الى عندها خطوط بيضا تخش يلا سمسمه لقت الحل
مجتمع رجيم / الحمية و الرشاقة و الرجيم
كتبت :
ياسمين حمدى
-
اذيكم يا حلوييييييين وحشتونى جدا
احنا اتفقنا ان احنا هنظبط كل حاجه بقى فى جسمنا ووشنا
المهم المتابعه والصبببببببببببببببببببببببر
اى حد يحاول يحبطك ويقولك ان فى مشكله ملهاش حل متعبرهوش وطلعيله لسانك كمان
ده انا سمسم والاجر عالله
ههههههههه
نركز بقى الخطوط البيضا مشكله الحمد لله ليها حل بس الى عايزه فعلا تبقى حلو لازم تكمل الكورس للاخر سهل جدا
بس عايز صبر وانا طبعا بعمل معاكم
ومجرب
اول حاجه البن اكيد كلنا فالبيت عندنا بن بنشربه او حد فالبيت بيشربه بعد ما القهوه بتتشرب بيتفضل فى الاخر شويه تفل نصفيه من الميه خالص و نقعد نحوش التفل في كيس بلاستيك فى بس الاول خبر وحش هقولهولكو اننا هنضطر نجى على نفسنا شويه و للاسف هنستحما كل يوممعلش انا عارفه ان الصدمه كبيره بس هنعمل ايه ده امر الله ولازم نستحمل لان احنا لازم كل يوم نجيب بقايا البن دى و نبل جسمنا بميه دافيه لمده 5 دقايق عشان المسام تتفتح و بعدين نقفل الميه ونجيب البن و ندهنه على الماكن اللى فيها الخطوط ونجيب ليفه مغربيه او حجر خفاف انا بستخدم الحجر و ندعك بحركه دائريه المكان اللى فيه خطوط بس طبعا ندعك بالراحه عشان مش نتعور او الجلد يلتهب اوعى تنسى نفسك وتفتكرى انك ماسكه سجاده كل منطقه حوالى 2 او 3 دقايق لحد ماتحس انها احمرت سنه وده عشان اصلا الخطوط دى هى تليف للجلد يعنى الجلد ده ميت تخيلى انتى ماسكه كيس بلاستيك وفضلتى تشدى فيه هيظهر فيه خطوط فالجلد ده ميت و القهوه فيها كافين و حركه المساج بالبن بالحركه الدائريه دى بيحرك الدوره الدمويه فى الجلد بعد ماكانت وقفت فالخطوه دى مهمه اوى كل يومعشا الجلد يقدر يمتص الكريمات اللى هنحطها نيجى بقى للعلاج اللى هنستخدمه وده عباره عن كريم بانثينول مش مرهم وده ب 2.5وزيت جنين القمح من العطار والافضل يكون ماركه معروفه زى الكابتن من عند العطار وبرضه مش غالى هقولكونعمل بيهم ايه كل يوم بليل ندهن الكريم وبعدين الزيت و نحاول منلبس الهدوم علول عشان الجسم يمتصهم وياه بقى لو حطيتيهم بعد الدوش السخن والتدليك بالبن عشان المسام بتكون مفتوحه بعد مانخلص الدوش و احنا فى الحمام و البخار لسه موجد نحطهم وبس كده اناخلاص خلصت بس طبعا الكورس ده هنفضل عليه 2 او3 شهور وربنا يسهل معلش هوه طويل شويه بس والله حلو جدا وكمان احنا فالصيف براحتنا يعنى
وكمان بقى هوه غصب واقتدار يعنى نتفق مع بعض نمشى عليه
ما انا كمان عايزه الى يشجعنى وخصوصا ان هيه فعلا قلت
يلا مين هيبتدى معايا ونتابع مع بعض كده ونطمن على بعض انا مستنيه اهوه