تجربتي في خسارة 8 كيلو و نص في اسبوع (فراشـة ريجيم )
 

السلام عليكم و رحمة الله و بركاته

http://www.rjeem.com/up/images/b106u1qe6smixe7e5p7.gif

دي تعتبر اول مشاركة لية في حملة فـــــراشة ريجيم
وانا قلت اكتب تجربتي هنا عشان الكل يستفيد منها خاصة اني بستفيد من خبرات بنات كتير هنا في المنتدي
انا كان وزني 89 كيلو و مشكلتي كانت سمنة الأرداف و اللي كتير مننا بيعاني منها
المهم قلت اعمل رجيم بوفق بين احتياجاتي الغذائية و في نفس الوقت اقدر اخس عليه بسرعة
قريت كتير عن بذرة الكتان و فوايدها في التخسيس و قررت استخدمها
و ده كان نظامي علي مدار الأسبوع
الفطار كوب كبير بذرة كتان علي 2 بيضة مسلوقة
الغدا كان مـتاخر باليل و كنت باكل ربع فرخة مسلوقة او مشوية بالتبادل مع علبة تونة بدون زيت
و لو اتعشيت بتعشي بيضة مسلوقة
شايفين يا بنات قد ايه الرجيم سهل و بسيط للغاية بدون تعقيدات و بدون حرمان
و الرياضة كانت من نص ساعة لحد ساعة و نص مشي يوميا
ووصلت ل 80 كيلو خلال اسبوع
يا رب اكون قدرت افيدكم

رد: تجربتي في خسارة 8 كيلو و نص في اسبوع
 

استخدم ازاى بذرة الكتان دى ياشيموستا؟؟ واجيبها منين؟؟

رد: تجربتي في خسارة 8 كيلو و نص في اسبوع
 

انتي بتجيبيها من عند العطار
و تاخدي كوبيتين مية صغيرين و تغليهم علي نار هادية
و في نفس الوقت تاخدي معلقتين صغيرين من بذرة الكتان و تطحنيهم و تحطيهم علي المية المغلية
و تقلبيها لحد قوامها ما يبقي لزج
و تسيبيها تبرد شوية و بعدين اشربيها بالهنا و الشفا

رد: تجربتي في خسارة 8 كيلو و نص في اسبوع
 

ماشاء الله تبارك الله الله يوفقك وتكملي كمان لحد ما توصلي للوزن المثاااالي


بجد عزيمه ولا اروووع الله يقويك

رد: تجربتي في خسارة 8 كيلو و نص في اسبوع
 

ماشاء الله عليكي

ان شاء الله تنزلي اكثر واكثر

رد: تجربتي في خسارة 8 كيلو و نص في اسبوع
 

اقتباس : المشاركة التي أضيفت بواسطة مهؤؤسة بدنيآآ:
ماشاء الله تبارك الله الله يوفقك وتكملي كمان لحد ما توصلي للوزن المثاااالي


بجد عزيمه ولا اروووع الله يقويك

اقتباس : المشاركة التي أضيفت بواسطة ميعاد:
ماشاء الله عليكي

ان شاء الله تنزلي اكثر واكثر
ميرسي جدا يا قمرات و عقبالكوا و عقبالي اقدر اعمله مرة تانية ان شاء الله