مجتمع رجيم - باقي عندك رز ودجاج من امس شوفي الابداع

السلام عليكم يا احلى وردات حبيت اوريكم الاكله دي وانا اخترعتها وعجبتني جدا وعجبت زوجي
ما اطول عليكم انا بصراحه كنت عامله كبسه امس وفضل رز وصدر الدجاج لان ماحد في البيت يحبه
بصراحه استحرمت ارميه وانا عارفه انه ما حاياكلوه تاني ففكرت اعمل منه اكله صينيه

المقادير :رز ودجاج او كبسه

الطريقه
اول حاجه قطعت صدر الدجاج قطع صغيره طبعا هو مستوي بعدين رجعته للرز
تانيا اخدت كيس خضار مشكل وسلقت نصه في ماء وملح وبعد ما استوى اضفته للرز
بعدين جبت بيضتين وخفقتهم وقليتهم نصف استوى واضفتهم للرزوقلبت الخليط
بعدين جبت بصل اخضر وقطعته شرائح صغيره واضفته لخليط الرز
شوفي الملح ولو عندك شوية صويا صوص ضعي قليل بس ماتكثري انا ما عندي وما اضفتها
قلبي الخليط على نار هادئه واتركيه مدة 5 دقائق
اغرفيه في طبق حلو وزينيه بشرائح البصل الاخضر وقدميه بالهنا والشفا

والله طعمها روعه وتنفع كمان انها تقدم في عشاء رومانسي:wub:

وبالهناء والعافيه