ولا احلي حبيبتي المقرمشات دي عملتها علشانك
مجتمع رجيم / المعجنات وَ السندويشات
كتبت :
دينار
-
ملوكتي حبيبتي
انا عارفة انك بتذاكري اليومين دول ربنا معاكي انتي وكل الطلبة والطالبات اتمني لكم النجاح باعلي التقديراتعلشان كده عملتلك المقرمشات دي تاكليها وتركزي كده
الطريقة شفتها في برنامج لمارثا ستيوارث تحفة
عجبتني وكمان سهلة
كوب دقيق سميد
بودرة كاري معلقة كبيرة (ممكن اي نكهة مفضلة تضيفيها )
حبة البركة
ملح
معلقة كبيرة بيكنج بودر
ربع كوب زيت
ماء
نبدي نخلط الدقيق والبيكنج بودر والبودرة كاري مع الزيت
نضع الخليط في الكبة ونضيف شوية ماء ولو احتاجت نضيف تاني
عندما يتماسك العجين
نبدء نرش الرخامة دقيق مع حبة البركة
نفردها رفيعة خالص بالنشابة
ونقلب الوش التاني عشان حبة البركة تبقي من الناحيتين
نقطعها رفيع بالسكين وتكون متقاربة في الحجم والطول
وطبعا الشكل حسب ذوقك
ده شكل تاني اصغر وملفوف ندهن الوجه بالبيضة مربوب مع فلفل اسود
ندخلها فرن ساخن ونتابعها
ولما تبرد شوية نخرجها من الصينيةعشان متتكسرش
وبالف هنا
ايه رايك بقي ياولا احلي؟؟؟؟؟؟؟؟؟؟؟؟؟
ومعلش الصور طلعت صغيرة الموبايل عاوز يتظبط
انتوا كمان يابنات اتفضلوا دوقوا وقولوا رايكم!
انتظروني ان شاء الله هعملكم الباتون ساليه
