صحية جدا طبق لذيذ لذيذ وصحى وانا متأكدة انه هايعجبكم بتبصولى كدة ليه ايوة مسقعة بطريقة صحية وعلى فكرة انا بغير فترات الرجيم مش باكل المسقعة غير بالطريقة دى لأن طعمها بيكون احلى ومافيش زيوت ومابتتعبش البطن خالص وبطريقة اوكا اوكاوبالخطوات المصورة
كفاية رغى يا اوكا وهاتى المقادير حاضر هاسكت
المقادير باذنجان+كوسة +بطاطس+طماطم+2 فلفل حار+زيت زيتون كمون+ملح+ثوم الطريقة اول خطوة نقطع الباذنجان والكوسة والبطاطس ونضيفلهم قليل من الملح ونتركهم ساعة ونشطفهم جيد جدا ونجيب الصاجة وندهنها بقليل من الزيت ونرص فيها الباذنجان بالشكل دا ونرش عليه قليل من الزيت وعلى درجة حرارة 180 ونتركه لحد ما يستوى نسوى الكوسة والبطاطس والفلفل بنفس الطريقة
ممكن تعمليها من غير كوسة بس انا مش باكل الكوسة خالص
عشان كدة بعملها بيها بيكون طعمها حلو وبستفيد بفوائدها ثانى خطوة نعصر الطماطم ونصفيها ونحطها على النار تتسبك مع ملعقة توم مفرى وكمون وقليل من الملح
نرص الباذنجان والكوسة والفلفل والبطاطس فى صينية زى ما واضح فى الصورة
نصب عليها الطماطم المتسبكة
وندخلها الفرن على درجة 160 ومن فوق على درجة وسط
وتقدم ساقعة وممكن تاكليها سخنة
وبالهنا والشفا طعمها جميل جدا وكمان مغذية وصحية
اتمنى تجربوها وتعجبكم
ولو عجبتكم الوصفة
لا تنسوا التقييم والرد
وليكم احلى بوسة
كتبت :
لؤلؤئة البحر
-
شكرا ليكى حبيبتى شكلها لذيذ ان شاء الله اجربها واقولك بس حبيبتى بتجيبو الاموشانات الحلوة دى منين انا دورت فى المنتدى مش لقياها ياريت تقوليلى
كتبت :
دينار
-
ملوكة طريقتك جميلة وجديدة يسلموا الايادي
وتقبلي تقييمي ياعسل
كتبت :
°o.OجوليO.o°
-
يسلموووووو يااحلى اوووكــــــــــــــا
وكالعادة مقدر اطلع من الموضوع بدون تقييم لاحلـــــــــى ولا احلـــــــــى
كتبت :
أم عمر و توتة
-
تسلم ايديكى ملوكة على
طريقة المسقعة الجديدة...
اول مرة اعرف المكونات دى..
تقبلى مرورى حبيبتى..
كتبت :
أنثى أبكت القمر
-
شوفي أوكا انا أخذت الصحن لأنه منظره شهي جداااااااااااااااااااا ان شاء الله بجربها لأني بسمع عن المسقعة كثيروحابه ذوقها تسلم ايدك ياعسل وتقييم لأوكاااااااااااااااا