رسالة الى الرئيس المخلوع

مجتمع رجيم / فيض القلم
كلمة صدق
مش انت واحد مننا ؟؟ ... ...و عمرك في يوم ما سرقتنا ...
ولا خدت مليم مننا ما تيجي طب ترجعلنا
تقعد بأهلك وسطنا أهو مرة تاكل أكلنا
وتلبس يا خويا من لبسنا وتعيش في حارة او في شارع زينا
قلت ايه ؟؟ يا حارق دمنا
سيادة المخلوع ... ارجعلنا وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا مش سبت الحكم .. لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!! غرقت في عرض البحر و راحوا أهلنا
... و الجاني فلسع مننا
ومركبة بأحلى شباب ... ييجوا من ايطاليا غرقانين .. والقرش ياكل لحمنا
والله كانوا زينا ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا ولو انت واحد مننا
فعلا يهمك أمرنا بينا عالنائب العام ..
تفتنله على ولاد الحرام ...
مصوا بلدنا و دمنا
و افتن دي فتنة مش حرام ..
ده حقنا دا لو انت واحد مننا أصبر هتسمع حكمنا
سيادة الرئيس ... ارجعلنا اقعد معانا و زينا
هعرفك .....ـ دي (أم خالد) أمنا ودول أهل (سالي) أهلنا و(عمر بن بنونة ) إبننا
فسر و احكي و قللهم .. و قللنا
واستسمح الروح اللي منورة في الجنة عند ربنا هتقول مكنش قصدنا ؟؟
ـ دول ماتوا غصب عننا ؟؟ـ كداب و فاجر
.. و اللي يصدقك زيك .. والكدب ريحته منتنة
تتشل إيد اللي ضرب ،،
و اللي أمر ،،
و عليكوا لعنة ربنا
أصبر هتسمع حكما أيوه بقول ارجع لنا ياللي سرقت حلمنا وغربتنا و نهبتنا ...
و في كل حتة أهنتنا
إحنا اللي سال دمنا في الأربعين و اسكندرية و التحرير يشهد لنا
آدي القفص ... أقف هنا والشعب يحكم .. مش أنا صدقني ...
هي بينة من فوق سبع سماوات ..
قالها ربنا العين بالعين والسن بالسن ...
و هو دا بقه حكمنا ...
و مفيش غيره عندنا



بقلم احمد فؤاد نجم
مامي نور
رااااااااااااااااائع راااااائع بكل معنى الكلمة
تأثرت جدا بالكلمات على رغم بساطتها وبساطة الشاعر هاده الله
رائع أختي سلمت يداك وبوركت


الحمدلله مصر صعدت للقمة لن يكون هناك ذاك الخوف أو المهانة فالشعب صنع ثورته واستعاد كرماته بعدما بعثرها ذاك الفاجر
فاللهم زده مقتا إلى مقته وعذابا وخزياً لعذابه وخزيه ..
مصر الآن في العصر الذهبي من أيامها وكما يقال هي في عز شبابها
وشعبها الطيب سوف يجعلها تتقدم وترتفع نحو الأعلى ..
كل الشكر لشخصك الطيب غاليتي
زهرة الليمون
رووووووعة والله ما فى اروع من كدة
تسلمى غاليتى عبرتى عن اللى فى قلبنا كلنا


منايا1977
روعة ما شاء الله وكلمات معبرة من القلب
مشكورة على النقل
مشكووووووره والله يعطيك الف عافيه
مامت توتا
الله يجازى ولاد الحرام
اللى نهبونا
وسرقونا
الله على طرحك الاكثر
من رائع
تسلم ايدك
زهره الاسلام
رااااااااائع كلمه صدق
كلمات جميله جدااااا
حسبى الله ونعم الوكيل فى كل ظالم خرب هذا البلد
الصفحات 1 2 

التالي

كلمات روعة جداً

السابق

كلمات اهديها لكل شخص حزين ومهموم

كلمات ذات علاقة
المخلوع , الخ , الرئيس , رسالة