مكرونة بشاميل بس دايت (من مطبخي)
مجتمع رجيم / أطباقنا الخاصة للرجيم
كتبت :
دينار
-
لاني من عشاق المكرونة البشاميل فكرة اعملها بس قليلة السعرات وصحية
ممكن تناولها في رجيم السعرات او البروتين او رجيم النقاط
وكذلك يمكن تناولها في نظام التخفيف اواليوم الفيري لو مش عاوزة تلخبطي تعالوا بينا نشوف الخطوات:
مكرونة يفضل مكرونة رجيم بس انا استخدمت مكرونة عادية
لحم مفروم حمرا قليلة الدسم
بصلة
زيت زيتون
فلفل اسمر وملح خفيف
الطريقة
نسلق المكرونة استخدمت كيس ونصف
في ماء وزيت
بعد كده تشطف للتخلص من النشا وتصفي
اللحمة نعصجها مع القليل جدا من زيت الزيتون والملح والفلفل
البشاميل
علي البارد وبدون اي دهون
نقلب 4 ملاعق دقيق
2كوب لبن خالي الدسم
مكعب مرقة
رشة فلفل اسود
نقلب بالمضرب اليدوي
ثم نضع الخليط علي النار الهادية ونقلب
نضرب بيضة مع فلفل اسود ونضيفها للبشاميل عندما يبرد
نضع المكرونة في حلة مع نصف كمية البشاميل ونقلب
نضع نصف كمية المكرونة في الصينية
وعليها اللحمة المفرومة ثم النصف الثاني وعليه باقي البشاميل
ندخل الصينية فرن ساخن علي الرف العلوي
وبالهنا والشفا
بجد خفيفة وجميلة واحلي من المكرونة العادية
وزوجي اكل منها وعجبته جدا ولما خلص اكل قلتله انها للدايت
لاتحرموني من ردودكم الجميلة