مجتمع رجيمالحمية و الرشاقة و الرجيم

فضفضة عن الريجيم

مشكورة دبدوبة سمراء لردودك

وان شاء الله بتوصلي للوزن الذي تحلمين به وبتغيري اسمك من دبدوبة لفراشة من الرشاقة وخفة الحركة
ندى تسلمي الله يسمع منك
العفو أختي وكل شئ ممكن مع الارادة والعزيمة باذن الله
يحبيلي لهالمواضيع..تخليكي تحسي أنك مو وحيدة وأننا في الهوا سوا...وإن شاء الله نتخلص من الأوزان الزائدة سوا..

أجاوب على الأسئلة..



1- ما الذي يجعلك تأكلين كثيرا هل هو الحزن أو الفرح أو الملل أو هروب من مشاكلك أو الجوع أو غيرها من الأسباب ؟




الملل أكبر أكبر أكبر سبب..يعني مثلا أكون طفشانة..أجلس أفكر..ممم..أمسك اللاب ولا آكل..يعني خيار الأكل موجود في أي وقت أحس بالملل فيه..

يعني أحس عموما..لو نخلي الأكل شي ثانوي في حياتنا ونطبق القاعدة الرائعة (نأكل لنعيش..لانعيش لنأكل)..وخلينا حياتنا مليانة نشاطات..ماكان سار الأكل هاجس عندنا وأول أولوياتنا!








2- ما هو الطعام الذي يعتبر نقطة الضعف عندك ولا يمكنك مقاومته؟




أنا أكثر مخلوقة مزاجية في الأكل!!..يعني مافي أكل بحد ذاته ما أقدر أقاومه..يعني مثلا فجأة أطيح على شبس الكاتشب...وخلاص راح أموت..راح أنجن إن ماأكلته الأن الأن..وراح أكتئب وأعصب..وأحيان الحمص ياوييييلي إذا ماجبتولي حمص الأن الأن راح أموت كمدا وغيظا وحزنا..وأحيان زبدة الفول السوداني..وترا مو دايما أطيح على أكلات مو صحية أحيانا أطيح على الصحية يعني مثلا (الضولمة) وهي أكلة عراقية...وأحيانا سمك سالمون!!!!وأحيانا اسكريم فانيليا...وأحيانا شابورة!!...يعني آكل عشر آلاف شابورة في اليوم..وعلى فكرة بعد ماتمر هالفترة بخير...أصير أكررررررره هالأكلة (الله يكرم النعمة)....إش رايكم بس؟







3- ماهي المواقف التي تعرضتي لها أثناء سمنتك ضايقتك وجعلك تقررين النزول؟



مره كنت نايمة عند بنت خالي ولابسة بلوزة استرتش (جد ماأستحي على وجهي دبدوبةولابسة سترتش وأبشركم تراه أحمرررر)..وهي جالسة تستهبل وتآذي وتعاملني كأني بيبي يعني تقلي أغغغغه..وتضحك..وأنا أعصب منها..فقامت طالعت في بطني وقالت ياسلام بيبي وعندها كرشة!! (طبعا هي قالتها بحبية وأنا برضو تقبلتها بحبية لكن من ذاك اليوم وأنا مصرة زيادة أني أنحف)








4-ما هو الريجيم الذي برأيك أفضل ريجيم عرفتيه؟



صراحة..أنا حاليا بسوي رجيم عشان عندي طن مناسبات بعد فترة..لكن عندي قاعدة..مادام ماوصلتي للسمنة المرضية..أحسن شي في الحياة أن تخلي الأكل شي ثانوي في حياتك وتطبقي القاعدة اللي سبق وذكرتها..وتتعودي أنك تحبي أو بالأصح تعشقي الأكل الصحي..وتصيري تقدري جسمك وماتدخلي أي شي يسمى أكل وهو في الأساس بلوة..وتخففي عموما في أكلك...وآخر شي إنك تسوي رياضة (تحبيها) مدى الحياة









5- ما الوزن الذي تحلمين الوصول له؟



50 أو 48 والثاني أفضل لأني قصيرة والحمدلله ^_^








6- ما أكثر ما تكرهينه بسمنتك أهو الشكل أم قلة الحركة أم عدم وجود ملابس تناسبك أم الخوف على صحتك أو أسباب أخرى ثانية أتمنى ذكرها ؟



والله الصحة مهمة..لكن بما أننا لسى شابات ماعرفنا قيمتها..فمو هي الشي اللي عاملي هاجس..يعني باختصار (عمري ماعرفت أختصر) الشكل هو أكثر شي أكرهه








7- ما الذي تعتبرينه السبب في زيادة وزنك وسبب سمنتك؟



أني ماأطبق القاعدة اللي سبق (مرتين ^_^) وذكرتها...وكثرة الجلوس عاللابتوب (هذي تحتها 55 خط!)








8- أخيرا ما النصيحة التي تنصحيها لكل أخت تريد تخفيف وزنها؟



تطبق القاعدة اللي ذكرتها (ثلاث مرات) فوق!!!
الملل هو الي يخليني اكل واناانسانه احب الاكل حيل وجسمي موحلو من السمنه حتا زوجي يعلق علي موعاجبه جسمي المهم عاهدت نفسي أني ابدا بدايه صاح ودي أوصل 61 هذا حلمي تكفون ادعولي
الاخت رشاقة دائمة سعدت كثيرا بمشاركتك وكلامك صحيح ونصائح جميلة

ان شاء الله توصلي للوزن المثالي وتنعمين بالرشاقة دائما

وان شاء الله أختي فتومة بتوصلي لهدفك قريبا الموضوع محتاج ارادة وعزيمة

وأنا ضعفت 16 كيلو والحمدلله غيرت اسلوب حياتي للأفضل وكل شئ ممكن ما دام فيه نية واصرار بالتوفيق للجميع
1  2  3