مجتمع رجيمالحمية و الرشاقة و الرجيم

من 108.8 الى 97 بشهر واسبوع....باركولى وادعولى اكمل

السلام عليكم يا بنات رجيم الجميلات انا سالى عضوه قديمه هنا بس مش بدخل كتير المهم دخلت اكتب قصتى يمكن حد يستفيد ويدعيلى براحة البال والسعاده
انا يا بنات كان وزنى 108.8 من 5 اسابيع بس والحمد لله دلوقتى 97 الف حمد وشكر ليك يارب
احكيلكم عملت ايه جربت كتير ولفيت على دكاتره كتير ودفعت فلوس بالعبيط ولا فى فايده المهم كرهت حالى ومكنتش بعرف البس حاجه خالص وانا اصلا مليش فجو العبايات وكده وبحب البس كاجوال فاخدت قرار انى لازم اخس لانى لاحظت ان حتى العبايات با شكلها وحش مع الطخن وقررت انى امشى مع نفسى ومع تجارب الناس حواليا وعالنت والحمد لله مرتاحه جدا
انا اول شهر عملت فيه الدايت بتاع الدكتور اسامه حمدى ونزلت عليه 10 كيلو والاتنين كيلو التانين خسيتهم بطريقه غريبه شويه تقريبا رجيم من تاليفى بس ارتحت فيه جداااااااااا وهو فطار وعشا كوب لبن يابالقرفه يا بالنسكافيه يا بشاى والغداء خس وخيار سلطه يعنى بس اغلب الوقت كنت مش بكون جعانه يدوب خستين صغيرين وبشبع وان شاء الله هاخد اجازه بكره الاربعاء 4 مايو وهكمل من الخميس ناويه اعمل رجيم الايس كريم وهخلصه وهكتبلكم النتايج فالموضوع هنا ان شاء الله
ادعولى بس ربنا يثبتنى وكمان لعبت رياضه ف اخر اسبوع بس 3 حصص فالاسبوع كل حصه عباره عن 20 دقيقه سير و20 دقيقه جهاز الفيبريشين وعجله وتمارين اكتاف وناويه اكمل فالرياضه ان شاء الله
على فكره انا خسيت 12 كيلو بس بانو ف شكل جسمى اوى وكل اللى بيشوفنى بيقولى انتى خسيتى واللى احسن من كده كمان ان لبسى كله باظ الحمد لله انو باظ ههههههههههههههههه ان شاء الله ناويه اكمل لحد ما اوصل لل 70 لان انا طولى 170 ادعولى انتو بس ويارب ينول كل واحده فيكم اللى فبالها يارب
انا عندى 26 سنه ونص ومتجوزه من 6 سنين وبشتغل فخدمة العملاء فشركه ومش معايا ولاد ادعولى بالهدايه وبالتوفيق

على فكره اى سوال انا تحت امركم
ما شاء الله عليكي
الله يتم عليكي الخير والبركة والصحة والارادة القوية
ربنا يكملك على خير

مبرؤووووكـ النزؤول خيتوؤؤؤ و عقبال ماتوصلي وزنك المثالي يارب
يعني انتي خسيتي 10 كيلو بالرجيم الكيميائي ؟؟
انا محتارهـ بصصراحهت اسويه ولا لا
لانهم كلهم يسبونه ويقولون انه يسبب مششاكل في الكبد
الف مبروك ياقمر
ويارب توصلى لوزنك المثالى بالصحة والعافية
بسم الله ماشاء الله عليكي واكيد الفرحة الاكبر ان وزنك بقي من رقمين بدل 3 ارقام
ولو ناوية تمشي عيل رجيم الايس كريم
احسن حاجة تعمليه في البيت بلبن خالي الدسم وسكر دايت وبلاش البيض
1 2