مجتمع رجيم - الزوج من غير كرش .....

مجتمع رجيم (https://forum.rjeem.com/)

- النقاش العام (https://forum.rjeem.com/f2.html)

- - الزوج من غير كرش ..... (https://forum.rjeem.com/t82760.html)

{*زينب*}

07-08-2010 04:18 PM

الزوج من غير كرش .....

http://www.rjeem.com/up/images/offey11gijpjwxyd45ml.gif

http://www.rjeem.com/Gtool/image/234324324.gif

عاوزين نوقف العداد ده او نخليه ابطأ شوية
عداد ايه؟

الوقتي تقولولي مي يا ترى ناوية على ايه وعداد ايه الي بتقولي عليه ... اقولكم عداد الزمن ...

في كتير الوقتي ماشين وراء مقولة الطريق لقلب الزوج هو معدته
وانا مع احترامي مش مؤيدة للمقولة دي صح ان الواحد يشبع معدته دا امر لابد منه بس مش على حساب بيتك او على حساب نفسك

لما الوقتي نرجع شريط الذكريات....
ونرجع بالزمن للوراء ..
ونفتكر كدة اول ايام الجواز ..
وقد ايه كان في فرق حتى لو خفيف عند البعض بس اكيد في فرق هنلاقي ان كان الاول الواحدة تبقى قاعدة مستنية زوجها وهي في ابهى صوره .. والشعر المرتب واللبس الحلو مع الميك اب ولا الرائحة العطرة والدلع والافكار وغيره وغيره
دا غير طبعا انها من شدة اهتمامها وفرحتها بزوجها بتبقى منتظرة قدومه بفارغ الصبر على باب المنزل والابتسااامة العريضة على وجهها ...

الوقتي تقولوا يا مي براحة

المسؤوليات وغيره السبب وان اغلبهم محتارة بين تربية الابناء وبين الطبخ وبين الزوج وبين الترتيب و بين العمل و...و...و..
طيب انا معاكي فدا كله وصح ان المسؤوليات بتاخد الواحد في دوامة بس

طيب انتي وزوجك فين في الموضوع دا هتقولولي ما احنا مع بعض حياتنا حياة مشاركة طيب قصدي فين ايام الدلع وشهر العسل الي كانت بينك

انتي عارفة في اغلب النساء المتزوجات الوقتي بعد 5 سنوات من زواجها ترجع تقول دا انا زوجي اتغير مبقاش بيحبني زي الاول مع اني مش مقصرة لا في بيته ولا في اكله دا بتعلم مخصوص اعمل ليه كل الوصفات الفرنسية اليابنية وغيره من اشهى المأكولات
مع اهتمامي بتربية الابناء طيب وانتي هل اهتمامك بنفسك نفس ما هو ولا شغلك المطبخ عنه ؟

حاليا الزوج لما يرجع ويلاقي الزوجة مستقبلاه عفوا بلبس متسخ من المطبخ ولا رائحة البصل النفاذة دا غير طبعا الشعر المنكووش ولا التكشرية وقفلت الحواجب الي عندها اصل الطبخة اتحرقت ولا ملحها جه زيادة شوية
طيب انتي متوقعة ايه من الزوج لما يرجع يلاقي كدة دا غير بقى قايمة الشكاوي من دوشة العيال ولا من الطلبات للبيت و...و...و...و

طبعا كان الله في عون الزوج .. بين همين هم الشغل وضغوط الحياة وهم الزوجة لما يرجع ويلاقيها نفس الروتين للشكل والشكااوي كل ليلة

فبيوصل بيه الحال للهرووب وانه يطفش او يبقى عاوز يختفي بسرعة من البيت
هتقولولي يعني هيرووح فين اقولكم ودا بنلاقيه فعلا بيحصل الوقتي

فيه اللي حيقعد على القهوة يتفرج على اللي رايحة واللي جاية
وفيه اللي حيشبك له في كام علاقة على النت
وفيه اللي حيلعب بديله من وقت للتاني
وفيه اللي ربنا مقدره بقى وقلبه جامد ده اللي يتخاف منه لانه حيتجوز في اول فرصة

وانتي الي تكوني وصلتيه لكدة ... صدق الي قال جوزك على ما تعوديه .. انتي عودتيه من الاول على الكلام الحلو وعلى ان شكلك يكون جميل دايما في نظره وعلى رقتك واهتمامك وفجأة دا بيتحول لرائحة بصل وطول الوقت بين المطبخ وترتيب البيت وهو قاعد يا بيقرأ الجريدة من الزهق يا على النت ويا بيلجأ للهرووب بالطرق الي قلتها قبل كدة

عزيزتي الزوجة نصيحة مني ارجو من الجميع تقبلها .. واعذرووني لو الوقتي تقولوا يا مي طيب والرجالة فين من دا كله هو كله على الزوجة

بس اقولك دايما نسمع ان الرجالة زي الاطفال انا مش بقلل من قيمته ولا هيبته ولكن اقصد بالطفل يعني بالدلع والدلال بانه يجد الراحة والسعادة لما يجد اهتمامك بكل شئ مش بس باكله وانه يقوولك الله حلوو طبيخك بس الشكل مش مرتب ...

طيب سؤال الواحد لما بنروح مطعم راقي بنجد انهم مقدمين االاكل بافضل الاشكال وحركات ونظام وترتيب وغيره يخلي الواحد عاوز ياكل كل الي قدامه ... يعني بيتفننوا في تقديم الحاجة قبل الطعم لان حاسة النظر والرائحة وغيره بتلعب دوور اكبر من التذوق يبقى اجعلي حاسة النظر لدى زوجك دائما تقع على اجمل الاشياء منك في نفسك وظهرك في المقام الاول

فهذه هي المشكلة

هو ايه المشكلة؟
مشكلة اغلب الزوجات حاليا اعتقادهن ان الحياة الزوجية لا تعني الا لحظات معينة ووجبات شهية
وطالما هي مهتمة بالزوج في تلك الامور فهي اذن غير مقصرة و (مهنياه)
اطلاقا
ان اخر ما يحتاجه الزوج هو ان يشبع رغبة معينة
هو يحتاج لامرين اكثر من اي شئ اخر
يحتاج لاشباع نظره بمظهر يقارب (لن نقول يماثل) مايراه بالخارج

وان يجد من تشاركه في اهتماماته
لا ان يعود يوميا ليجد دب قطبي في انتظاره من اجل ان يجهز له العشاء قبل ان ينام
سيدتي الزوجة
اشبعي عقل وقلب ونظر زوجك في تلك المرحلة
لا بطنه
في المقام الاول
مع امنياتي بحياة زوجية هانئة بعد عيد الزواج العشرين

منقول

http://www.rjeem.com/up/images/f6cy0n7rqqnhlz8y860.gif

عبير ورد

07-08-2010 04:48 PM