فعلا الدعاء بيغير القدر شوفوا ما حدث لى

مجتمع رجيم / مقهى وردات رجيم
كتبت : رقة زمان
-
اذيكم يا اغلى الناس على قلبى وحشتونى جدا جدا معلش انى مش بدخل كتييير غصب عنى مشغولة جدا فى البت خاصة بعد انتهاء اجازتى الخاصة و عودتى للعمل و كمان كنت مسافرة من كام يومو مسافرة دى بقى هى قصتى اللى هحكيلكم عليها
يوم الجمعة سافرت انا و زوجى و ولادى فى فسحة فى فندق جراند بيراميدز فى المريوطية فى الهرم المهم فى يوم السفر و انا خارجة من البت انتابانى شعور معرفتش تفسيرة المهم وصلنا الفندق و ولادى طبعا ما صدقوا لقيوا البسين و طالعوا الاوضة اللى نزلين فيها غيروا هدومهم و لبسوا مايوهات و الله يا بنا لبسوا اسرع من البرق و انا كنت عندى برد و قولت لبباهم انزل انتى و هو مرضيش و قالى انزلى و انا هريح من السفر شوية
المهم نزلنا و الولاد طبعا جرى على البسين بس هما للاسف مرحوش بتاع الاطفال راحوا الكبار بسنزلو فى الاقل عمق و كان فى حبل فاصل بين مكانهم و مكان الارتفاع الاكبر المهم لعبوا شوية فى الماية و انا كنت جالسة فى التربيزة اللى قدامهم و فاجاة لقيت عمر ابنى بيصرخ و يقول زياد اخويا بيغرق اتارى زياد سرح و راح عند الارتفاع الاكبر طبعا انا بلا وعى جريت و رميت نفسى فى الماية و انا مبعرفش اعوم خالص و بخاف من الماية العميقة جدا بس احساس سريع انى ممكن انقذ زياد و لقيت نفسى بنزل براسى لتحت و حسيت انى بغرق بجد و قولت فى نفسى يارب يتلخموا عنى و ينقذوا زياد و فى لمح البصر لقيت نفسبستسلم للموت و جالى يقين انى بموت فعلا و قولت الشهادة و و قولت انا هقول اذكار لحين طلوع الروح طبعا بقلبى لانى مشهينفع افتح فمى من الماية و فجاة لقيت حاجة بتقولى حركى ايدك و اكنك بتعمومى و فعلا و لقيت واحد بيشدنى و بيقولى هاتى ايدك هو المنقذ و طلعت و سالت طبعا على ابنى اكدوا لى انة طلع فى لحظة ما انا نطيت فى الماية
الغريب يا بنات انى قبلها باسبوع لقيت نفسى صاحية من النوم بقول لنفسى معقولة هموت و انا فى بطنى بيبى مع انى مش حامل بس لية قولت كدة معرفش
و قبل السفر بيوم حسيت ان تفكيرى فى السفر مرتبط بخوف شديد
و الله يا بنات انا وانا بقفل باب شقتى قبل السفر الاحساس اللى حسيتة انى مش هرجع
و الله الدعاءغير القدر و كنت هموت فعلا
طبعا بتقولوا اية الرغاية دى هههههه معلش اصلى بحبكم و حبيت احكى بالتفصيل
احبكم فى الله
كتبت : مامت توتا
-
الف سلامه عليكى يا سلوى وعلى عمر ابنك
ربنا يحفظه من كل شر وسوء
ويخليكى ليهم ويخليهم ليكى
ولاتنحرموا من بعضكم ابدا
والهى يا رقه انا قلبى انخلع منى
مشهد لا يصدقه عقل حمدلله على سلامتكم وربنا فى الوقت معكى
انتى وابنك يا ستار يارب
يارب ابعد عنهم كل ماهو مكروه
كتبت : كلمة صدق
-
الف حمد لله على سلامتك وعلى سلامة زياد ..
وربنا يبعد عنك وعن اولادك كل شر ..
كتبت : عقد الورد
-
بسم الله عليكم

الله يحميكم يارب من كل شر ومكروه وشر يارب العالمين


والله يحميكم يارب

وتفائلي بالله خير ياعمري
كتبت : ღ♥ بسمة الحياة ღ♥
-
الف سلامه لك ولا بنك
ربني يحفظكم من كل شر وسوء

والاستوادع اثره عجيب كل يوم وليله استودعي الله اولادك ونفسك وبيتك ودينك وامانتك

كتبت : ام حنين 1981
-
والله يارقه وجعتي قلبي
الحمدلله على سلامتك وسلامة ابنك
ربنا يحفظكم ويبعد عنكم كل شر
تعرفي يارقه اناعندي يقين ان الدعاء والصدقه بيمنعوا عنا وعن ولادنا مخاطر كثير
الدعاء فعلا بيرد القدر بأمر الله

حقولك على حاجه علمهالي زوجي وهي في البدايه متعبه وبتتعب القلب بس بعدين بتعرفي قيمتها
علمني ان اخلي الاولاد يزعلوا ويبكوا من غير الم احسن مايبكوا من الالم
يعني امنع اولادي عن حاجه عايزنها لو حتى في احتمال واحد في الميه انهم يتئذوا واخليهم زعلانين مني بدل مااوافق عليهم ويحصلهم حاجه لاقدر الله

معلش انااللي رغيت كثير
المهم الف الحمدلله على سلامتكم
وربنا يخليكم لبعض يارب
الصفحات 1 2  3 

التالي

حين يتحدث الدمع

السابق

شخصيتك من ردودك .. تعالي واكتشفي نفسك ههههه

كلمات ذات علاقة
ما , لي , الدعاء , القدر , تحظير , يجب , شوفوا , فعلا