مجتمع رجيم - المنسف الفلسطيني بالصور كمان ...

1 2 3 4 5 ... الأخيرة

عرض 40 مشاركات من هذا الموضوع لكل صفحة

مجتمع رجيم (https://forum.rjeem.com/)

- الأطباق الرئيسية (https://forum.rjeem.com/f305.html)

- - المنسف الفلسطيني بالصور كمان ... (https://forum.rjeem.com/t74873.html)

ناثرة المسك

03-21-2010 05:27 PM

المنسف الفلسطيني بالصور كمان ...

http://www.rjeem.com/forum/../up/ima...q9iydh0bz6.gif

كيف حالكم يا بنات ..؟
اليوم جيت وجبت معي اكلة لذيذة ومشهورة عندنا هون بفلسطين .. هي المنسف

بس في الي ملاحظات حابة احكيها

اولا شيء : بالنسبة للبن الي يستخدم في المنسف
اما لبن جميد او لبن عادي طبعا لانو المتعارف في فلسطين انو اهل الشمال ما بياكلو لبن الجميد ثاني شيء : في تحضير الرز يمكن استبدال السمن البلدي بزيت الزيتون البلدي ... آل يعني احنا خايفين من السمنة ومن الامراض الحديثة ... :P

ثالث شيء : بالنسبة للحم الخروف .. طبعا كتير مننا ما بيقدر يوكلو فلهيك بعض الناس بستبدلوه بلحم الحبش .. بس بطبيعة الحال لحم الخروف ازكى على المنسف

رابع شيء : طبعا بتعرفوا انتو كيف بيتخضر اللبن قبل ما يوضع في وعاء الطبخ .. بكون مهروس ومنقوع قبل الطبخ بفترة وبعدين بنحطو بالمولينكس وبنضيف الو ماء .. لحتى يصير مزيج .. وبعدين بنحطو بالطنجرة ... والله يسهل على ستي وستك ايام ما كانو يمرسوه مرس على طبق الفخار .. الله يسهل ع هديك ايام ..
وهالشي بالتأكيد للبن الجميد مش اللبن العادي ... طريقة اللبن عادي بتوقع عادي بس ما بعرفها للاسف ..

وهلأ مع اختكم بنت فلسطين تبعولي على الوصفة والي بيعملها يعزمني بس بشرط على لبن جميد مش لبن عاااااااادي

ويلا نبدا بإسم الله

أول اشي المقادير :
[/COLOR]

2 كيلو لحم خاروف

4 كيو لبن -جميد او لبن عادي

1كيلو رز -3 ارغفة من الخبز العربي

ماء للسلق

جوزلوز - فستق[/COLOR] -صنوبر - بقدونس للتزيين

ملح -بهارات - فلفل حار - كركم

سمنة . الطريقة:

يوضع اللبن في وعاء الطبخ ثم يوضع على النار حتى يغلي ثم

نضيف اللحم المسلوق على اللبن بعد الغليان ويحرك حتى

الغليان ويترك على نار هادئة وفي هذه الاثناء يجهز طبق

الرز نضع ملعقتين من السمنة في الوعاء ثم تذوب على النار

نغسل الرز المنقوع ويتبل بالملح والفلفل والبهارات

ثم توضع الكمية في وعاء السمنة ونضيف عليها كمية كافية من

ماء السلق -التي تغطي كمية الرز- وتوضع على نار هادئة لمدة نصف ساعة. او لحتى تجف المياه عن الأرز

ثم نعد اغراض التزيين نقوم بقلي لصنوبر والفستق والجوز

واللوز ونفرم البقدونس ناعم نضع الخبز على صحن التقديم ونشربه باللبن الذي قمنا بطبخة

ونضع الرز فوقه ثم يوضع اللحم فوق الرز ويزين ثم يصب عليه من شراب البن وصحتين والف عافية

وهاي صورة المنسف بعد التحضير
http://www.almhbash.com/upload/users/zed/Mansaf1.jpg

وهاي كمان صورة بس احنا بنحب المنسف الي بكون لونو اصفر من الكركم طبعا
http://up.hawaaworld.com/get-om2xl4on.jpg

وهاي كمان صورة خليكم تجوعو هههه
http://www.daoudkuttab.com/2005/images/DSC00371.JPG

تقبلوا مني فائق الاحترام

وهذا المنسف الفلسطيني هديه للاعضاء والمشرفين وهديه خاصه لأم سلسبيل صديقتي الغالية
http://www.rjeem.com/forum/../up/ima...fvuqebsrfp.gif

فرفوووشه

03-21-2010 09:12 PM