مساعده من الاخوات المصريات

مجتمع رجيم / الاطباق المتنوعة

كتبت : صفاء العمر

اخواتي المصريات
زوجي نفسه بمحشي الكوسا على الطريقه المصريه
من فضلكم محتاجه مساعدتكم وخبراتكم علما اني عايزه اسوي الغداء بكره محشي كوسه عالطريقه المصريه
فقلت مالي غير اخواتي بالمنتدى بيساعدوني وبيدلوني بليييييييييز لا تخيبو طلبي
والف شكر

كتبت : أم عمر و توتة

اهلا حبيبتى..

الف هنا و شفا مقدما..

طبعا تحضرى الكوسة صغيرة و تغسليها كويس
و تكحتى بالجزء المشرشر..طبعا الصور من النت..

بعد كده تحضرى الحشو..بصل مقطع صغير+ زيت+زبدة
او سمن بلدى اذا عندك و تقليه شويه ثم تضعى الطماطم
المعصورة+ الصلصة و تتركيها على النار حتى تتسبك
ثم تضيفى ملح+فلفل+بهارات+قليل من الحبهان المطحون (الهيل)+خولنجان اذا عندك..
و مكعب مرقة خضروات و تضبطى الطعم..
ممكن تضيفى عصاج اذا تحبى..
الخضرة تكونى منظفاها و مقطعاها..شبت+بقدونس+كسبرة
ثم ضيفيها على الخلطة..
اغسلى الرز و صفيه من الماء جيدا ثم ضعيه على
الخليط السابق(الرز ممكن تحسبيه ان كل واحدة كوسة
تاخد لها تقريبا كبشة بايدك غير مليانه خالص..يعنى
نصف الكف تقريبا)
تحشى الكوسة الى المنتصف فقط ثم ترصيها فى الحلة بعد وضع حلقات البصل + رشة ملح+فلفل فيها من تحت
و الرص يكون بالشكل ده

الصورة من النت لكن حبيت اوضح لك كيف يُرص..

تغلى شوربة مضاف اليها ملعقتين صلصة ثم
ضعى الى منتصف الكوسة فقط..

توضع على النار حتى تتشرب ثم تهدئ النار..

حبيبتى ارجو ان اكون وضحت..

اى سؤال تحت امرك...

كتبت : ◕‿◕β.Ő.Ṩ.Ϋ◕‿◕

صفصف وحشانى جداااا

ان شاء الله تكونى بخير حبيبتى

ام عمر جزاكى الله خير كفيتى ووفيتى

ده كمان موضوعين من المنتدى ان شاء الله تستفيدى

المحشي والملوخية والمخلل لبلاد العرب اوطاني ‏

الكل معزوم عند بسبوسه على ....... ادخلى واحجزى مكانك

وطبعا اى سؤال تحت امرك

:)

كتبت : صفاء العمر

ربي يخليلي اياكم اخواتي ام عمر وبوسي ولا يحرمني منكم
وتسلم يديكم
وان شاء الله بكره حعملو على طريقتكم وابلغكم
انا لاحظت ان الحشوه مافيها لحم
ينفع احط مع حمسة البصل والطماطم لحم ولا لا
الف الف الف شكر وابلغكم بكره العصر بالنتايج
تسلمولي يارب

ام عمر ايش هو الخولنجان؟

كتبت : ◕‿◕β.Ő.Ṩ.Ϋ◕‿◕

صفصف انت اتدللى حبيبتى

ومنتظرين النتيجه بكره ان شاء الله

بصى ممكن تحطى لحم فيه ناس برضه بمصر بتعمل كده بس اكثر الناس لا توضع فقط ارز الخلطه

بس شوفيه يحب ايه واعمليه

وبالف هنا مقدمااا ياقمر

:)

كتبت : صفاء العمر

عزيزتي بوسي ايش يعني عصاج
يعني لحم وبصل وصلصه
معلش تعبتك معاي
ومين احلى باللحمه ( العصاج )ولا بدون
والف الف الف الف مليون شكر