شوفوا العك والتخبيص بس حلو يا أفكارك يا مامي نور
مجتمع رجيم / المعجنات و الحلويات
كتبت :
مامي نور
-
السلام عليكم ورحمة الله
كيفكم يا بنااات؟
كيفكم يا بنااات؟
آآآه لو تعرفوا اديش اليوم كان يوم صعب كتييير
اغتنمت الفرصة وإنو زوجي مش بالبيت وبدأت بصنع الكرواسون
على أساس كرواسون هههههههههه
بس انتهينا بنوع من الحلويات
شفت وصفة كرواسون بس البنوتة اللي كاتبة الموضوعة نسيت تقول إنو لازم نحطلو حليب
وطلعت معي عجينة بسكويت بعد كم ساعة من التعب والعناء
بس رب ضارة نافعة
قعدت عمإندب حظي وفكر شو بدي أعمل بالعجين اللي فشل معي
المهم قلت بلا ما قاعد اندب حظي وإبكي على الأطلال خليني جرب وشوف
فكرت فكرت فكرت
بعدين طلع معي فكرة روووعة كان جاية عبالي جاتو الميلفوي بس ما بعرف طريقتو وأصلا لو بعرفا انا خايفة جرب
واتعقدت من التجارب
المهم حطيت قطعة من هالعجينة بصينية خبزتا بالفرن
رجعت حطيت كمان وحدة تانية وخبزتا
عملت كريم باتسيير حطيتا بالنص وعملت سكر متكرمل عملتو
مع سكر مطحون ورجعت حطيت القسم التاني من العجنة وحطيت كمان طبقة من الكريم باتسيير بعدين سكر مكرمل
بعدين سكر أبيض وطلع وااااو
إذا بدكون التفاصيل إليكم التالي :(بعد التعديل)
3 كوب دقيق أبيض
300 غرام تقريبا زبدة
1 ملعقة بايكينغ باودر
حطي فانيليا
وكوب ونص سكر
وصفارين بيض
نعجنهم مع بعض جيدا ونقسمهم قسمين ونخبزهم بالفرن على حرارة 180 درجة بمنتصف الفرن .
الكريم باتسيير :
3 كوب حليب
3 ملاعق طعام دقيق
3 ملاعق سكر
1 بيضة
فانيليا
شوية سكر متكرمل
يخلطوا مع بعضهم حتى الغليان والتماسك.