أكون أو لا أكون - (لآخر مره)

مجتمع رجيم / أرشيف رجيم

كتبت : فرس ابريل

هذا الموضوع إستكمال ليوميات سـابقه

كان معاي فيه (مس توته + الحبوبه222)

الميزان بيكون بإذن الله كل جمعـة

موضوعنا = يوميات ..لكن اكيد حتكون فيه اشيا مفيده
يوميات ..وقصص ..وريجيمات واشيا اخرى مفيده ممكن تفيد الكل
اتمنى انكم تطلوا علينا بين فترة و الثانيه و تشجعووونا ..

البداية : اليوم السبت 28مايو2011
النهاية:30 يوليو2011 قبل رمضان بـ يوم ان شـاء الله

ملاحظات :
التسجيييل مغلللق و اليوميات مكتفيه بـ مشتركاتها

انا وحده مليت من الاعذار
مليت من التسويف
مليت من الظروف
مليت من التبلد الي انا عايشه فيه
مليت من نفسي
مليت من الاكل
مليت من سمنتي
مليت من نظرات الناس
مليت من رحلات بحثي عن ملابس مناسبة لتغطية الشحوم و اللحوم الزايده !!

صار لي سنننننين وربي احاول اخفف من وزني
وكل ماله ويزيد حاولت بكل الطرق رحت اخصائية تغذيه ، جربت حبوب ، جربت ريجيمات لكن مانفع
تعرفون ليش ؟؟
لان مافي اراده !!
انا ابي انحف لكني ما ابذل جهد
ابغي انام واصحى وانا نحيفه وهاي مسسسسسسسسسستتتتتحيل !!

بعطي نفسي فرصه اخيره بهاليوميات وببدا
اكون او لا اكون
احقق هدفي واصير نحيفه واكون الي ابيه
او ما اكون شي طول عمري !!

يعني انا عارفه ان الي اسويه غلط
وان اكلي مهب نافعني
وان مصلحة نفسي في الريجيم
لكن مع ذلك مستمره !!
لان مافي اراده !!

الاكل و تغيير نظام حياتي لـ نظام صحي تحدي
لكنه مهب تحدي كبير !! في الدنيا ما اهو اكثر و اكبر واهم !!

اذا انا مب عارفه تكون عندي اراده
واتمسك بشي بسيط مثل هذا وانفذه
بكره شلون بقدر على ماهو اكبر وتحديات الحياه اكثر

ببساطه انا ماخذه موضوع الريجيم هالمره مقياس لاشيا كثيره بحياتي اتمنى انكم تتابعون وتشجعون

يومياتي ما بتكون يوميات مثاليه !!
ايه مش مثاليه لاني بتحلطم وبشتكي وبتذمر وبتعب فيها
ببساطه انا انسانه ابي افضفض يمكن اغلب يوميات قبل مانجحت
بسبب ظروفي وبسبب اني ماكنت اتكلم عشان لا احبط الي معاي
لكن هذا ما نفعني

مثل ما راح اغير بنظام اكلي
بحاول اغير بنفسي و بحياتي واحد اول اهدافي هو اني اغير جسمي
واغير وزني الي ثبت من سنين

قلت من قبل ان باب التسجيل مغلق
لكن ماعندي مانع استقبل 2 او 3 مشتركات
شرط يكونون مروا بالي مريت فيه ، ويبون يعطون نفسهم فرصه (أخيره)!!

وغير جذي يكونون ناويين يستمرون وجادات ويتابعون

يمكن تسائلون ليش كتبت فوق التسجيل مغلق وتحت كتبت ممكن استقبل مشاركات

الجزء الي فوق وباللون الورد هو جزء مقدمة يومياتي السابقة
وبعدين الي مهتمه بالموضوع اكيد بتكمل لين اخر الموضوع وبتوصل لهالسطور
غير اني مابي مشاركات كثيرات لان كل ماقل العدد كان التواصل اسهل