مجتمع رجيم
1 2  3  4  ... الأخيرة

مجتمع رجيم (https://forum.rjeem.com/)
-   أرشيف رجيم (https://forum.rjeem.com/f54.html)
-   -   بنتى كانت هتغرق انبارح (https://forum.rjeem.com/t84781.html)

ام رؤى وجنى 08-08-2010 09:38 AM

بنتى كانت هتغرق انبارح
 
السلام عليكم حبيباتى الغاليات
والله انا حصلى موقف لا احسد علية والله انبارح كان اسود يوم بحياتى دخلت رؤى بنتى وجنى يستحمو وانا دخلت البلكونة لكى انشر الغسيل قلت اشغلهم فى السحوم لانى بخاف من تواجدهم فى البلاكونة وطبعا انا مطمنة لانى عنت سدادا البانيومن زمان واثناء ما انا بنشر الغسيل قلت ابص على البنات وانا دخلة على باب الحمام شفت جنى بتتزحلق تحت الماء والبانيو مليان الى اخرة وبيشر من الجوانب لانة اتملى وجنى تحت الماء مش عارفة تاخد نفاسها مهما قلت مش ممكن اوصف لكم الصاعقة اللى انا كنت فيها انا جريت عليها لقيت حبيبة قلبى بتحاول ترفع نفسها مش عارفة لان الماء اثقل منها روحت شديتها من زراعها زراعها اتزحلق تانى ونزلت فى الماء وانا كنت بصوتروحت شديتها من شعرها طلعت وشها اصفر ومش قدرة تاخد نفسها انا رميتها على الارض والله سجدت لله شكر على كرمة علية لو كنت كملت الغسيل وبعدين روحت ابص عليهم كنت لقيتها جسة ياة يارب الحمد لله وسالت رؤى انتى جبتى السدادة منين قالتلى بتاع حوض المطبخ والله انا استغربت انا كنت خايفة عليهم من البلاكونة شوف اية اللى حصل فيا اخواتى الحبيبات خلو بالكم من البانيو اوى دة اخطر حاجة والله ومتغيبوش على اولادكم وهما فى الحمام نهائى حتى لو مافيش سدادة ممكن تسيدو بهدوم مرة رؤى برضو عمليتها اصل رؤى بنتى عفريتة وشقية جدا وزكية جداجدا طبعا زى امها ربنا يحافظ على اولادنا يارب ودايما قولو لهم الدعاء فى اى مكان حتى لو كانت نايمة جنبك (استودعكم الله الذى لا تضيع ودائعه) ا
انا اسفة على الاطالة بس حبيت احكى لكم ماانا كنت فية انبارح والله انا كل ما انام افتكر اقوم مخضوضة ربنا ميوريها لحد فيكم ابدا

كلمة صدق 08-08-2010 09:48 AM

رد: بنتى كانت هتغرق انبارح
 
يا حبيبتي ... الف حمد لله على سلامتها ..
وسبحان الله .. انا بتحصل معايا كتير اكون مشغولة في حاجة وفجأة الاقي زي الهام او صوت بيقولي ادخلي شوفي بنتك بتعمل ايه ...
انا برضه امبارح رقية بنتي كانت هتتسبب اننا نموت مخنوقين بالغاز ... ساهتني ودخلت المطبخ ولعبت في مفاتيح البوتجاز وفتحت واحد ..
وانا داخلة المطبخ بالصدفة لقيته معبي غاز يعني لولا ستر ربنا كان زماننا دلوقت في عداد الاموات ..
بالنسبة للحموم انا عندي بانيو اطفال بلاستيك لما بحب اشغل رقيه بملاه لغاية نصه واقعدها فيه هو يادوب بياخدها بالعافية ...
ربنا يحمي اولادنا ويحفظهم من كل سوء
والف حمد لله على سلامتها مرة تانية

ღ♥ بسمة الحياة ღ♥ 08-08-2010 09:53 AM

رد: بنتى كانت هتغرق انبارح
 
ام جنى ... الف الحمد لله على سلامتها
وانت كمان كلمة صدق ... الف حمد لله على سلامتها
وبالفعل لابد يوميا نستودعهم الله
الله يحفظ لك ولنا وللجميع ابنائنا

zozo.toto 08-08-2010 11:07 AM

رد: بنتى كانت هتغرق انبارح
 
حمد الله على سلامتها
انا لم اتزوج بعد لكني استفاد من القصص التي في المنتدى تعلمني حاجات كثيرة
ربي يحميهم ويحفظهم من كل شر
يجب على الامهات متابعة اولادهن دائما
حوض الاستحمام خطير جدا خاصة للاطفال الصغار
انا لما كنت صغيرة حصل لي موقف لن انساه طوال عمري
كان بابا وماما نايمين الظهر وهو مطمئنين علي من اي خطر لان عمري اعتقد لم يتجاوز 5 سنوات لكن
انا لا اتذكر جيدا كيف فتحت باب البلكونة ودخلت بعدها صعدت علي المحجر
ان شاء الله تفهموا قصدي لان ذاكرتي لم تسعفني بايجاد كلمة مناسبة اكثر
المهم وقعت من الدور الثاني والحمد لله انتبة لي رجل كان يغسل سيارتة
وهو جارنا التقطني من الشجرة على ما اذكر وصعندي لامي وابي وطبعا هم استغربوا وارتعبوا بنفس الوقت
ومن وقتها وهم يتاكدون ويراقبون سلامتي خاصة اني ولدت بعد 4 سنوات زواج

حبيت اشاركم قصتي حتى تنتبهوا لاولادكن

Coeur de Rjeem 08-08-2010 11:15 AM

رد: بنتى كانت هتغرق انبارح
 
الحمد لله على سلامتهم ام رؤى و جنى
كلمه صدق الحمد لله على السلمه

الحمد لله على لطفه بالعباد

ام رؤى وجنى 08-08-2010 12:23 PM

رد: بنتى كانت هتغرق انبارح
 

اقتباس : المشاركة التي أضيفت بواسطة كلمة صدق:
يا حبيبتي ... الف حمد لله على سلامتها ..
وسبحان الله .. انا بتحصل معايا كتير اكون مشغولة في حاجة وفجأة الاقي زي الهام او صوت بيقولي ادخلي شوفي بنتك بتعمل ايه ...
انا برضه امبارح رقية بنتي كانت هتتسبب اننا نموت مخنوقين بالغاز ... ساهتني ودخلت المطبخ ولعبت في مفاتيح البوتجاز وفتحت واحد ..
وانا داخلة المطبخ بالصدفة لقيته معبي غاز يعني لولا ستر ربنا كان زماننا دلوقت في عداد الاموات ..
بالنسبة للحموم انا عندي بانيو اطفال بلاستيك لما بحب اشغل رقيه بملاه لغاية نصه واقعدها فيه هو يادوب بياخدها بالعافية ...
ربنا يحمي اولادنا ويحفظهم من كل سوء
والف حمد لله على سلامتها مرة تانية
الله يسلمك ياقمر ربنا يحفظ اولدنا جميعا يارب والف سلامة عليكم وخلى بالك بعد كدة وياريت تقفلى الغاز اثناء النوم ربنا يباركلك فى اولادك وكل سنة وانتى طيبة



الساعة الآن 02:34 AM.
1 2  3  4  ... الأخيرة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0