مجتمع رجيم
1  2  3

مجتمع رجيم (https://forum.rjeem.com/)
-   الحمية و الرشاقة و الرجيم (https://forum.rjeem.com/f9.html)
-   -   للفائدة (https://forum.rjeem.com/t42756.html)

simo.body 04-28-2009 08:26 PM

رد: للفائدة
 
السلام عليكم ورحمة الله
اختى المصراويه انا كنت مقشرة البطاطس قبل ما ادخلها الفرن وكنت لفاها فى ورق فويل بس على فكرة هى بتاخد وقت شوية فى الفرن يعنى لما تعمليها اعمليها بدرى عشان تستوى وممكن تعرفى انها استوت بشوكة من غير ما تفكيها
وبعد ما تطلعيها فكيها وخليها تهدى شوية قبل ما تقطعيها وعلى فكرة انا كنت بحط فى الصنية شوية ميه بس فى الصنية والبطاطس طبعا ملفوفة كويس بالورق وانا على فكرة ما حشتهاش لانها كانت كبيرة انا قطعتها حلقات كبيرة ورصتها فى صنية كنت مغطيها بورق فويل برده ودهنته بنقطة صغيرة جدا زيت زيتون وحطيت الحشو عليها وكنت مقبة الحشو مع بعض ( الصلصة + البسطرمة + الزتون + ولو عايزة ماشروم ) لانها طبعا مش حتقدرى ترصيه طبقات عشان ممكن يقع وبعدين حطيته شويه فى الفرن وطلعته وحطيت الجبنة وحطيته تانى لحد ما الجبنة تسيح وعلى فكرة طعمها بجد حلو وبتشبع ومش حتحتاجى تكلى معاها عيش او رز بس لازم السلطة معلش انا طولت بس عشان الى حابب يعرف تتعمل ازاى بالتفصيل

simo.body 04-28-2009 08:38 PM

رد: للفائدة
 
النظام الجديد للاسبوع دا
الافطار: كوب شاى او نسكافية بالبن خالى الدسم + معلقة صغيرة عسل نحل + شريحة جبنة شيدر او فلامنك + 2 توست سن

العشاء : بيضة مسلوقة او قطعة جبنة بيضاء + توست سن ( واحدة او اتنين للامانة ما لحقتش انقلها كام بالضبط ) + خيار

الغداء
اليوم الاول : وجبة مفتوحة

اليوم الثانى : ربع كيلو سمك مشوى + ربع كيلو جمبرى مشوى + 3 ملاعق ارز + سلطة

اليوم الثالث : ربع فرخة مشوية + 10 صوابع محشى ورق عنب + سلطة

اليوم الرابع : ربع كيلو سبيط فى الفرن + سلطة + رغيف سن

اليوم الخامس : 8 ملاعق كشرى + سلطة

اليوم السادس : علبة تونة + سلطة + رغيف سن

اليوم السابع : كفته بتلو مشوية + سلطة + رغيف سن

وعلى فكرة طبعا دكتور بهاء الناجى بياكد على الرياضة مع الرجيم وبالنسبة للرجيم دا بيعتمد على الهرم الغذائى والدكتور قال ان الرجيم دا بالكميات دى مناسب للى وزنهم بين 70 و 90 والى وزنهم اعلى من كدة يزودوا الكميات شوية حوالى 25 فى المية

simo.body 04-28-2009 08:46 PM

رد: للفائدة
 
انا نسيت ارد على حاجة بالنسبة اذا كان الرجيم بينزل ولا لأ الرجيم بيخسس بس زى ما قولت لازم رياضة و للامانة انا مش بعمل رياضة دلوقتى بس بتحرك يعنى بنزل الكلية وانا طول ما انا فى الكلية بتحرك وببذل مجهود وانا ابتديت الرجيم من يوم 6/4 ونزلت لحد دلوقتى حوالى 5 او 6 كيلو

simo.body 05-05-2009 04:35 PM

رد: للفائدة
 
السلام عليكم ورحمة الله
دا النظام الجديد لدكتور بهاء نبتدى
الفطار : كوب شاى او نسكافية بالبن خالى الدسم +
1كوراسون او باتيه او فنجان كورن فليكس + لبن خالى الدسم او 2 معلقة مربى دايت + 2 توست سن

العشاء : 5 ثمرات فاكهة

الغداء :
اليوم الاول : وجبة مفتوحة

اليوم الثانى : ربع فرخة مشوية + خضار + 5 معالق ارز (مطبوخ عادى ) + سلطة

اليوم الثالث : 8 معالق مكرونة بالحمة المفرومة + سلطة

اليوم الرابع : ربع فرخة مشوية + ربع كيلو بطاطس مسلوقة + سلطة

اليوم الخامس : 2 قطعة بيتزا ( باى اضافات نحبها ) + سلطة

اليوم السادس : ربع فرخة مشوية + 12 صباع محشى ورق عنب + سلطة

اليوم السابع : نص كيلو شمك مشوى + 3 معالق ارز + سلطة
وبالتوفيق


الساعة الآن 01:42 PM.
1  2  3

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0