بليز ساعدونى بوصفة مجربه لمشكلتى

مجتمع رجيم / الحمية و الرشاقة و الرجيم

كتبت : ازيس

بنات بجد مش تبخلوا عليا بالمساعده لان جالى احباط من كتر المحاولات و الصبر
انا طولى 172 سم و وزنى الحالى 75 ك
المشكله ان وزنى متجمع فى النصف السفلى من جسمى و ده جايبلى احباط كبير جدا و مش بعرف البس اى حاجه
و وزنى بينزل بصعوبه جدا جدا لما زهقت من الحرمان و الرجيم و من كل حاجه
و دلوقتى انا محتاجه انزل على الاقل خمسه كيلو فى اسبوع لان عندى مناسبه و لازم اكون حاسه بالثقه فى جسمى و فى شكلى
فيا ريت اللى عندها وصفه سريعه جدا و مضمونه فى تسيح الدهون و تنزيل الوزن
يا ريت تفدنى بيها و ربنا يجزيها كل خير
و اكيد حدعلها على مساعدتها ليا
فيا ريت اللى يقدر يساعد مش يبخل

كتبت : ياسمين حمدى

بصى يا حبيبتى انا هقولك وصفه من تجربتى بتنزل فى المقاس جدا لانى كان عندى نفس المشكله بس دلوقتى الحمد لله بقيت متناسقه جدا
بصى حاولى تشربى قرفه من غير لبن ولا سكر على الاقل كبايه او اتنين
والعشا خليه زبادى بقرفه
ثانيا المنطقه الى عايزه تخسيسيها حطى عليها زيت زيتون وخل تفاح مخلوطين واعملى مساج خمس دقايق والبسى كيس وشورت ضيق عشان تعرقى وحاولى ترقصى او تشتغلى بس هدى حيلك عشان تعرقى جامد ده كل يوم طبعا وحاولى تبعدى عن الدهون وكلى سلطه كتير عشان وشك ميخسش وتبقى اموره كده وكلى بروكلى عشان بيخسس جدا حطيه فالسلطه حتى
يا رب اكون فيدتك بس انا خسيت جدا والجنزبيل برضه بيخسس

كتبت : ازيس

اكيد شكرا جدا لمساعدتك و اهتمامك بالرد
و القرفه انا بشربها كوبايا الصبح مع لنومه معصوره عليها
و ربنا بقى معايا و بالنسبة للخلطه بتاعة الزيت زتون فانا عمرى ما جربتها ححاول ابقى اعملها

كتبت : ـآم فيصل

مشكوره اختي ياسمين علي المساعده ماقصرتي

كتبت : ~ عبير الزهور ~

رجيم الجزء الأسفل من الجسم تخفيض المنطقة السفلىعدد الأيام 30 يوم
الفطور الغذاءالعشاء
اليوم الواحد
كوب من اللبن الحليب المنزوع الدسم،أو ثلاثة أرباع كوب نصف دسم
- تناول أي كمية من الشاي أو القهوة بدون سكر،مع إضافة القليل من الحليب من
الكمية المسموح بها يومياً
- شريحتان من الخبزالتوست، مع ثمرة طماطم وخيار، مع علبة سلمون بدون زيت
وكمية من السلطة 100 جرام "بيف برجر" منزوع الدسم، خضر، قطعة خبز مستديراسمر
سمكة" تراوت" مشوية، أومطهوة بالبخار محشوة، مع وحدات من الجمبرى وسلطة
175 جراماً من شرائح كبد عجل صغير "بتلو" مطهو، مع بصلة صغيرة وخضر
75 جراماً من شرائح لحم "بتلو" مع خضر
دجاج مطهو، كرات - ثمرة ليمون هندى "جريب فروت"
- قطع من الشمام
- مرقدجاج منزوع الدسم
- كوسة محشوة بالجمبرى
يمكن تناول نوع واحد من الفاكهةيوميا

قائمة الممنوعات
الأسماك الدهنية مثل سمك الماكريل والرنجة والسردين
والقراميط والمارجرين أو الزيت أو شحوم الحيوان، وكل الطعام
المحمرلحم الضأن أو أي دهون على اللحم

قائمة الممنوعات الزبد والقشدة واللبن والحليب الكامل الدسم والجبن عامة، ما
عدا الجبن القريش، وصفار البيض كل أنواع المكسرات واللب أيضاًو الشيكولاتة
والتوفى والكيك والبسكويت والجاتوه
يعتمد تخفيض المنطقةالسفلى من الجسم على ممارسة الرياضة مثل المشي وتخفيض
الدهون في الجسم ويأتي ذلك بالتوقف الكامل من تناول الدهون لفترة طويلة يمكن
البدء بتجربة تغيير نمط الأكل بدون دهون لفترة شهر كامل لتلاحظي الفرق
ان شاء الله افدتك

بليز ساعدونى بوصفة مجربه لمشكلتى

مجتمع رجيم / الحمية و الرشاقة و الرجيم

ابشركم نزلت 70 كيلو في 9 اشهر

فوائد نط الحبل للنساء