ازاى تحافظى على نضارة البشره فى الصيف

مجتمع رجيم / المكياج و العناية بالجسم و الشعر والعطور

كتبت : ياسمين حمدى

وحشتووووونى كالعاده
بصوا بقى الصيف داخل من اولها كده حر موووووووووت

وبعديييييييين بقى
الموضوع المره دى مش حوار ماسكات بس
انا هكرر الفكره دى تانى اوعوا تنشغلوا بالماسكات
وتنسوا اهم حاجه التغذيه
انا هعمل برنامج كده وتركزوا شويه
من رغى كالاتى

فى الصيف بالذااااااااااات
ابعدا على قدما تقدرو عن الوجبات السريعه الى فيها دهون كتير

وكتروا من الفاكهه جدا جدااااااااااااااااا

طيب عاوزين حاجات عملى بقى
الصبح كل يوم مع الفطار كده
كوباية عصير برتقال فريش بيتى +كبسولة فيتامين اى
من 8_12 كباية ميه وياسلام لو مورد كمان
طيب العصاير بقى المفيده فالصيف
اييييييييييييه هيه
عصير البرتقال الفريش
عصير الليمون باللبن
واى عصاير تانيه بتحبوها
كترى منهم مش اقل من نوعين عصير باليوم
مع كبسولة فيتامين اى كمان هنظبط الاداء
كمان اغسلى وشك كل ساعه عالاقل بالميه بس مش لازم صابون عشان العرق ميسببش حبوب
وحااااااجه كمان
السلطه الخضرا
طماطم وخيار وفلفل وخس وبقدونس (مهم جدا)وفلفل رومى وكل حاجه تنفع وشوية ليمون وملح وخل وكمون
لو فى اى واحده بتعمل حاجه كمان بخصوص التغذيه بالصيف يا ريت تقولها انا كتبت الى فاكراه واكيد لو افتكرت حاجه تانيه هكتبها
انا عايزاكم تكتبوا ورقه وتعلقوها فالدولاب وتكتبوا الحاجات الى مفروض تعملوها عشان مننساش حاجه
يلا ربنا معانا

كتبت : لؤلؤئة البحر

ديما مواضيعك جميلة ومفيدة وكلنا بنستفيد بس انا عندى استفسار بسيط
انا كنت سمعت دكتورة جلدية بتقول ان كتر غسيل الوجة بيقلل من نضارتها يعنى مش كل ساعة بيكفى بس كل ما تتوضى عشان الصلاة بس من غير صابون لان الصابون والمواد الى فية بتشيل الزيوت الطبيعية الموجودة فى البشرة وبالتالى بتفقد نضارتها مش عارفة بقى دة مظبوط ولا اية انا قلت اقلكم عشان لو حد عندة تصحيح للمعلومة دى يا ريت يفدنا كلنا

كتبت : ياسمين حمدى

بصى يا لؤلؤه الصابون مش اكتر من مرتين وكمان الصابون يكون طبى ونوع كويس
انا بقول ميه بس وللبشره الدهنيه عشان العرق عالوش غلط وكمان تشطفه مش غسيل ومكوى ههههههههههههه او حتى كل ما تحس انه عرقان وكمان انتى بالماسكات والكبسولات بترجعى الزيوت الى بتفقديها وكمان بالتغذيه ونورتى يا قمر اى اسئله انا معاكى

كتبت : لؤلؤئة البحر