تجربتى لأنقاص 25 كيلو في شهر ونص بسبب تجربه حب

مجتمع رجيم تجارب الرجيم الناجحة
الكاتبة: ديكاا

تجربتى لأنقاص 25 كيلو في شهر ونص بسبب تجربه حب

هاي اذيكم في الاول
عايزه اقؤلكم تجربتى مع الريجيم

اهو بفضفض وخلاص واقؤل الكلمتين الي يمكن محدش من الناس الي حولياا يعرف حاجه عنها

مبدائيا انا عمري ماشفت نفسي واناا رفيعه
يعنى طول عمري وانا تخينه كده
بس عمري ماكان عندي عقده النقص دي
غير احيانا بس لما بروح اشتري لبس مثلا وميجيش علي قدي وماما تعد تأنبنى
طبعا مش هعد احكى علي التريقات ونظرات الناس ليا وانا تخينه والكلام ده

كلنا عارفينه فأنا مش هعد ارغى فيه

التجربه بقي بدأت منين
من سنتين اتعرفت علي صديق
المهم اتعرفنا وبقينا اصحاااب اوووى
هو شخصيه محترمه وبيراعي ربنااا
وبيعتبرنى اغلي انسانه عنده في الدنيا دي
تخيلوا انه عمره ما قال كلمه ماما لحد (عشان مامته متوفيه وهوه عنده سنتين)
هو مش بيقؤلى غير يا ماما

المهم انى حبيته جداااااا
مكنتش متخيله نفسي مع غيره
وكل يوم كان بيزيد اعجابي بيه عن الاول
وكل يوم برضه ببقي مستنياه يجي يقؤلي بحبك
واليوم ده مابيجيش
والي يغيظنى اكتر انه نفسه يرتبط وكل شويه يقؤلي انه عايز يحب وكده
طب مانا موجوده اهو يا اعمى

وكان دايما يقؤلي انتى لو كان في منك علي صغير مكنتش سبتك والله (علي سبيل الدعابه) مرح ماشاء الله هههههه

المهم فاض بيا ومقدرتش بصراحه
قلتله انا بحبك
عارفين يعنى ايه واحده تقؤل لواحد بحبك
هي حاجه غلط
بس والله انا مقدرتش

فاجانى بقي
وقالي انا بحبك زي اختى والكلام ده بقي
وانتى مقصرتيش في حااجه والله
انتى زي اختى وامى واغلي حاجه عندي

وانا قررت انى مش هكلمه تانى وهقطع كلامى معاه
لانى مش هينفع ارجع اكلمه بعد الي حصل
علي الاقل عشان شكلي ..كرامتى او ما شابه

المهم هو رفض البُعد ده وقالي مش هينفع وكده
المهم ان احنا رجعنا علي حد قؤله اصحاب واخوات

بصيت لنفسي بقي

طب انا فيا ايه مش عاجبه

لقيت نفسي بجاوب بسرعه

هو مين الي هيحب واحده في وزن امه بالشكل ده
عذرته مع انى باجي في احيان واقؤل انه لو كان بيحب الشكل بس
فدي مش حاجه حلوه

وبقنع نفسي انه لو بيحبنى هيحبينى وان تخينه عاادي

المهم بقي
قررت انى ابقي واحده تانيه

بعد ما حلمى الوحيد انى اكون مع الانسان الي حبيته بقلبي ضاع
قلت انا هستنى ايه

ضاع حبيبي عشان انا تخينه !!!

معقؤل جسمي الي طول عمري عايشه بيه هيجي في يوم ويخسرنى كل حاجه بالشكل ده

طبعا جالي فتره واكـابت فيها اووى عشان الاحساس ده

وبعدين قررت بقي انى هعمل ريجيم .. اعمل ريجيم .. اعمل ريجيم

تخيلوا بعمل ريجيم ليه ؟!
عشان اخليه يندم انه رفض حبـــى وعشقي ليه


هو الحمد لله مسافر دلوقتى بيرجع كل شهر مثلا
بس انا حلفت انه ماهيشوفنى ولا هيعرف انى بعمل ريجيم
هخليها مفجأه
هخليه يشوفنى ميعرفنيش
وفعلاا ميعرفش لحد دلوقتى اني بعمل ريجيم
بدأت من شهر ونص اعمل ريجيم بقي

والفضل يرجع لمنتديات ريجيم بصراحه
عندكوا مواضيع هايله واعضاء ممتازين بيحبوا بعضهم بجد

خسيت 25 كيلوا في الاشهر ونص دول

من غير ادويه ولا اعشاب والحجات ديي

انظمه من الي انتوا بتكتبوها

وحوالي لتر ونص شاي اخضر في اليوم
تخيلوا
ههههه


المهم انى بقيت رفيعه الحمد لله
هو انا لسه فاضلي 10 كيلوا عشان الوزن المثالى
بس عشان انا طويله مش باين عليا

ومتأكده مليون الميه انه لما يشوفنى هيندم انه ضيعنى من بين ايديه

ومتأكده انه هيجي ويقؤلي بحبك
بس ساعتهااا انا عمري ماهرجعله وهقؤله احنا اصحاب وبسس
عايزه اقؤلكم حاجه بقي

احساس الثقه بالنفس اختلف خاالص
بجد يا جماعه علي قد ماكنت مكـابه ان حبيبي ضاع منى عشان جسمى
انا دلوقتى فرحانه انى هلاقي حد احسن منه

الدنيا مش بتقف علي حد

هبدأ حياه جديده وهحب في يوم من الايام
رغم انى مازلت مش شايفه غيره في حياتى ومتخيله كل لحظه بشوفها معااه

يلا بقي هو اكيد الخسران

سوري علي الاطاله والاسلوب بتاع الكتابه ده
انا مش بعرف اكتب
^_^
الكاتبة: شمس الحيآة

ديكآآ

ما شاءالله عليكي يا حبيبتي ,,

وان شاءالله تخسري ال 10 ىالكيلو الزايدة من غيير شر يارب

بس ما قلتل لنا ديكا

كم كان وزنك قبل الريجيم وبعده,,؟؟؟

وشو كان نظامك في الاكل؟؟؟
الكاتبة: ديكاا

كنت 115
ودلوقتى 95
وطولي 180
والوزن المفروض يكون 85

ونظام الاكل كان كل اسبوع مختلف

بس مكنتش بعمل حاجه غلط
ولغيت يوم المفتوح الي المفروض يبقي كل اسبوع مره

ولغيت العيش والرز والمكرونه نهاائي

باكل البيض كده لوحده
وكل مابجوع اكل خيار وخس خيار وخس

ساعات بتعشي وساعات لا

بشرب حوالي 3 ليتر مياه في اليوم او امثر
زائد زي مابقؤل لتر ونص شاي اخضر
الكاتبة: ديكاا

غير الرياضه والمشي كل يوم نص ساعه او ساعه
الكاتبة: شمس الحيآة

ما شاءالله

ومبرووووووووووووووك عليكي يا اختي ع النزوووول ^^

وعقبااال الوزن المثااالي +_^
الكاتبة: منايا1977

ما شاء الله عليكي
ان شاء الله توصلي للموزن المثالي قريبا
مووووووفقة
الصفحات 1 2  3  4  5  ... الأخيرة

التالي
السابق