مجتمع رجيمالموضوعات المميزه فى ساحة مرح

إذا مقاسك 37 أنصحك تاخذ 47




بسم الله ..


مدري هالقصه ازريت لا الاقي لها عنوان

مدري شسميها !

هي فشله هو احرااااج هي طيحة وجه

كلها اجتمعت مع بعض ..

لكن قررت اسميها بهالعنوان اللي انتو شايفينه وبتعرفون ليش هاع
.
.

ابحكيكم عن موقف صار مع (طآل عمري) = أنـآ

المكان : واحد من هالمطارات اللي بامريكا
.

.

السالفه ب اختصاااار ..


في احد الايااام الجميله كان عندنا رحله من قطر لـ (امريكا)

طبعا مده الرحله 16 ساااااعه للاسف (دايركت)


يقطع ابو الزهق ياشيييخ اللي بتحسه في الطياره ..

احس يمديك تختم القران ان شالله ..

.. ويمديك تقشر كرتون بطاطس وبصل

يمديك تناااااام وتشبع نووووم وتقوم ولسه ماوصلت !!

يمديييييييك تسووولف قصه حياتك كامله .. وتخلص قصتك وانت لسه ناشب في الجو ماوصلت !!

يمدي سوالف الدنيا تخلص وانت لاتزال فوق معلق بين السماء والارض ..

ياعمي اوقات تظطر تكذب وتبدى تطلع صواريخ وارانب .. لانك متورط ماعاد عندك شي تقوله فـ تظطر تكذب عشان تلقى شي تسولف فيه..

وبرضووو انت لازلت فوووق !!


طيب وش الحل ؟

ممممممم ياخي ورى مايلاقون طريقه يقصرون وقت الرحله !!

يارب اليابان تشد حيلها شوي >> متكلين على الله ثم على اختراعات هاليابانيين

والله كود يلاقون شي يقلص الوقت وبدون اي خسائر

المهم

ركبت السنيوره الاميره الطياره ..

على فكره اخر وحده ركبت الطياره هي انا

على بالي بهالطريقه اني بختصر ال16 ساعه مثلا



ركبنا ..

طبعا فيه مخدات وبلانكات عساس ترقد مرقد العافيه طول فتره الرحله ..

قلنا بسم الله

واقلعنااااااااا

وخذيت المخده وتلحفت وفسخت الجزمه >> خذت راحتها عالاخر

المهم فسخت الجزمه عز الله القارئ .. و تقلصت ونمت .. >> كونآان

والله ياهي اشكال في الطياره وهي نايمه من جد تححححف

عاد طيارتنا كانت كلها بو هنود
وش هالهنود الكشخه اللي رايحين امريكا ياحليلهم .. والله ..

المهم ..


مرت ساعه / ساعتين / ثلاث / اربع / خمس

لاحوووووول ولا قوة الا بالله ابغا ادور لي شي اسويييييييييه

ودي اقلط مع المضيفات اسولف معاهم

ياخي ما احب احس بالتوحد

16 ساعه وانا ساكته ! والله مايصير ! >> ماتتحمل

المهم




فيه افلام في الطياره طبعا يمديك تنقي لك فيلم وتتابع ..



بس مااااش اغلبها افلام نص كم استغفر الله
وين يجي لك قلب تتابع فيلم زي دكان شحاته وانت معلق بين ارض الله وسماه .. تحس الواحد مايضمن .. نسأل الله حسن الخاتمه بس ..



انا يقهرني في الطياره شي ..!



غير انهم ماعندهم ديو طبعآ ..
لا لا فيه شي ثاني



تقهرني المضيفه / او المضيف ..




ذاك اللي مسئؤل يفتح المايك ويحاكي الركاب



(حضراتي الركاب المرجو منكم الالتزام في مقاعدكم ... الخ)



يعني الله يهديك وين نبي نروووووح !! شايف فيه جاكوزي في الطياره بنطب فيه مثلا !!



والله كلنا منثبرين وقاعدين مايحتاااج تقول هالمعلومه


لا واللي يقققققققهرني داايم يحكي بصوت مدري وش يبي



احسه منبطح على بطنه ورافع ارجوله يحركهم ويحاكينا !!



صوووووووووته وااااااااااااااااااااااطي



..



مرت ساعات وساعااات طويلاااااااااااااااه




وبعد 16 سآعه ..




والحمدلله اخيرا جا وقت الهبووووووط ..



انا اول من نقز طبعآ بسم الله علي .. من سمعتهم يقولون استعدوو للهبوط وانا مجهزه العفش



استعدينا ضبينا اغراضنا ..



والكارثه تقع هنــآآ ...




وانا الم الاغراض ياربي احس فيه شي غريب !!






جيت ادور جزمتي / جزمة سندريلا ..



