هذي بياناتي ...

اهلا وسهلا بنت الدلم
اذا ممكن تعطيني نبذه بسيطه عن روتينك الغذائي
وافضل الوجبات عندك واللي تاكليها باستمرار
والاكلات اللي ماتحبيها حتى اتجنب وضعها في نظامك الغذائي

وشكرا

هلا وغلا ..
مساء الخير ... كيفك
بصراحه انا احب الاكل بكل انواعه وكمان احب الشكولاته ولايسكريم ... هذا بالنسبه للحلويات
لكن بالنسبة للاكل الدسم عادي ... احب الوجبات اخر الاسبوع ... وبعدين ياعمري انا موظفه وتعرفين دوام وحر للازم اكل كثير ...
والباقي عليك ,,, ياقلبي ... نفسي انحف
بس مادري عندي ملاحظه انا شعري خفيف .. وشلون بالنسبة لرجيم مابي شعري يتضرر اكثر .... بس تقدرين تصرفين لي مكمل غذائي .
انا بصراحة استخدمت حبوب الحديد بس مانتظمت عليها ... اسمها هيمو قلوبين على مااعتقد .. مدحوها لي تنصحيني اني اكلها ولا ايش ....
شوفي حبيبتي .. اناراح انتظم معك ان شاء الله لاني سويت رجيمات حرمان من الاكل ... وخبصت كثير ... بس الي انا ماشيه عليه الحين هي جريب فروت كل يوم صباح اعصر واحدة واشرب عصيرها عشان الكرش يقولون تروحه ... واللحين تقريبا خمس شهور وهذا السادس بس فيه تقدم لكن موزني ماتغير بس بان لي خصر للحمد الله راح امشي على الجريب فروت .. مع نظامك عادي

بأذن الله ينقص وزنك معي بصحه وعافيه
النظام المقدم لك يحتوي على خمس وجبات وغني بجميع العناصر الاساسيه التي يحتاجها الجسم
لا تقلقي من ناحيه الشعر او البشره او حتى نشاطك الجسماني
النظام لا يعتبر رجيم قاسي ابدا
النظام عباره عن تنظيم لروتينك الغذائي وتصحيح له
كل الوزن الزائد فيك بينزل ويظل وزنك الطبيعي لك

انا متفائله كثير فيك
ومتحمسه لاخر الاسبوع وبالنتائج المذهله الي بتحصل

هذا هو النظام

الفجر
شرب 6 اكواب ماء دافئ بالتدريج
بالاول كوبين وفي اليوم الثاني 3 اكواب وهكذا حتى تصلي لل6 اكواب + ملعقه عسل
7ص : الافطار
بيض مسلوق + شريحتين توست اسمر + شرائح خيار وطماطم بالاضافه الى شرب شاي شمر
أو
صحن متوسط كورن فلكس بالشوفان + نصف كوب حليب منزوع الدسم + شاي شمر
أو
صحن كبير فاكهه ( تفاح - فراوله - كرز - كيوي - برتقال )+ شاي شمر

ممكن عصير جريب فروت
\\
10ص : لوز او جوز او بذور دوار الشمس بشرط لا يزيد عن 20 حبه
او عصير خضار ( كرفس - خيار - بقدونس - نعناع - سبانخ - ربع كوب ماء وليمون لاضافه الطعم
تخلط جميعها بالاخلاط وتشرب بدون تصفيه )

\\
12ظ: مشي لمدة 30 دقيقه

\\

1ظ: شرب 2 كوب ماء دافئ
2ظ: الغداء
4 ملاعق رز اسمر + سمكه متوسطه او دجاج مشوي اي كميه
او
4 ملاعق فول + ربع خبز اسمر
او صحن متوسط شوربه خضار او عدس
بالاضافه الى سلطه خضار مع اي وجبه تختارينها
\\
6م: مشي لمدة 30 دقيقه
6.30م: شرب 2 كوب ماء دافئ
7م: العشاء
2 شابوره بر
او
سلطه خيار بالزبادي منزوع الدسم
او
صحن متوسط شوربه
أو
خضار مسلوقه
ممكن تعملي بطاطس مهروسه وضيفي لها ملعقه زعتر
\\
9م: 2 كوب ماء دافئ + تفاحه او 3 تمرات او عصير خضار
يفضل النوم مبكراً فهذا يساعد على استعاده التوازن الطبيعي للجسم بشكل اسرع

نبدأ من يوم السبت وماتقيسي وزنك الا يوم الجمعه فقط
باقي ايام الاسبوع اننننسي الميزان تماما
ضروري يوم الجمعه تدخلي وتخبريني بوزنك الجديد

بالتوفيق عزيزتي :)

بصراحه رائع الله يعطيك العافيه ...

انا متفائلة فيك بصرااحه ...
وشو شاي الشمر وين احصله

الشمر او الشومر او الشمار كلها اسماء لعشبه واحده
موجوده عند العطار
اغلي ملعقه منها في كوب ماء غليه واحده فقط
وبالهنا والعافيه على قلبك :)