مجتمع رجيمالمكياج و العناية بالجسم و الشعر والعطور

بشرتك والصيف هاااااااااااام يلا عشان نبقى قمرات

ياسمين حمدى 04:12 PM 04-11-2011
اذيكم يا حبايبى فى منتدى رجيم
النهارده حر اوى وطبعا مع دخول الصيف البشره بتتبهدل جامد عشان كده شوية نصايح كده
عالماشى تاخدوا بالكم منها
إتفق إخصائيو الأمراض الجلدية علي أن هناك عوامل معادية للبشرة يجب تجنبها حتي تحتفظ البشرة بجمالها ونعومتها ونضارتها وطراوتها‏,‏ ويأتي علي رأس هذه القائمة‏:‏

*‏ الصابون‏:‏ لأنه منظف عدواني يعمل علي إفساد الطبقة الخارجية الواقية للجلد‏,‏ ويضخ الشحوم والدهون إلي السطح‏,‏ لذلك ينصحون باستعمال منظفات البشرة الخالية من الصابون‏,‏ أو أي مستحضر لإزالة الماكياج‏.‏
‏*‏ القهوة‏:‏ لأنها تسبب اتساع المستم مما يجعل البشرة تسخن وتفرز العرق بكثرة فتهرب منها كمية الماء التي تحتاجها للحفاظ علي طراوتها‏,‏ لذلك ينصح المتخصصون بشرب كوب ماء بعد كل فنجان قهوة لتعويض الفاقد‏.‏

‏*‏ الشمس‏:‏ معروف عنها أنها العدو الأول للبشرة لأن الأشعة فوق البنفسيجية التي ترسلها تهاجم البشرة‏,‏ وتسبب جفافها‏,‏ لذلك ينصح المتخصصون وخبراء بيوت التجميل بضرورة استعمال مرطب للبشرة يحتوي علي عنصر لحمايتها من أشعة الشمس‏,‏ خاصة في فصل الصيف‏.‏

‏*‏ الحمام أو الدش الساخن‏:‏ لأنه يؤدي إلي تكسير طبقة الدهون التي تغطي الجلد‏,‏ وبالتالي يتسبب في جفافها‏,‏ لذلك ينصحون بضرورة ألا يستغرق الدش فترة طويلة‏,‏ مع أهمية الاستحمام بماء فاتر واستعمال كريم مرطب للجلد عقب التجفيف مباشرة‏,‏ علي ألا تتجاوز فترة التجفيف هذه ثلاث دقائق لأنها الفترة التي تسمح بتعويض أي فاقد أو تلف تحتاجه البشرة‏.‏

‏*‏ العرق‏:‏ من ألد أعداء البشرة لأنه يسبب جفافها‏,‏ لذلك يفضل أن تكون درجة حرارة الغرفة معتدلة لتجنب ارتفاع درجة حرارة الجسم التي تؤدي إلي إفراز كمية كبيرة من العرق‏.‏

‏*‏ نقص الماء‏:‏ يؤدي إلي جفاف البشرة‏,‏ ويساعد علي ظهور التجاعيد مبكرا لذلك ينصح المتخصصون بضرورة شرب كميات كبيرة من الماء خاصة في فصل الصيف لتعويض الفاقد‏,‏ وتناول أغذية تحتوي علي قدر كبير من الماء‏,‏ وأهمها الحمضيات الدهنية‏,‏ مثل الزيوت والأوميجا‏3‏ و‏6,‏ وفيتامينات أ‏.‏د‏.‏ب‏,‏ بالإضافة إلي مضادات الأكسدة‏


وعن تجربتى انا مع الصيف بحاول طول ما انا بره ابعد عن الشمس
وكمان بشرب عصاير طبيعيه فريش وخصوصا البرتقال والليمون باللبن (لذيذ موت) وكمان العصاير باللبن موز وتفاح وجوافه
شرب الميه كتييييييييييييييير اوى حطى زجاجه جنبك واحده عصير وواحده ميه واشربى طول الوقت
اغسلى وشك بالميه بس على الاقل مره كل ساعه عشان العرق والدهون ميطلعلكيش حبوب
الاستحمام على الاقل مره باليوم عشان جسمك كمان
السلطه فى الاكل عشان الفيتامينات
ابعدى عن الاكلات الى فيها دهون كتير عشان الحبوب
استعملى غسول كويس للبشره يوميا واى سؤال انا جاهزه
انا عندى نصايح كتير
بس اشوف الردود الحلوه منكم

mervat5 05:24 PM 04-11-2011
الموضوع حقيقى مهم جدا ولازم العناية بالبشرة بأستمرار حتى تكونى مشرقة دائمآ

تسلم الايادى
sa semsema 12:43 AM 04-12-2011
موضوع مميز من احلى ياسمينة

تسلمى ياغالية على الموضوع
أمة الرحمن 03:49 AM 04-12-2011
حبيبتى بما انك خبيرة تجميل يا ريت تقوليلى على غسول كويس انا بشرتى دهنية جدا وبعد ما استخدم الصابون بربع ساعة يرجع تانى كأن عليه زيت
والمسام الواسعة بقى حدث ولا حرج ومن كتر ما زهقت من متاعب بشرتى سيبتها خالص مبقتش استخدم غير الصابون وبس جالى احباط يعنى
شكرا ليكى
ياسمين حمدى 03:50 PM 04-13-2011
اولا شكرا لكل الى ردوا على الموضوع
وبجد نفسى افيدكوا اكتر
بالنسبه لسؤالك يا امة الرحمن
انا كمان بشرتى دهنيه جدا بس الحمد لله بالاهتمام بقدر احافظ عليها
انا بستعمل غسول الشاى لتنقية البشره من اوريفيليم حلو اوى
يوميا قبل النوم
غير كده يا حبيبتى انتى لازم تغسلى وشك كتير بس بالميه بس
كل ساعه كده
اشطفيه ونشفيه ولو تحطى ماء مورد كمان يا سلام
وكمان الصابونه كفايه مرتين الصبح وقبل النوم دى لازم جدا وعموما ان شاء الله انا هكتب موضوع عن البشره الدهنيه بس بطرق العنايه بيها ان شاء الله واى سؤال انا معاكم