مجتمع رجيم - كفتة بطاطس سريعه ومظبوطه

كفتة بطاطس سريعه ومظبوطه

السلام عليكم ورحمة الله وبركاته

الكفته هذي لذيذه مره ومظبوطه وماتاخذ وقت
ياليت تعجبكم

ونبدا بالطريقه المصوره

اول شي اسلقي بطاطس كامل بقشره عشان تحافظين
عليه من المويه لا تدخله وتحافظين على النكهه

.

وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مو مسيحه افضل
لانها بتسيح من حرارة البطاطس

وسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليك

ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معه نص كاس موتزريلا
ولا تكثرين حشوه شي بسيط علشان ماتسيح اثناء القلي وتفك معك

وبعدين نغمسها في البيض ونغطيها بالبقسماط بهالشكل
على فكره انا حطيت بقسماط بره عشان جذي لونها غامج

ونبدا بالقلي والزيت يكون خفيف يعني يغطي نص الكفته
ويكون حامي مره وشقريها بسرعه واقلبيها على الجهتين
وطلعيها على السريع لانها ماتحتاج سوا كلها مستويه
ماتحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتقرمش من برى
لانك لو غطيتيها بتذبل وبتموع معك

اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله