وبمناسبة ان ان المذاكرة اللى بجد بدأت واللإمتحانات قربت
فاحبيت اهرب من المذاكرة كالمعتاد
وادخل واتمخمخ فى مطبخ اوكا اوكا
وبالفعل دخلت افتكست حاجة انا معرفهاش بس مش اى اى ولا زى زى لتحضير حلى يليق بالصيف اخر شياكة وطعمه لذيذ جدا
واهديه لحبيبتى الأخت الغالية المحبووبة شمووخة شمخمخ اخر طراز الشموخ الملكى
هو لذيذ وسهل وعجب اهلى جدا جدا واتمنى انه يعجبك وتتقبليه منى المقادير والطريقة اول خطوة 24 قطعة بسكوت تقريبا نطحنهم نضيفلهم ملعقة سمنة سايحة و2 ملعقة نسكويك وملعقة سكر نفركهم كويس ونحطهم فى صينيه بالشكل دا وندخلهم الفريزريتجمدوا
ونطلعه وبالهنا والشفا هههه لا مش سهل للدرجة دى لسة ثانى خطوة كوب لبن + نصف علبه كاسترد + مكعب شكولا +ملعقة سكر ونقلبهم ونتركهم على النار لحد مايتقل شويتين زيادة نحطه فى طبق يبرد
اول ما يبرد نطلع الصينيه
نضيف الكاسترد على البسكوت وعلى الفريزر مرة اخرى
ثالث خطوة
نصف كوب لبن مثلج + كريم شانتيه + 2 ملعقة نسكويك
نضربهم بالمضرب حتى الإستغاثة
نطلع الصينية من الفريزر ونحط عليها ثالث طبقة وهى الكريم شانتى بالنسكويك