مستعجله ..



واخيرا لقيتها ..



قعدت عشان البسها ..




لا لا لا ما اصصصصدق !!




وش بلاها ماتدخل برجووولي : |



ياهووووووه والله متأكده انها جزمتي !!



احاول منا منااااااااك مافي امل ياشيييييييخ مررررررره صغيره




طاالعت فيها .. قلت ياولد لايكوني غلطانه ماهيب جزمتي !!




الا وقسسسم انها جزمتي !! ياااااااربي شسالفه " "!!



واااحليلي اثاري ارجوولي مسكينه من طول مسافة الرحله تورمت
وخبركم الضغط فوق يقل وكيذا يعني مسائل فيزيائيه أدت الى ان جزمتي صارت ماتدخل برجولي !!



طيب الحين شلووون !!



وش الدبره ياولد !! الركاب كلهم نزلو وانا جالسه احاول بالجزمه تخش برجولي



والله مافي املي تجي ب اصبعي الصغير



رجوولي غدت كنهاا بنطاد ..



ياليييييييل الحين وين اودي وجهي وش اسوووووووووي؟؟



انزل مطار هيوستن حافيه !! لا لا




وش يقولون عنا الامريكان



بيقولون العرب ماعندهم جزم !!



ااااااااااااااااه لاااااااااااااااا



المشكله كانت تمطر وقتها ..



عاد قررت انزل بعد وش اسوي !



نزلت حافيه




والله كان ناقصني كاضم الساهر يجي يغني لي حافية القدمين على ذا المطر والجو .. حسيت اني اصور كليب ..



ودخلت المطار وااخزياااااه كيف كان شكلي .. وحده حافيه وتمشي وهي تعرج من ارجولها التعبانه
وشايله جزمتها بيدها .. ابووووووووو الاحسااااااااااس ياااشيخ



تمنيت عندي صبغ اسود واصبغ وجهي كود يفكروني سيلانيه



ومايشرهون



يعني عشان لاحد يقول السعوديين ماعندهم جزم !!



طبعا زوجي وقتها تبرى مني صار يمشي بسرعه عشان لا امشي جنبه >> ماله خوي



يمشي يمشي وانا الاحقه بخطوات كبيره واعرج ..



واااااااااالله الم قسم بالله رجولي كلها مويه ههههه>> على هالوصف حسيت اني الـوآيت حق المويه ذاك


احس لو بجيب ابره واغزها بـتفش وتقوم تخرخر !!



وهكذا تسكعت في المطار حافيه .. لا وياليت مطار واحد بعد ..



كان فيه رحله ثانيه بعدها بساعتين لمدينتا اللي حنا فيها ..



رجعنا ركبنا الطياره مره ثانيه ساعتين


ياليل مطولك خفت بعد لا ارجولي تنفقع من جد ..



وبس هع ..




هذي السالفه



مايستفاد من القصه :



1 عزيزي المسافر .. اذا مقاسك 37 انصحك تاخذ 47 لعدم اراقة ماء الوجه في المطار احسب حساب البنطاد اللي بينتفخ



2 لازالو العرب في انتظار اختراع اليابان لـ تقليص مسافة السفر ..



3 واهم شي ترى السعوديين والله عندهم جزم ..




وشكرا ..
طووط انتهى
هههههههههههههههههههههههههههههههههههههههههههههههههه هه

ضحكتيني ربي يسعدك
بطني وجعني من كتر الضحك
هههههههههههه
موقف لا تنحسدي عليه
بس دمك عسللللللللللللل والله
احلى تقييم مني ليكي
راح روح جيب لك وسام عهالموضوع المميز
هههههههههههههههههههههههه
اضحك الله سنك
وتستاهلي التقييم
الحمد لله
من زماااان ماضحكت من جد
توني اشاهد طاش ماطاش وضحكت عليهم شوي
وجيت شفت موضوعك وانهبلت ضحك
صار لي هالموقف روحتي ماليزيا شهر العسل مع ان المسافة اقصر ..كانت حول 78 ساعات وانتفخت رجلي بس بعد المحاولات دخلت ومامشيت حافيه ههههههه
بس بصراحة دمك عسل واخف واحلى من العسل
من جد ماشاء الله عليكي ضحكتيييييني لين وجعني بطني ..الله يسعدك والله من زمان ماضحكت بجد حتى النكت ماعاد تضحكني ..الله يضحك سنك ومرة ثانية اما شيلي مقاس اكبر او لا تشيلين الجزمة لوووول
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههه
هههههههههههههههههههههههههههههههههههههههههههههه
الله يسعدك و الله مسافه طويله خخخخخخخخخخخخخخخخخخخخخخ
شكرن على النصيحه
1 2  3  4  ... الأخيرة