كيف تبنى شخصية قويه لبنتك؟
مجتمع رجيم / الموضوعات المميزه فى بنوتات
كتبت :
يالذيذ يا رايق
-
كيف تبنى شخصية قويه لبنتك؟
مين فينا يحب بنته تتطلع ذو شخصيه ضعيفه ومالهاش اى راى
مين فينا يحب ان بنته يتحكم فيها احد مهما كان سواء اخ اخت اكبر
او زوج او زميله فالعمل
مين فينا مايحبش ان لبنته تبقى ليها شخصيه مستقله تقوم عليها حياتها
و مين
و مين
و مين
طبعا كلنا نحب نشوف اولادنا بصفه دايما احسن مننا وافضل حال
طيب شخصية بنتى ابنيها ازاى؟
ازاى تبقى ذى شخصيه قويه
بحاجات بسيطه جدا
بس نحب نعرف فالاول ان قوه الشخصيه مش فالصوت العالى
ولا بالجسم الكبير
او فتحكيم الراى او العناد علشان ننفذ راينا
لائه خالص دى مش قوه شخصيه بالعكس احيان كتير جدا الصوت العالى بيدل على الضعف
بس قوه الشخصيه برجاحه العقل يعنى ننفذ اللى عاوزينه بس بحنكه بهدوئنا بالكلام الموزون
يعنى مش ساعه غضب اللى قدامك ونرفزته تحب تمشى رايك بل بالعكس حاولى تمتصى غضبه
وبعدين تحوليه لعتاب عليه وبعدين نفذى طلبك (دى سياستى)
طيب ازاى نفهم بناتنا كدا ونبنيهم على الاساس دا
ولابد الام تكون تتمتع بهذه الصفه حتى لو امام بناتها
لان البنت بتتعلم حياتها من امها
لازم اول حاجه تكون الام صديقه مقربه جدا لبنتها
وتعرف عنها كل حاجه
والبنت تحكيلها كل حاجه
طيب طبعا لما البنت بتغلط الام بتتنرفز وبتزعل وبتقولها
(مش انا قولتلك كدا ليه ماسمعتيش كلامى)
دى طبعا اكبر غلط الام بترتكبه
اكيد لما البنت غلطت افتكرت كل كلامك دا
فهى مش محتاجه تسمعه تانى
عارفه ليه؟
لان كدا بتحس انها لسه صغيره وماشيه على كلام مامتها
ومع الوقت ما بتبقاش حابه تتكلم تانى مع مامتها للاسف
لكن لو برجاحه العقل
كظمنا غيظنا وحاولنا نهدى
ونرد عليها وقولنا قدر الله ما شاء فعل
ربنا عمل كدا علشان تتعلمى
كدا كسبتيها ليكى اكتر بس طبعا مع عتاب بسيط
كدا هتفهم ومش هتحس انها لازم ما تغلطش علشان مامتها ماتعاقبهاش
كدا هتتعود ان ماتغلطش لان دا غلط
طيب انتى لو ام وشخصيتك ضعيفه
وطبعا خايفه بنوتك تبقى ذيك
ممكن تجربى كدا مره قولى لائه على حاجه انتى مش قادره او مش حابه تعمليها
ايه اللى هيحصل؟
رضيتى نفسك اول حاجه
ومش هيحصل حاجه تانى طبعا الدنيا مش هتتهد ولا هتقع
ولما ترضى نفسك كدا بتتدى دفعه لنفسك انك ممكن ماتعمليش حاجه غصب
وممكن تقولى لائه بس على حاجات مش عاوزاها مش على كل حاجه
كدا بجد بتنبى شخصيه
قويه فحكمه التعامل
قويه فالفهم
قويه فرجاحه العقل
قويه بفكرتها
قويه فالعطاء
قويه ان لما تكبر غيرها يتعلم منها
قويه علشان محدش يستغل ضعفها كانثى
اهم حاجه انها تبقى قويه
وقت تنفيذ رغبتها
دا من قراتى وباسلوبى
