ساعدوني انا بحيره بأمري

اختي حبيبتي اولا اهلين فيكي معانا
وانتي فعلا في بيتك الثاني وفي المكان الصحيح
واحنا كلنا اخواتك ونتمنى مصلحتك لوجه الله

واناحسيتك من كلامك كأنك اختي الصغيره عشان كده بكلمك بصراحه
الحب مش عيب ولاحرام لكن التعبير عنه او مجاراة مشاعرنا هو العيب والحرام
وانتي فكري لو اخت الدكتور هذا معاكي في الجامعه اخوها يوافق انها تكون على علاقه بأخوكي مثلا زيكم؟
هل نظرتوا لكي وانتي مابتكلمي احد ولابتوقفي مع احد حتى هو نفس نظرتو الان وانتي بتكلميه وتسمعيلو ولمشاكلو؟
طبعا لأ والرجال كلهم بيقولوا اللي كلمت واحد كلمت عشره وانتي اكيد ماتضري النظره هادي لنفسك
عشان كده نصيحتي لكي حبيبتي اقطعي العلاقه هاذي نهائيا وقوليلوا مافي اي صله تربط بينا عشان اتكلم معاك
واذا تريد الحلال اتفضل الله يحييك في بيتنا
صدقيني انتي كده تكبري في نظرو وتكبري اهلك كمان ويعرف ان اهلك عرفوا يربوكي كويس
ولو ابن حلال حيحترم رأيك وتبان نيته ولو العكس فالله رحمك منه
اتمنالك التوفيق والسعاده
واتمنى تطمنيني عليكي
واناتحت امرك في اي وقت

الدراسة و التخرج بنجاح اهم مرحلة لاتضيعي دراستك وتشتتي نفسك لازم تفرحي اهلك بالشهاده اولا .اوصيك بدراستك وكل اللي تفضلو فية اخواتي في المنتدى صحيح وانا بضم صوتي لهم (الدراسة اهم) واحنا لما كنافي الجامعة صديقة لنا صار معها مثل ما حصل وخسرت الدراسة والمحبوب لانو فية منهم بيتسلوا