تجربة بنوته مع زيت الزيتون .......لازم تستفيدوا منها
مجتمع رجيم / المكياج و العناية بالجسم و الشعر والعطور
كتبت :
ياسمين حمدى
-
اذيكم طبعا انا بحاول اكتب مواضيع كتير عشان تستفيدوا
اوعوا تتخنقوا منى
لحس ازعل اوىبما انى مبقاش ورايا حاجه من يوم ما اتخطبت غير انى اهتم بنفسى
عشان نعجب سى السيد
(بس طبعا مسموش سيد)قلت يلا افيد واستفاد وحبيت انقلكم التجربه دى يا رب تعجبكم
السلام عليكم ورحمة الله وبركاته
قريت كتير وسمعت اكتر عن زيت الزيتون وفوايده واللي شجعني حديث الرسول عليه الصلاة والسلام اننا ناكله وندهنه
فاتشجعت وقلت سنة وثواب واجر وبصراحة ماقريتش كتير ولا كان في دماغي اني عاوزة اتعالج بيه من الناحية الجمالية
فهقولكم تجربتي بالتفصيل وكمان المعلومات اللي قريتها عنه بعد كده واللي خليتني بدهنه كل يوم وان شاء الله عمري ما هستغنى عنه ابداااااااااااااا
تجربتي
انا بشرتي مختلطة يعني حته دهنية وحتة جافة واللاماكن الجافة في الشتا بتقشر والاماكن الدهنية في الصيف بتطلعلي حبوب
غير اثار الحبوب اللي لونها بني
كنت كل يوم قبل ما انام ادهن وشي كله وعنيا برموشي وشفايفي بزيت الزيتون (سواء للشعر او اللي بنجيبه للاكل المهم يكون نوع كويس)
وانام على طول
يعني كنت بحطه وانا قاعدة على السرير او ادهنه وانام على طول
لان الزيت ممكن يسيح ويدخل في عنيا فبيعملي زغلله
مع العلم ان حوالين عنيا تجاعيد كتير وثنايات كتير اوي بسبب ان عنيا ساعات بتحرقني او تاكلني فبدعك فيها جامد ومنظر عنيا كان مديني سن اكبر ومنظر مزعج جداااااااااا
فضلت حوالي اسبوع على هذا الحال
النتيجة:
لاحظت سبحان الله بعد 3ايام ان حوالين عنيا مشدودة بطريقة ملحوظة
وشي مشدود ومورد
شفايفي موردة وطرية
اثار الحبوب الغامقة ابتدت تختفي بشكل ملحوظ
اللهم لك الحمد يارب العالمين
المعلومات اللي قريتها لما عملت عنه بحث في جوجل:
هي معلومات كتير اووووووووي لكن هقولكم على المعلومات الخاصة بالبشرة والجسم لما بندهنه عليها
1_بيصل للطبقة العميقة للبشرة ويغذيها مع العلم ان هذه الطبقة لا يصل اليها الا غذاء الجسم فقط ولا يصل اليها الماسكات ولا الدهانات الخارجية
لكن سبحان الله زيت الزيتون بيوصلها
2_يقضي على التجاعيد الموجودة
3_يحارب التجاعيد قبل حدوثها فهو واق جيد جداااااااااااا
4_يعطي البشرة اللون الوردي والاحمرار
5_بديل طبيعي وآمن لمرطبات البشرة
6_يفضل وضعه على البشرة بعد التعرض للشمس لانه يزيل اي اثر ضار للشمس
7_وقبل اي فايدة فهو بركة وذكر في القرآن الكريم وامرنا حبيبنا النبي عليه افضل الصلاة والسلام بأكله ودهانه وكمان الرسول صلى الله عليه وسلم كان بيدهن بيه وجهه الكريم كل يوم يعني وضعه يكسبنا الحسنات
(سبحان الله )
وربنا يمتعنا بصحتنا وجمالنا طول عمرنا يارب
ويشفي كل مريض عاجلا غير اجلا يارب العالمين
