السلام عليكم ورحمة الله وبركاتة
زي ماهو واضح بالعنوان ان الي اوزانهم 120 او اكثر تتفضل نبي نشوف لنا حل ونسوي يوميات ودايت
بهالفئه من الوزن الكبير حيث ان كتله الجسم دائما تكون 40 % مما يعني السمنة المفرطة او التي تسمى بالسمنه المميته
وهالوضع صعب لاشكل مقبول ولا قوه بدنيه والثقل بالقومه والجلسة وغير كلام الناس وتلميحاتهم تعبني هالشي نفسيا
ودي اني انحف لو على الاقل اوصل 100 كل ماجى احد يخطبني يعجبون بشكلي بس لمن يشوفون جسمي ينحاشون يقولون حلوه بس دوبة خخخخ
وهالموقف تكرر 8 مرات كل ماجى واحد يخطبني امه تشوفني تنحاش من سمنتي انا ماهمني الزواج قد امي تعبت نفسيتها ودها تتطمن علي
ومعاهم حق جسمي يوم شفت نفسي اخترعت كنت احسب وزني عادي وطبيعي شكله لذلك قررت اني اسوي يوميات
وان شاء الله ادمجها بالصور بس ودي احد يشجعني واتشجع معاه
وقررت اول دايت اسوية ريجيم الشوربة الحارقه وراح ابتدي من بكره الاربعاء 8-8-1431
وامشي 15 ساعه بالتدريج الين اوصل الى ساعه
والعب على الاوربتراك عشر دقايق
وارقص نص ساعه اذا ربي قدرني
مين حابة تشاركني تكفون ساعدوني
والله ان شكلي كارهته ومسبب لي ازمة نفسيه