ولما طبعا الثنيه ماتفتحيها ماتلاحظين انها داخلها خلاص عرفت مكانهم طريقه القضاء عليها سهله اول شي تجيبين الادوات هدي بف باف او ريد نفتالين ماعندي صورته بس معروف شمس واللي ماتعرف الشمس هنا صورتها خخخخخخخخ الطريقه شيلي الخشب حقت السرير وحطيها في الارض جيبي بخاخ بف باف وبخي على كل منطقه فيها وبخي تحت السرير بخي على المرتبه والثنيات بعد هالشي افتحي الدريشه علشان الشمس هي اللي فعلا تقضي عليها وماتخلها ترجع لبيتك انا خليت الدريشه اسبوع كامل وماشاء الله الشمس طول الوقت تسطع على الخشب والمرتبه بعد اسبوع كل شي راح يكون تمام الحمد لله جيبي المكنسه الكهربائيه وكنسي المرتبه وركزي بين الثنيات لاتقولون نرمي المرتبه ونرتاح لانه حتى لو رميتيها والمشكله موجوده ماراح تتحل المشكله وانتم تعرفون المراتب غااليه وكانت جديده يعني مستحيل ارميهااا ولو نبي نرمي كل شي كان مااستفدنا من قسم التجارب وكان كل وحده بيتها على البلاط خخخخخخخخخ مابقي شي الا رمته وممكن ابو الشباب يرميني ورى العبش اللي رمتيه خخخخخخخخخخخخخخ المهم بعدها جيبي كلوركس واريال وفرشه الموكيت ونظفي المرتبه وخليها تتهوى الين ماتنشف حطي نفتالين على خشب السرير خاصه لما تتركي بيت اي مكان فيه خشب حطي نفتالين عليه بعدها رجعي كل شي مكانه ودايم خلي الشمس تدخل الغرفه سبحان الله لو نعرف فوائد الشمس ماكان نضجر منها والحمد لله بعدها الى يومي ماشفتهم ونسيت شكلهم هههه http://www.algazalischool.com/vb/ima...es/redface.gif |
رد: كيفية القضاء على البق السلام عليكم انشاء الله تكونو بخير مشكلتي مع البق ظهرت من عدة ايام شوفت وحده في العلاقه فوق ملابس بنتي الصغيرة قتلتها وبعدين جاب ولدي حشرة صغيرة في يده وقال واش هذاي طالعت الا وهي بقه صغيره وبس شمرت عن ايدي ودخلت الانترنت وعملت بحث وكان البحث السابق هو الي لفت نظري لانه احتوى على كل المذكور في الابحاث الثانيه اول شيء كل الابحاث تدل على ان البق يموت بالكلور وبس بديت شلت سرر اولادي وبخيتها بي باف باف الي ما يروح مفعوله الا بعد ثلاثه شهور ودخلت المراتب بعد ما بخيتها ال البلكونات وفتشتها مافي شيء ولما راحت الشمس دخلت المراتب وحطيت الكلور والصابون الي عندك في بيتك في بخاخ ورشيت حواف المراتب باالبخاخ الكلور وجبت كروانه وحطيت كلور مركز شؤي وماء وصابون والمكنسة الصغيرة الي ننظف بيها الموكيت ونظفت المراتب والله انها طلعت كانت شويه بس ومعظهم صغار ومادري هم ميتين او دايخين بس واقتلهم بايدي واذا تبغي تعرفي هم موجودين ولا مافي شىء في بيتك شوفي المراتب وشرشف السرير اذا لقيتي فيها بقع صغيره دم اعرفي ان عندك وكل الي عندهم مايعرفو ومفكرين ان الي يقرصهم الناموس وفي امريكاء وصل الى حد ان 60 في الميه من الشعب الامريكي يعانو من البق احسن خليه يقرصهم شؤي وحتى انهم جندو مجموعه خاصه للقضاء على البق وفي استراليا هدد السياحه يعني فنادقهم امتلات منه ولا يمكن يبان الا بعد ما تنطفي الانور ويعيش في المراتب بشكل اساسي واذا في شقوق في الجدران ممكن يعيش فيها لكن اذا كثر زياده عن الحد ممكن ينتشر في البيت يعني الكنب الستاير كل شيء فيه قماش وخيوط وهذا حصل في بيت اهل زوجي وبخو ديديتي في البيت وخرجو من البيت ولما رجعو كانسو كل شيء وبعد اسبوعين بدا يرجع ثاني ونقلوه اولادي من عندهم في الملابس طبعاً وبنسبه الى كيف ما تخليها تقرص اولادك ادهني جسمهم باالفكس او ابو فاس اوزيت الكافور حطي نقطتين منه في كاس مويه وادهني جسمهم وحطي نعناع بجانب السرير سبحان الله مايحب ريحته هو الرش بالمبيد الحشري ينفع بس لازم ترجعي تبخي بعد 14 يوم ثاني علشان البيوض ماتموت بالرش فا لازم تستني تفقص وبعدين ترشي ثاني وبالنسبه لي انا بعد مانظفت المراتب بالكلور دخلتها ثاني للشمس والسرر بخيت الخشب بي البف باف وغسلت كل شيء في الغرفه بالمويه الحاره لانها تذوب البيوض وبعد 14 يوم بارجع اكتبلكم وش صار معايه وعلى فكرة اذا انتبهتو ان عند اطفلكم الصغار حساسيه احتمال تكون منهم اهم شيء شوفو السرر اذا فيها بقع دم صغيرة الله يعينكم ومن التجارب الثانيه وحده قالت انها استخدمت 409 وهو قضى عليهم وهو اساساً من منتجات الاكلور والله يوفقني ويوفقكم:crying: |
رد: كيفية القضاء على البق جزاك الله خير وسلمت يمنااااك ولا حرمك الأجر |
رد: كيفية القضاء على البق |
رد: كيفية القضاء على البق جزاكِ الله خير |
رد: كيفية القضاء على البق |
| الساعة الآن 07:29 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0