إذا مقاسك 37 أنصحك تاخذ 47
مجتمع رجيم / الموضوعات المميزه فى ساحة مرح
كتبت :
انتظـــــار
-
بسم الله ..
مدري هالقصه ازريت لا الاقي لها عنوان
مدري شسميها !
هي فشله هو احرااااج هي طيحة وجه
كلها اجتمعت مع بعض ..
لكن قررت اسميها بهالعنوان اللي انتو شايفينه وبتعرفون ليش هاع
.
.
ابحكيكم عن موقف صار مع (طآل عمري) = أنـآ
المكان : واحد من هالمطارات اللي بامريكا
.
.
السالفه ب اختصاااار ..
في احد الايااام الجميله كان عندنا رحله من قطر لـ (امريكا)
طبعا مده الرحله 16 ساااااعه للاسف (دايركت)
يقطع ابو الزهق ياشيييخ اللي بتحسه في الطياره ..
احس يمديك تختم القران ان شالله ..
.. ويمديك تقشر كرتون بطاطس وبصل
يمديك تناااااام وتشبع نووووم وتقوم ولسه ماوصلت !!
يمديييييييك تسووولف قصه حياتك كامله .. وتخلص قصتك وانت لسه ناشب في الجو ماوصلت !!
يمدي سوالف الدنيا تخلص وانت لاتزال فوق معلق بين السماء والارض ..
ياعمي اوقات تظطر تكذب وتبدى تطلع صواريخ وارانب .. لانك متورط ماعاد عندك شي تقوله فـ تظطر تكذب عشان تلقى شي تسولف فيه..
وبرضووو انت لازلت فوووق !!
طيب وش الحل ؟
ممممممم ياخي ورى مايلاقون طريقه يقصرون وقت الرحله !!
يارب اليابان تشد حيلها شوي >> متكلين على الله ثم على اختراعات هاليابانيين
والله كود يلاقون شي يقلص الوقت وبدون اي خسائر
المهم
ركبت السنيوره الاميره الطياره ..
على فكره اخر وحده ركبت الطياره هي انا
على بالي بهالطريقه اني بختصر ال16 ساعه مثلا
ركبنا ..
طبعا فيه مخدات وبلانكات عساس ترقد مرقد العافيه طول فتره الرحله ..
قلنا بسم الله
واقلعنااااااااا
وخذيت المخده وتلحفت وفسخت الجزمه >> خذت راحتها عالاخر
المهم فسخت الجزمه عز الله القارئ .. و تقلصت ونمت .. >> كونآان
والله ياهي اشكال في الطياره وهي نايمه من جد تححححف
عاد طيارتنا كانت كلها بو هنود
وش هالهنود الكشخه اللي رايحين امريكا ياحليلهم .. والله ..
المهم ..
مرت ساعه / ساعتين / ثلاث / اربع / خمس
لاحوووووول ولا قوة الا بالله ابغا ادور لي شي اسويييييييييه
ودي اقلط مع المضيفات اسولف معاهم
ياخي ما احب احس بالتوحد
16 ساعه وانا ساكته ! والله مايصير ! >> ماتتحمل
المهم
فيه افلام في الطياره طبعا يمديك تنقي لك فيلم وتتابع ..
بس مااااش اغلبها افلام نص كم استغفر الله
وين يجي لك قلب تتابع فيلم زي دكان شحاته وانت معلق بين ارض الله وسماه .. تحس الواحد مايضمن .. نسأل الله حسن الخاتمه بس ..
انا يقهرني في الطياره شي ..!
غير انهم ماعندهم ديو طبعآ ..
لا لا فيه شي ثاني