ارنوبة تتمنى تبقى رشيقة (يومياتى للرجيم)

انا بعد ما تعبت من ضعف ارادتى كل شوية اعمل رجيم ومستمرش فقررت اشترك فى المنتدى عشان الاقى تشجيع واكتب يومياتى باستمرار واللى وصلتله ايه فى وزنى وتحقيق هدفى
هدفى يبقى جسمى مشدود ورشيق قبل جوازى اللى هو كمان شهور قليلة وعشان جوزى بقى ميبصش بره ولا حتى للتلفيزيون وخصوصا انه بيتفرج على اجنبى كتير وما ادراكم طبعا بالاجانب واجسامهم


اقر انا ارنوبة اليوم الموافق 24/9/2013 هو اول ايام رجيمى الذى سوف يستمر الا ان احقق هدفى ان شاء الله وهذا اقرار منى بذلك

وزنى 87 الان
وزنى المستهدف 70 او لغاية ما ارضى عن شكلى
الطول 163

الخطة
1- ماية بلمون الصبح على الريق
2- كوبين ماء قبل الفطار ب نص ساعة
3- فطار رغيف عيش صغير (زى بتاع سندوتشات الطعمية كده ) معمول من الرده + بيضة مسلوقة او جبنة قريش وممكن استبدل ده بكوب نسكافيه مع نص باكو بسكوت فيرى للتغير يعنى
4- الغداء اى حاجة متكونش مقلية ولا فيها دهون واقلل فى النشويات
5- العشاء فاكهة بس او كوب لبن
6- رياضة فى البيت على قد ما اقدر
7- بحاول ادور على جيم للبنات عشان التزم فى الرياضة

ادعولى يا بنااااااااااااااااات استمر بقى فى الرجيم وشجعونى كده والنهارده بليل هكتبلكم اذا حافظت على خطتتى ولا لا لاول يوم

الله يوفقك و ينولك اللي في بالك
الله يتمملك زواجك و تفرحي و تكوني احلى عروسة بالكوشة
مستنيين يومك اخر النهار

انا معك يا ارنوبة
بديت من اليوم

نفس الوزن بس انا هدفي الاول 75
و طولي 158

خلينا نشجع بعض طول الطريق

class="quote">اقتباس : المشاركة التي أضيفت بواسطة فاطمة عمران زكريا:
الله يوفقك و ينولك اللي في بالك
الله يتمملك زواجك و تفرحي و تكوني احلى عروسة بالكوشة
مستنيين يومك اخر النهار