مجتمع رجيم - تجربة أختي من 84 الى 69 ب 6 شهوووور

ما نقلت التجربة الا للأستفادة ..و لا سجلت بهالمنتدى الا لمساعدة أخواتي في الله الباحثات عن الرشاقة
أنا أساساً رشيقة مو محتاجة منتدى رجيم عشان ألتزم بس و الله اني أخاف عليكم و على صحتكم
بس أستفيدوا من تجارب الغير ..لا تنخدعون بعناوين الأنظمة السريعة ..
ما يجيء بسرعة يذهب بسرعة .
:sleeping:
أختي بعد ولادة 3 بنات و ولد (عبودي:icon7:) زاد وزنها ووصل 84 و صارت كلها زوائد و شحووم و وهضاب وووو
المهم ...
بدت تسوي رجيم اللي أهم شي شي فيه المشي ساعة يومياً و اذا كانت مشغوولة جداً 45 دقيقة .. مشي يسرعة مو كأنها تتمخطر على شط النيل ...بسرعه لدرة أنها تعرق و تعطش و تشرب مويه كل شوي. وغير تحرك يدينها عشان تشدهم و تصفق على ورا من 20 الى 30 مره ببداية المشي و نصفه و نهايته عشان تريح يدينها و ما تتعبها .
الشي الثاني ..الأكل هي نقطة ضعفها الحلويات و الأكلات الدسمة (المحمر و المشمر )
:grin:
بس مسكت نفسها و صارت أقوى من الأكل
صارت تاكل مع زوجها و عيالها عااادي بس فيه كنترول
يعني بما أن وزنها كبير بالفطووور خبزة بر كااااملة مع أي شي (فول -بيض-جبن .....الخ)
مع كوب حليب أو شاي سكر خفيف.
باستثناء الأشياء الدسمة و الحالية (مربى -زبدة فول سوداني-طحينة)
بين الوجبات فاكهة -قهوة -شاي -تمر (لا تخافون من التمر ...أكلوا منه مع القهوة أو زبادي أو ماء بس أهم شي ما يزيد عن 7 حبات باليوم -مفيد و صحي و يزودك بالسكريات الطبيعية اللي جسمك محتاجها )
الغداء : مع زوجها و عيالها بس 6 ملاعق مع أي شي بروتيني و سلطة و شوية لبن قليل الدسم
العشاء نفس الفطور واذا جاعت قبل النوم تاكل حبة فاكهة أو تشرب حليب .
ما كانت محرومة من شي ابداً الا الأشياء الضارة اللي الجسم مو محتاجها خير شر
و الحين ماشاء الله صارت كأنها بنوته رشيقة و خفيفة
طولها 167 تقريباً
هي بالنسبة لها عاجبها بس أنا ابغاها تنحف زيادة يبغى لها شد شوية
حتى اذا زارتنا و صاروا مسوين حلويات مع القهوة تاخذ حبتين أو ثلاثة بالكثير و بس .
و تاكل معنا بس ع الخفيف زي ما هي متعودة ببيتها
لو كل البنات يسوون كذا و ينسون الميزان هذا اللي مسبب لهم روعة و يمشون باعتدال و ثقة انهم بالكثير 5 شهور و هم رشيقات .. و يتركون العجلة و التهور و اللعب بالصحة بأنظمة غبية و ما يطبقها الا أحد جاهل و ما يقدر النعمة اللي هو فيها
أختي سمنت على مدى شهوور الحمل و بعد الولادة بديهي ما راح تنزل كل هالشحوم بأسبوعين أو شهرين
لا أحد يضحك على عقولكم و يقول 30 كيلو ب 30 يوم ...!!
خير ان شاء الله ؟
أنا بس انتظر اليوم اللي يطلع فيه رجيم 7 كيلو بكل ثانية !!
و الله مو غريبة اذا فيه ناس غبية تصدق .. وناس ما عندها ذمة بس تنقل من منتديات و الحريم هات نجرب وهي بعد يوم تموت جوع و تتعب و تبطل و تروح تطلب من كنتاكي!!!
و يمر سنة كاااااااااااااااااملة و هي سمينه و متحطمة و تكره نفسها
:sick:
على فكرة ..أختي قبل فترة كان عندها مناسبات عائلية كثيرة و سفرات فخبصت شهر كاااامل و نصف و زادت بس 2 كيلو
:smiling:
لو انها كانت تجوع نفسها و تسوي رجيمات الغباء (الصنف الواحد و التجويع ) كان رجعت لل80 مره ثانية .
بس لأنها كانت ماشيه صح ..زاد وزنها ببطء
و بسهوله راح تنزله لأني هزأتها أمس تهزيء جااامد و راح توصل لل65 ...بأذن الله قريباً
موفقين
نصيحة لوجة الله
رفقاً بأجسامكم ...