تجهيزات البيبى المشاركة من الجميع (فرصة للمصريات)

مجتمع رجيم / الأمومة و الطفولة
azmiralda000
احنا عايزين نتشارك و نفيد اللى بتجهز للبيبى بتاعها عشان ماتجبش حاجات ما تستخدمهاش
انا هكتبلكم انا عملت ايه و ياريت كل واحدة تقول لنا عن تجهيزاتها

اولا اهم حاجة الهدوم تكون سهلة فى اللبس و فتحة الراس واسعة و مكان تغيير البامبرز
انا اشتريت الهدوم الداخلية (الفانلات - البنطلونات الداخلية) اشتريت 3 بس من كل حاجة و و جبت اول مقاسين قلت يمكن البيبى يطلع صغير يلبس اول مقاس او يكون مليان يلبس تانى مقاس
اشتريت 3 بس قلت عشان اللى يطلع مظبوط و كويس اجيب منه تانى
فى سالوبتات بتكون مقفولة من الرجل من تحت بصراحة مش مفيدةلأن الطفل بيطول و مش بيقدر يفرد رجليه فيها هاتى سالوبيت مفتوح و لبسيه شراب افضل
وكمان ماتنسوش مقص الاظافر و المقص افضل من القصافة فى ماركة اسمها pigeon فيها مقص سلاحه صغير جدااااااا ممتاز بس هو غالى شوية
و كمان شفاط الانف عشان لو لا قدر الله الطفل جاله برد ده بيشفط المخاط عشان يقدر يتنفس
طبعا اهم حاجة تتاكدى ان كل الهدوم قطن 100%
كل ما افتكر حاجة هقول عليها و فى انتظار مشاركتكم

للمصريات: فى محل صغير فى ميدان الجامع فى مصر الجديدة هو صحيح صغير بس ممتااااااااز و عنده كل حاجات البيبى
وفى ماركة اسمها الصياد حاجنها حلوة اوى هتلاقيها فى كل المحلات و هما ليهم محل بيبع بسعر الجملة فى مساكن شيراتون فى مصر الجديدة جنب النساجون الشرقيون
نانوسه
المعلومات اللي قلتوها حلوه جدا ومفيده ، وعن الماركات فيه كمان ماركة جونيور جميله جدا وناعمه جدا علي جلد الاطفال خصوصا في الفانلات الداخليه لكن السالوبتات والبجامات مش اوي
سمرا مصر
شكرا لك على موضوعك وعلى الاماكن والماركات
sassoo
صديقتي ام سيسو
احنا بنلتقي تاني هنا في المنتدي ده
انا سلمي
امورة مصر
عزيزتى ام ياسين ازيك انا شفت موضوعك قبل كده بس كان مغلق وكنت حابه جدا اشارك فيه انا حامل فى اول الشهر التالت اول يوم فيه النهارده وبجد الكل هيستفيد منك ومن خبرتك انتى وكل البنات اللى عندعهم خبره فى تجهيزات البيبي
تالة
موضوع جميل مشكورة
ولا تنسي طقم الاستحمام الذي هو عبارة عن فوطة للجسم وأخرى للرأس وليفة ناعمة وحوض الاستحمام وشامبو وجل استحمام وبودرة و لوشيون للجسم
الصفحات 1 2  3 

التالي

أرجوووووووكم ساعدوني

السابق

برنامج متكامل لمن تأخر حملها

كلمات ذات علاقة
للمصريات , المشاركة , البيتى , الجميع , تجهيزات , فرصة