اللبنه المدعبله بالزيت من مطبخي والطعم خيال بسم الله الرحمن الرحيم اخواتي وحبيباتي حبيت ااقدملكم طريقة اللبنه المبدعبله بالصور لانو هيه شئ اساسي ببيوت الاردنيين بنقوم بتخزينها وجبة الفطور لا تخلو منها وخصوصا بالشتاء اليكم الطريقه طبعا الكميه حسب الرغبه نحضر حليب الماعز ونغليه جيدا ولما يفتر نقوم بعمل الروب منو وهوه اضافة نص كوب لبن رائب للحليب الدافئ وتحريكه جيدا وبعد هيك بنلفه بشرشف منيح تقريبا 6 ساعات او حتى يصير الحليب رائب وهلا بنباشر بالخطوه المهمه وهيه عمل اللبنه نضع اللبن الرائب بكيس ابيض مصنوع من القماشلحتى ينزل ماء اللبن منيح بعد هيك نضع على الكيس ثقل لحتى يساعد على نزول الماء اكتر ولازم نراعي نضافة الكيس من الخارج بكشط اي شئ يتكون على جداره لانو اللبن كتير حساس وبيخرب بسرعه وبنظل نراقب اللبنه لمدة 4 الى 5 ايام لحتى نتاكد انو ما بقى ولا نتفة ماء باللبنه وبتصير زي هيك شوفو كيف البياض الناصع http://www.rjeem.com/up/images/v5lpjp2wocd5d90upms3.jpg بعدين بعجنهم منيح منيح وبضيف كميه مناسبه من الملح وبرد اعجنهم مره تانيه لحتى الملح يدخل فيهم كويس ولازم يميل طعم اللبنه للملوحه نوعا ما لحتى ما تخرب يعني بيكون طعمها بين بين وبصير اعمل منهم الدعابيل ولما يزبطو معي بكور الكميه كلها http://www.rjeem.com/up/images/exupxftofnzz5phlza.jpg بصير اعمل دعابيل اللبنه واصفهم على صينه زي هيك http://www.rjeem.com/up/images/f7x5pbyf69epmvjgpbb8.jpg وهلا بجيب قطرميزات زجاجيه نضيفه ومنشفه منيح وبحط فيها زيت الزيتون وبسقط اللبنه فيهم بهاد الشكل http://www.rjeem.com/up/images/3plvx7atlkzu2l4tdp.jpg وهيك بنكون خلصنا وهاي كمان وحده http://www.rjeem.com/up/images/gz5l7uq8798dqs85gfg.jpg وهاد احلى فطور من مطبخي وعلى فكره كلو من عمل ايدي الا القشطه جاهزه حتى العسل من انتاج مزرعة اخي http://www.rjeem.com/up/images/myxe14il8fitacvk06ng.jpg ونسيت هالمكدوسات الطيبن شوفو ما احلاهم http://www.rjeem.com/up/images/p18cgaff35oikhedthy.jpg وبتمنى انو الطريقه نالت اعجابكم وعن جد طلعو كتير طيبن وبيشهو الف صحه وعافيه حبيباتي |
رد: اللبنه المدعبله بالزيت من مطبخي والطعم خيال تسلم ايديكي انا كتير بحب هي اللبنة ومن زمان كنت رايدة اعرف طريقتها وحابة اسالك لازم يكون الحليب ماعز؟ واذا حطيت حليب بقر عادي بيختلف شي عن هي الطريقة مشكورة اختي |
رد: اللبنه المدعبله بالزيت من مطبخي والطعم خيال يعطيك العافيه خيتووو يسلموووو تقبلي مروري :) |
رد: اللبنه المدعبله بالزيت من مطبخي والطعم خيال اقتباس : المشاركة التي أضيفت بواسطة bessan05: |
رد: اللبنه المدعبله بالزيت من مطبخي والطعم خيال اقتباس : المشاركة التي أضيفت بواسطة *بنت الجنوب*: |
رد: اللبنه المدعبله بالزيت من مطبخي والطعم خيال جميل جدا نحن دايما نجيبها جاهزه ولا مره جربنا نسويها بس بعلمها للأهل يسونها شكرا لكي |
الساعة الآن 03:24 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0