مدارس مصر (دعوة للنقاش) السلام عليكم ورحمة الله وبركاته http://www.rjeem.com/up/images/ad3bi4eaqcltot7m8hgt.gif اخواتى في الله تعالو نعمل ملف شامل عن مدرسنا مدارس مصر وياريت الاخوات من البلاد المختلفة يعملو موضوعات عن مدارس بلادهم وبكدة اى اخت بتبحث عن مدرسة لابنها تدخل عندنا وتدور على المدرسة اللي تناسبها نظام الملف حيكون اسم المدرسة : عنوانها: نوع التعليم: لغات -عربي -عربي مستوى رفيع -ازهري- تجريبي- حكومى مصاريفها: مصاريف اضافية : باص-يونيفورم-ادوات نوعية المبانى : نضيفة- جديدة- قديمة الشهادات المتاحة : ثانوية عامة - دبلومة بريطكانية - دبلومة امريكية او غيرها رأيك في المدرسة: سلبيات وايجابيات |
رد: مدارس مصر (دعوة للنقاش) وأنا حبدأ بنفسي وحتكلم عن مدرسة بنتى هى حاليا في كجى تو اسم المدرسة : أمجات انترناشونال سكول عنوانها: المعادي نوع التعليم: لغات مصاريفها: 9500 مصاريف اضافية : باص 2700 لحد مصر الجديدة يونيفورم حوالى 1000 نوعية المبانى : نضيفة- جديدة الشهادات المتاحة : ثانوية عامة و دبلومة بريطانية رأيك في المدرسة: بالنسبة للايجابيات المدرسة تهتم كثيرا بالدين الاسلامى والقران الكريم بالنسبة للغة الى الان الوضع جيد جدا البنت تتكلم بنطق جيد جدا المناهج اكسفورد في نظام جيد في المدرسة واستجابة من المسؤلين بها لاى طلب الكلاس في 3 مدرسات مش اتنين زي باقي المدارس ودة انا تأكد منه بنفسي واحدة اساسية واتنين مساعدين والمساعدة دي مش ناني دي مدرسة بس اجدد من الاساسية وبعد سنة بتترقى وتبقى اساسية ودة غير ان في اتنين قاعدين على الباب بيدخلو وقت الاكل فقط مشرفات ياكلو الولاد دة غير الدادا بتاعت التويلت يعني دة مش موجود في معظم المدارس هما بيبقوا واحدة اساسية وواحدة مساعدة والمدرسة هي اللي بتاكل وتشرب بس اكيد ملهاش دعوة بالتويلت احسبها على خير مدرسة ممتازة مدرسين القران فيها من مشهير القراء فى المعادى كالشيخ أحمد رجب فيه عنصر الامان الكجيز ليهم جاردن لوحدهم ارضها فووم ومظلله وكل الالعاب بلاستك وفي مدرسة واقفة جنب كل لعبة علشان مافيش اطفال تتشقى كمان في انضباط في المدرسة يعني مافيش هرجلة التعليم قوي اوائل الاي جي طلعين من هناك انا مقدمة ناشونال بس ممكن احول انترناشونال في نفس المدرسة في اى وقت انا مدرسة البنات كل اللي فيها ستات يعني مفيش ولا راجل ومدرسة الولاد كل اللي فيها رجال بس مافيش ولا ست كمان المصاريف شاملة كل حاجة من انشطة رحلات حفلات كتب حتى الاقلام والكرسات انتي مابتجبيش حاجة غير اليونيفورم والشنطة والحذاء الانترفيو طويييييييييل ساعة تقريبا انا مدخلتش معها هما مش بيدخلو اولياء الامور الا لو الطفل خايف او بيعيط وانا علشان فريدة رد حضانات (على وزن رد سجون) قعدت الساعة ومخفتش ولا عيطت بس بعد ماخرجت وقلولي نجحت قلتلهم عاوزة اشوف الامتحان وورهولي هو عبارة عن ماشاء الله ورق كده كتير مش عارفة قد ايه هي بتعدي على 3 مدرسين عربي وانجلش ومدرسة اختبار ذكاء العربي بتسالها عن الاشكال والالوان والحروف ده ايه وده ايه يعني الف ارنب د ديك كده والانجلش برضوا وبعدين اختبار الذكاء توصل بينالصور المتشابهة تمشي على خط معرج وخط مستقيم تطلع الفروق بين صورتين متشابهتين وتلون صورة كاملة وكمان بيلعبوها بلعب كدة مغنطيس تمشي بيه فتلزق في حاجة تمشي بين طرق كده وبيسالوها اخواتك اسمهم ايه بابا اسمه ايه وبيشتغل ايه بتروحي حضانة لو اه اسمها ايه بس على فكرة امجاد دي اختبارها معقد حبتين يعني مش كل المدارس كدة السلبيات بقى انهم عملو نظام جديد في القرأن سريع اوى ومش كل الاطفال بتلاحق عليه حفظ |
رد: مدارس مصر (دعوة للنقاش) وي[SIZE="6"]اريتك كنتى عملتيه وانا بدور لولادى على مدرسة لكن الحمدلله ربنا وفقنى فى مدرسة كويسة جدا ولله الحمد ودى تفاصيلها اسم المدرسة :جرين هايتس لاانجوج سكول عنوانها: التجمع الاول القاهرة الجديدة نوع التعليم: لغات مصاريفها: 10.000 مصاريف اضافية : باص- :2500 لمصر الجديدة يونيفورم:1000 -ادوات: حوالى 100 اول العام الدراسى بتفضل عندهم نوعية المبانى : نضيفة- جديدة الشهادات المتاحة : ثانوية عامة - دبلومة بريطكانية - دبلومة امريكية ا رأيك في المدرسة: المدرسة الحمدلله ممتازة..محترمين جداا..مستوى المدرسات ممتاز..اهتمام عالى بالقرءان والتجويد والاخلاق تقبل لاى نقد والعمل على تعديله لغة فرنسية من كى ج ى تو وبالنسبة لمرحلة الكى جى دائما بيعملوا حفلات ترفيهية للأولاد متؤثرش على مناهجهم علشان يحببوا الولاد فى المدرسة بالنسبة للمدرسات فى الفصل ..مدرسة اساسية ومدرسة مساعدة والدادة بتكون على باب الفصل برة انا بنتى فى اولى ابتدائى وابنى فى كى جى تو..والحمدلله لغاية دلوقتى مبسوطة منها وان شاء الله تفضل على مستواها ده فى المراحل الاعدادية واى سؤال انا حاضرة... [/SIZE] |
رد: مدارس مصر (دعوة للنقاش) اهلا بيكي يا منار ازيك انا كمان ولاد اخويا في جرين هايتس بس انترناشونال بريتش في تانية ابتدائي وكجى وان ربنا يكرم وكل الامهات تتفاعل علشان يبقى عندنا ملف شامل |
رد: مدارس مصر (دعوة للنقاش) http://www.rjeem.com/forum/../up/ima...5qoll16n18.gif بالتوفيق حبيباتى ولادى لسه حيدخلوا السنة الجاية بامر الله عندنا فى الغردقة ربنا يسهل تسلمى حبيبتى للموضوع الرااائع:00004154: |
رد: مدارس مصر (دعوة للنقاش) |
الساعة الآن 12:21 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0