أول دروسي في المنتدى لتعليم التطريز الفلسطيني
مجتمع رجيم / الكروشية والخياطة والتطريز
كتبت :
همس الذكريات
-
كيفكم يا أحلى عضوات
اليوم إن شاء الله رح أبدأ درس لتعليم التطريز الفلسطيني وأتمنى تفهمو من شرحي لأن هذا أول درس رح أعطيه
وان شاء الله تبدعو وتتعلمو مني
أول شي رح نبدأ بالأدوات اللي رح نحتاجها في التطريز
1- القماش اللازم للتطريز واسمو قماش الايتامين ومنه لونين ابيض وأسود
وهذي صورة قريبة للقماش
2- خيوط حرير من نوع DMC
3- إبر خاصة للتطريز تكون فتحتها أكبر من الإبر العادية
4- مقص
بعد ما تعرفنا على الأدوات اللازمة رح نبدأ درسنا
رح نبدأ شغلنا من جانب قطعة القماش وممكن من الوسط حسب الباترون الذي نريد تطريزه
رح ندخل الابرة في تقب القماش ونسحبها
مثل ما تلاحظو القماش مقسم لمربعات وهي المربعات رح نبني عليها الغرز ولاحظو في الصورة مكان دخول وخروج الابرة
وهذا شكل الغرزة بعد ما سحبنا الابرة
وهنا كملنا الغرزة الاولى
وهذا شكل الغرزة اللي عملناها
بعد ما عملنا اول غرزة رح نكمل ونعمل جنبها غرزة تانية
رح ندخل الابرة في المربع اللي جنب اول غرزة
متل ما انتو شايفين رح ندخل الابرة من عند الطرف العلوي للغرزة الاولى ونسحب الخيط رح يتكون عندنا نص الغرزة متل ما هو ظاهر بالصورة التالية
بعدين رح ندخل الابرة من عند الطرف السفلي للغرزة الاولى ونسحبو ورح يتكون عندنا الغرزة التانية
وبنفس الطريقة نكمل ونعمل عدد من الغرز
وبهيك بنكون تعلمنا نعمل سطر افقي من الغرز
------------------------------------------------------------------------------------------------------------------------------------------------------
بعد ما تعلمنا نعمل سطر افقي من الغرز رح نتعلم نعمل سطر عمودي من الغرز
اول شي رح نعمل نص غرزة متل ما انتو شايفين في الصورة
وطبعا ما رح نكمل ونعمل غرزة رح نعمل بشكل عمودي كمان نص غرزة
حتى نوصل للعدد اللي نريدو
بعدين رح نكمل ونعمل الغرزة ولاحظو في الصورة طريقة دخول الابرة في القماش
وهي شكل الغرزة بعد ما كملناها
وبنفس الطريقة نكمل الغرز التانية متل ما هو مبين بالصورة
وهي شكل الغرز بعد ما كملناها
وبهيك نكون تعلمنا نعمل عدد عمودي من الغرز
------------------------------------------------------------------------------------------------------------------------------------------------------
بعد ما تعلمنا نعمل سطر افقي وسطر عمودي رح نتعلم نعمل سطر مائل من الغرز
اول شي رح نعمل نصف غرزة متل ما تعلمنا
بعدين رح نكملها غرزة كاملة ولاحظو مكان دخول وخروج الابرة
لاحظو في الصورة مكان خروج الخيط
بعدين رح نكمل بنفس الطريقة
وبهيك نكون تعلمنا اساسيات فن التطريز وببعض التدريب والممارسة رح تقدرو تعملو شغلات حلوة وتبدعو في التطريز
ولكل انسان لمستو وذوقو
------------------------------------------------------------------------------------------------------------------------------------------------
وهنا مجموعة شغلات بسيطة قمت بتطريزها
وهنا مجموعة باترونات للتطريز
