مجتمع رجيم - انطلاقة جديدة مع أقوى تجمع وأقوى إرادة((تطلعات تفوق التوقعات))

السلام عليكم ورحمة الله وبركاته

مساء الخير على الحلوين

طبعا المكتوب باين من عنوانه نبي نسوي اقوى قروب لمحاربة الشحوم وتوابعها النفسية والجسدية بإذن الله

قبل لا أبدأ راح أقولكم على معلومة خطيرة سمعتها بالتلفزيون من اخصائية علاج نفسي تتكلم عن اسباب فشل كل من اتبع رجيم ولم يكمله او انهاه واستعاد الوزن من جديد بعد فتره

تقول انه بإيحاء من الذات يستقبل الجسم اوامر من العقل الباطن تشير الى سلوكياته بمعنى ان الشخص المقبل على الرجيم غالبا ما يكون داخليا مهيء نفسه انه ماراح يطول في فترة الرشاقه يعني اذا كانت عزيمته قويه فراح يكون هناك مستثير داخلي يقول ((راح تتمتع بالرشاقه لفترة بسيطه ..هذا اذا نحفت )) بالتالي يتبرمج الجسم على الفشل في الرجيم واستعادة كل ما خسره ولو بعد فتره

وتقول ان الي يبي يسوي رجيم ناجح ويتمتع بنتائجه طول العمر بإذن الله لازم يشتغل على نفسه من الداخل قبل يبدأ رجيمه

يعني كل وحده حلوة تبي تبدأ معي في حملة ((تطلعات تفوق التوقعات )) لازم تجلس جلسه مصالحة مع نفسها وتعزز ثقتها بقدراتها وان الرشاقه هذي من ابسط انتاجيات ذاتها الا متناهية وانها قادرة على الرشاقه وتوديع السمنة للأبد بإذن الله ومعونته و تحسس نفسها بمقدار حبها لها وانها تستحق الافضل في هذي الحياة تستحق تتمتع باحترام الناس واعجابهم وتقديرهم لقدرتها وعزيمتها والاهم من كذه تتمتع بالصحة والعافية والنشاط والملابس الحلوووووة والشكل الكيوت ؟؟ :6f428754:ولا لا يابنات

في احد ما يستحق منكن كل ذا ؟؟؟

الي تشوف نفسها ما تستحق لا تسجل معنا هنا

احنا بدايتنا وانطلاقتنا المختلفة راح تكون بإذن الله سر نجاحنا الدائم وراح نشوف التغييرات الوواضحه بعد فترة بسيطه بإذن الله

طيب.. تهيأتم أكيد نفسيا للعمل الآن

نشوف أدوات العمل

أولا .. النظام الغذائي

ثانيا .. المشروبات المساندة

ثالثا .. الأنشطه الرياضية

انا مشتركه مع مركز علاج جدة عند اخصائية تغذية واعطتني نظام غذائي من بكرة إن شاء الله راح أبدأ فيه ميزة هذا النظام انه يختبر نشاط الجسم في عملية الحرق لاني قلت لها اني سويت كذا رجيم سابق واستعدت وزني فقالت لازم اختبر طبيعة جسمك أولا قبل ابدأ بالحرق اذا كان طبيعي راح يكون معدل نزولك في الاسبوع الاول 3كجم أو أكثر

النظام هو

الافطار

شريحة جبنة الطيب((أو جبنة قريش)) + خيار
أو
كوب شاي بالحليب قليل الدسم + بيضه مسلوقه >>أنا استبدلته لي بالزبادي لأن عندي حساسية من البيض

الغداء

ربع رغيف أسمر أو كبشة طعام (مغرفة) رز مسلوق بدون دهن + واحد من الخيارات التالية :

4م فول بالثوم وزيت الزيتون
صدر دجاج مشوي او مسلوق بدون جلد
حبتين او 3 حبات سمك مشوي أو مسلوق (( ممكن شرائح فيليه السمك ))
تونه بدون زيت بالخل والليمون

العشاء

لبن قليل الدسم + خيار
أو
صنف واحد من الفواكه بأي كمية كالتفاح او البرتقال او والاناناس

ملحوظه

شرب لترين ماء يوميا كحد اقل >> مهم جدا الماء للرشاقه ونضارة البشرة
المشي لمدة ساعة يوميا
التوقف تماما عن الاكل قبل النوم ب 4 ساعات

المشروبات المساندة

اختاري واحد من التالي كلهم نتائجهم فعاله من 2 الى 3 كوب في اليوم

1م رجل الاسد

أو

1م زنجبيل طازج مبشور

أو

1م شاهي اخضر + 1م زنجبيل طازج مبشور

طريقته انك تاخذين ماء مغلي وتضعيه في كوب وتضعي عليه احدالخيارات السابقة وتغطيه لمدة عشر دقائق ثم تصفيه وتشربيه ((أبدا لا تغلينه لان الغلي يفرز مواد تضر بالصحه ما تفيدها ))

الانشطه الرياضية

مشي لمدة نصف ساعة الى ساعة

تمارين الايروبك لنحت الجسم

الدراجة

اختاري ما يناسبك والجمع بينها يصقل جسمك بسرعه وهذا مهم جدا

وراح أبدأ برنامجي من بكره إن شاء الله وموعدنا بإذن الله كل يوم جمعه للوزن

الي حابه تمشي معي بنفس الخطوات حياها ربي و راح ادعمها مثل ما ادعم نفسي بإذن الله

والي عندها برنامج ثاني تطرحه وتشترك معنا وندعم بعض

اهم شي

(( نحب نفسنا ونقتنع انها تستحق الافضل ))

ونتذكر هالعبارة زين لما تراودنا نفسنا الامارة بالسوء انا نكسر حده حماسنا بالخربطه المضرة .. اتفقنا؟؟:icon7: