مجتمع رجيم - كوافيرات المحجبات فى مصر

مجتمع رجيم (https://forum.rjeem.com/)

- - كوافيرات المحجبات فى مصر (https://forum.rjeem.com/t54502.html)

كوافيرات المحجبات فى مصر

السلام عليكم و رحمة الله و بركاته يا بناويت ..

بما انى بادور دلوقتى على كوافيرات فى مصر للمحجبات .. فلاقيت حبه حلويين .. و لكن همه غاليين شوية ..

فى تلات أنواع ..

السبا .. و هو عادى بيوتى سنتر .. بس بيكون متخصص فى برامج التنظيف و الحمامات و العلاجات بانواعها .. ده مش بيكون عنده ميك أب و تسريحات شعر أو لف طرح ..

النوع التاني ..
الكوافيرات العادية .. و دى الى منتشرة فى مصر .. بتلاقيها فى كل حته .. دى بقى زى ما بيقولوا .. "بتاعة كله" .. بتعمل كل حاجة .. الحمامات بانواعها .. الشعر و كل ما يخطر عى بالك فيه .. الجسم و كل حاجه تخصة .. و طبعا الميك أب و تسريحة يوم الفرح (لو مش محجبات طبعا) .. أو للمحجبات الطرحة.

النوع التالت ..
البنات المتخصصات فى مكياج العروسة و لف الطرح بسسسسس.. و دول كتروا اليومين دول اوى .. مش بتعمل غير كده ..
طبعا فى بنات بدأو كده .. و كبروا مع الوقت و عملوا لنفسهم بيوتى سنتر .. زى جيلان عاطف مثلا .. و غادة سنتر ..

طبعا دول كلهم مصر الجديدة و مدينة نصر و المهندسين و الزمالك .. (بالنسبة لمصر طبعا)
و أسعارهم متوقعة من أماكنهم ..

و ربنا يصبر العرسان .. :icon10: