مجتمع رجيم

مجتمع رجيم (https://forum.rjeem.com/)
-   أرشيف رجيم (https://forum.rjeem.com/f54.html)
-   -   هو العيب في مين (https://forum.rjeem.com/t79940.html)

كلمة صدق 05-27-2010 11:43 AM

هو العيب في مين
 


انا النهاردة بكتب الموضوع ده عشان عايزة افضفض شويتين ..

بصراحة انا مش عارفة ابدأ منين .. بس هحاول عشان مش عايزة اطول عليكم ..

من مدة جوزي كان بيحكي لي عن واحد صاحبه عايز يتجوز على مراته عشان عامله له مشاكل مع اهله

وغير كده دايما بتعند معاه وعايزاه يمشي على مزاجها ..

يعني كلمته هي دايما اللي تمشي ..

وقعد يحكي لي عن حاجات عملتها مع اهل جوزها ومع جوزها نفسه ..

بجد انا اتخنقت واتنرفزت جامد ..

مش عارفة انا الستات اللي دايما بيحبوا يعملوا مشاكل يعني بيستفيدوا ايه ..

ايه المشكلة عندها انها تكون هادية ووديعة وتسمع الكلام وتبطل عند ..

ايه المشكلة لما تحب حماتها وتعاملها كأنها امها ..

هتستفيد ايه لما تبعد بين جوزها وبين اهله ..

هتستفيد ايه لما تربي اولادها على ان اهل ابوهم مش كويسين ..

بجد انا مستغربة جدا ودمي محروق من امبارح

وبصراحة قلت لجوزي دي احسن حاجة لها انها تتطلق عشان تعرف ان الله حق ..

بس رجعت وقلت حرام والاولاد ذنبهم ايه ..

هي المشكلة الحقيقية واللي صاحب جوزي مش مقتنع بيها

انه نزلها مصر مع اولادها وفضل هو هنا ..

وبجد هو ده اللي بيعمل مشاكل ..

ومش عارفة المشاكل بتيجي منين ولا ازاي .. عن تجربة شخصية يعني ..

بس فيه ستات هوايتها المشاكل ومش بتعرف تعيش حياتها عادي

غير لما يكون حواليهم مشاكل من كل ناحية ..

ولما قعدت فكرت بيني وبين نفسي سألت نفسي سؤال يا ترى هو ده عيب في مين بالضبط ..

عيب في الزوج اللي مش عرف يحكم بيته من اول يوم

ولا عيب في الزوجة اللي عايزة تبقى هي الراجل

ولا عيب في الاهل الي مش عرفوا يربوا اولادهم

ولا عيب في الزمن اللي احنا فيه ده اللي كل حاجة فيه ماشية بالمقلوب


انا قلت افضفض معاكم شوية .. واتمنى اني مكنش طولت عليكم

*دعاء الكروان* 05-27-2010 12:40 PM

رد: هو العيب في مين
 
طرح جميل لموضوع نراه كثيرا هذه الايام
واعتقد ان العيب فى الرجل الذى تهاون فى حقه وهمش دوره وفى النهاية هو الندمان
والزوجة لو وجدت من البداية اشارات من الزوج للتوقف لما تمادت فى تسلطها
بارك الله فيك موضوع رائع

http://www.rjeem.com/up/images/lge7t9ms1sc7rx18uyh.gif

كلمة صدق 05-27-2010 12:53 PM

رد: هو العيب في مين
 
شكرا لك ام مصطفى على مرورك الكريم وتعليقك الراقي ..
فعلا الدور الاكبر يقع على الرجل ..
لكن صدقيني هناك نوع من النساء لا تفهم اي اشارات ..
تقبلي تحياتي


http://www.hotagri.com/data/media/74/32.gif

عبير ورد 05-27-2010 05:45 PM

رد: هو العيب في مين
 
السلام عليكم ورحمة الله وبركاته
عزيزتي كلمة صدق وهذه كلمة صدق أقولها العيب ومع الأسف من الطرفين من الزوجة التي لا تتخذ شرع الله لها منهاجا في حياتها الزوجية وتجعل القوامة بيد الرجل هي من بحثت عن المشاكل لنفسها ولأهل بيتها عندما جعلت نفسها مكان الرجل في السيطرة عليه وإلغاء شخصيته أحيانا الرجل يلجأ لهذا الأسلوب ليشتري راحته لكي لا تفتعل المرأة المشاكل معه { سلمها الخيط والمخيط }
والرجل عندما سلم زمام الأمور للمرأة التي تتحكم فيها عواطفها في كل الأمور
هل عندهاسوف تستقيم الأمور لا والله بل خسر كلا من الطرفين
وعندما أعطت المرأة أذنها للقيل والقال عندا تستحيل الحياة مو مع الزوج فقط بل تمتد إلى علاقتها مع الآخرين دون استثناء
والسلام عليكم ورحمة الله وبركاته

ღ♥ بسمة الحياة ღ♥ 05-27-2010 06:46 PM

رد: هو العيب في مين
 
نعيب زمـانـنا والــعــيب فــينـا ,,,,,,,,, ومــا لـزمانـنا عيــب ســــــوانا

يقول الله جل وعلا "الرجال قوامون على النساء بما فضل الله بعضهم على بعض وبما أنفقوا من أموالهم..." والمقصود ـ والله أعلم ـ أن الرجال قائمون على أمر النساء بسبب الإنفاق والتوجيه، وهما واجبان على الزوج لزوجته، كما يقوم الولي على شئون العائلة، والتفضيل للرجل لكمال العقل وحسن التدبير ورزانة الرأي قوامة الرجل على المرأة مسئولية وليست امتيازا
الرجل فرط في مسئوليته الذي اعطاه الله وارن هو يشتكي
كما ان هذه المرأءة ايضا اخطأت باخذ حق ليس من حقوقها وتجني على حياتها واسرتها
براي اختي كلمة صدق
الخطأ من الاثنين
لذلك قبل ان يطلق لابد ان يحاول علاج مااحدثه هو من مشكلة ويرجع القوامة معه 00

تقبلي مروري

جوجو 2008 06-02-2010 08:38 AM

رد: هو العيب في مين
 
السلام عليكم
كلمه صدق في الحقيقه انا لي رأي مختلف
انتم سمعتم المشكله من جانب واحد يعني من الممكن ان يكون هذا الزوج يرغب في الزواج مره اخري
ويحاول ان يجدد مبررات لنفسه قبل غيره
فأنا احب ان ننظر للامور من كل جهه
فيمكن ان يكون كره زوجنه وذي ما بيقولوا
حبيبك يبلع لك الزلط وعدوك يتمني لك الغلط
لا تسرعي في الحكم عليها
اما اذا كان الوضع اللي بتحكيه صحيح فطبعا هي غلطانه وربنا يهديها وتتغلب علي نفسها وعلي الشيطان


الساعة الآن 09:58 PM.

Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0